"TINTA DO MAR" contacontos ilustrado sobre LUISA VILLALTA de "POLO CORREO DO VENTO" para celebrar o DÍA DAS LETRAS GALEGAS

Na Biblioteca Pública Municipal do Concello de Pazos de Borbén - BiblioPazos, queremos conmemorar o DÍA DAS LETRAS GALEGAS e para elo o próximo Martes 21 de Maio ás 11:00 horas da mañá nas instalacións do CPI “Curros Enríquez” de Pazos recibiremos a visita de Quique Mauricio e Carlos Taboada de POLO CORREO DO VENTO que nos ofrecerán o seu contacontos ilustrado baseado no libro “TINTA DO MAR. Pequena biografía de Luisa Villalta”, editado por Polo Correo do Vento a través de Lela Edicións.

Nesta actividade narrarase oralmente a historia, sempre dando pinceladas da obra e vida da autora LUISA VILLALTA GÓMEZ a quen a Real Academia Galega dedica este ano este día tan importante para a exaltación a promoción da nosa literatura e da nosa lingua; e farase un obradoiro de debuxo no que se realizará unha caricatura da escritora, filóloga e violinista galega.

Temos comprometida a asistencia a este evento do alumnado de Infantil e 1º e 2º de Primaria do CPI “Curros Enríquez” de Pazos e da EEI “A Galeriña” de Nespereira; co obxectivo de que a cativada coñeza á autora homenaxeada este ano no DÍA DAS LETRAS GALEGAS.

O Concello adquiriu 100 exemplares do libro e cada un dos asistentes a este evento será agasallado cun exemplar; ademáis tamén obsequiarase cun exemplar a cada un dos escolares de 3º e 4º de Primaria do CPI “Curros Enríquez”, ata acabar as existencias.

Por último animar a toda a veciñanza a conmemorar o DÍA DAS LETRAS GALEGAS participando en calquera das actividades que levamos e cabo en BiblioPazos e tamén nas que se realizan noutras bibliotecas, escolas e outras institucións da nosa comarca para estimular a todo o mundo a ler polo menos 20 minutos cada día, e mellor si o fan na nosa lingua galega.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

O DÍA DAS LETRAS GALEGAS DE 2024 homenaxea á escritora, filóloga e violinista coruñesa LUISA VILLALTA GÓMEZ

O vindeiro día 17 de Maio celebramos un novo DÍA DAS LETRAS GALEGAS dende que o 20 de marzo de 1963 os tres membros da Real Academia Galega -Manuel Gómez Román, Xesús Ferro Couselo e Francisco Fernández del Riego- presentaran nesta institución unha proposta histórica: que se declarase ese día de cada ano "DIA DAS LETRAS GALEGAS" como data para "recolle-lo latexo material da actividade intelectual galega". Por iso cada ano, nesta data, Galicia honra as súas Letras e a súa Lingua.

No ano 1963 celebrábase o centenario da publicación do libro "CANTARES GALLEGOS" de Rosalía de Castro, pero ignorábase a data da súa publicación por iso propúxose o día 17 de maio, por ser nese día cando Rosalía de Castro lle dedicou o seu libro ao tamén poeta Fernán Caballero; e así foi como se instituíu como festa anual do Día das Letras Galegas o 17 de maio. Escolleuse esta data porque "CANTARES GALLEGOS" foi o primeiro libro galego que tivo unha significación universal.

Neste ano 2024 a autora homenaxeada é o escritora, filóloga e violinista coruñesa LUISA VILLALTA GÓMEZ:

LUISA VILLALTA GÓMEZ nace na Coruña o 15 de xullo de 1957. A cidade na que residirá a maior parte da súa vida será materia principal da súa obra. No libro "En concreto" tomará a dimensión máis plena ata se fusionar coa propia poeta. A casa familiar situada na rúa Vila de Laxe acolle os primeiros anos de infancia. É a filla maior dunha familia de clase media, o pai, profesor mercantil, a nai, formada en comercio, imprimirán nas dúas fillas a afección pola música. Con oito anos comeza a formación no Conservatorio de Música da Coruña. Dezaoito anos despois concluirá como titulada superior de violino. Estuda no colexio das Xosefinas e remata o curso de acceso á universidade no Instituto Eusebio da Guarda en 1973-74. Ávida lectora desde a infancia, os primeiros anos de vida transcorren entre xogos nos xardíns de Méndez Núñez e na Mariña, debuxando, observando o mundo coa curiosidade dunha nena esperta e decidida nos seus propósitos, fosen estes estudar violino ou aprender a patinar en Riazor....

Para saber máis da biografía da autora, fai clic AQUÍ.

Para coñecer mellor a vida e obra de LUISA VILLALTA GÓMEZ, autora homenaxeada este ano 2024 no Día das Letras Galegas, tendes nas seguintes páxinas Web un montón de documentos e actividades  para imprimir e para facer en liña:

-Web do Seminario Galán para os rapaces e rapazas desde Infantil a 6º de Primaria.

-Web da Real Academia Galega con propostas lúdicas e didácticas para todas as idades.

-Web O Portal da Lingua Galega da Secretaría Xeral de Política Lingüística no que atoparedes moitísimos recursos e información sobre LUISA VILLALTA: exposicións, actividades dinamizadoras, videos, etc.

 

-Web Primaveira das Letras da Real Academia Galega que podedes visitar e que dispón dun montón de actividades para coñecer mellor á vida e obra da protagonista das Letras Galegas de 2024.

Fonte: Real Academia Galega - Seminario Galán - O Portal da Lingua Galega

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

NOVO CARNÉ DE USUARIO/A DA BIBLIOTECA, NOVOS SERVIZOS E NOVO HORARIO

Ola a todos e todas os usuarios e usuarias da Biblioteca Pública Municipal do Concello de Pazos de Borbén.

Queremos comunicarvos que, despois de varios meses de arduo traballo actualizando e engadindo códigos de barras a todo o seu material bibliográfico, a Biblioteca integrouse no novo programa de xestión Koha formando xa parte do Catálogo Colectivo da Rede de Bibliotecas Públicas de Galicia.

Por iso convidámosvose para que vos acheguedes á Biblioteca para actualizar os vosos datos persoais e facervos entrega do NOVO CARNÉ DE USUARIO/A que é único para todas as bibliotecas da Rede.

Con esta incorporación ao catálogo colectivo vai a haber unha serie de cambios no funcionamento da Biblioteca que afectarán ao préstamo e a outros servizos dos que iremos informándovos en breve.

Co novo carné único poderedes recibir os seguintes servizos:

• Levar en préstamo materiais de calquera das bibliotecas integradas na Rede de Bibliotecas Públicas de Galicia.
• Levar máis materiais e por máis tempo (os prazos de préstamo varían segundo o tipo de materiais).
• Facer máis xestións por internet: ademais da solicitude de Alta, podes reservar exemplares, renovar os materiais emprestados e moitas máis.
• Saber en que bibliotecas está dispoñible o material que buscas (consultado o catálogo único).

Para elo será imprescindible presentar o novo carné cando queirades levar calquera material da nosa Biblioteca ou dalgunha das bibliotecas da Rede.

Ademais para ofrecervos un mellor servizo, ampliamos o horario de apertura  partir do día 2 DE MAIO que quedará da seguinte forma:

O voso número de usuario será o que vos asigne programa informático ao darvos de Alta na Rede (habitualmente coincide coa numeración do voso DNI sen a letra); e o voso contrasinal asinámoscho nós nun principio pero podedes cambialo cando queirades entrando na páxina web do catálogo da Rede de Bibliotecas de Galicia.

Co voso número de usuario e contrasinal, poderedes utilizar gratuitamente o Catálogo da Rede de Bibliotecas Públicas de Galicia accedendo á paxina web https://catalogo-rbgalicia.xunta.gal/. Tamén poderedes utilizar a plataforma GaliciaLe de préstamo en liña de libros, revistas, audiolibros e películas en formato electrónico das bibliotecas públicas galegas, que ten por obxectivo facilitar o acceso de toda a cidadanía á cultura.

En GaliciaLe atoparedes dous catálogos: o Catálogo galego, composto principalmente por libros e audiovisuais en galego, e eBiblioGalicia, cunha ampla selección de libros, revistas e audiolibros. As obras incluídas nestas dúas contornas poderanse ler e visionar en dispositivos compatibles en función do seu formato: lectores de libro electrónico, tabletas, teléfonos móbiles e ordenadores persoais.

Para utilizar a plataforma dixital GaliciaLe podedes facelo desde o enlace a este servizo da páxina web da Rede de Bibliotecas Públicas de Galicia:

https://rbgalicia.xunta.gal/gl/galiciale

Tamén poderedes facelo desde o voso móbil baixando as App da Rede de Bibliotecas Públicas de Galicia e eBiblio que podedes descargar desde Google Play ou desde App Store. Para utilizalas, unha vez descargadas, seguide os pasos para entrar co voso mesmo número de usuario e contrasinal que tedes na Rede.

Para ampliar esta información ou para calquera outra aclaración non dubidedes en contactar connosco a través do teléfono da biblioteca 986 497 273; do correo electrónico biblioteca@pazosdeborben.org ou persoalmente visitando a biblioteca no horario de apertura. O persoal da biblioteca estaremos encantados de facilitarvos toda a información que solicitedes e axudarvos cos trámites que necesitedes.

Por último recordar que todos os servizos que ofrece a Biblioteca son totalmente gratuítos e non terán ningún custo para vos.

Pois xa sabedes achegarvos pola Biblioteca para coñecer todas as novidades e o poder do Novo Carné da Rede de Bibliotecas Públicas de Galicia.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

MANUEL SOLLA BARRAGÁNS de "Expresión producións" achéganos o seu espectáculo "O LIBRO VIVO" para animar á lectura

E seguindo co noso Programa de Animación á Lectura e de Dinamización da Lingua Galega iniciamos as actividades do mes de Maio cun evento incluído no programa de dinamización da lectura nas bibliotecas LER CONTA MOITO, promovido pola Dirección Xeral de Cultura da Consellería de Cultura, Educación, Formación Profesional e Universidades (Xunta de Galicia) en colaboración cos concellos galegos titulares dalgunha biblioteca ou axencia de lectura públicas integradas na rede de bibliotecas de Galicia.

Este programa ten como obxectivo xeral animar á lectura a través dunha programación de actividades atractivas, vinculadas aos intereses dos distintos colectivos, que faciliten o achegamento aos espazos bibliotecarios co que se pretende:

• Fomentar o hábito da lectura no conxunto da poboación.
• Fortalecer o papel das bibliotecas como espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.
• Consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade.
• Promover o desenvolvemento cultural como vehículo para o crecemento persoal e colectivo.
• Valorar o libro e, en xeral, a lectura como elemento de transmisión de coñecemento e de reflexión.

Así o Venres 3 de Maio a partir das 13:00 horas no Auditorio do Concello recibiremos a visita de MANUEL SOLLA BARRAGÁNS de Expresión producións que nos traerá o seu espectáculo de artes escénicas “O LIBRO VIVO”, co que conmemoraremos o DÍA MUNDIAL DA RISA que se celebra o 5 de Maio.

 

“O LIBRO VIVO” é un contacontos teatralizado no que o libro é o fío deste espectáculo cheo de ilusión e maxia.

Un libro xigante, vivo, del sairán moitísimas sorpresas: personaxes, contos...

Un espectáculo de animación á lectura con contacontos, monicreques, cancións e maxia.

Un espectáculo interactivo, dinámico e divertido.

Convidamos a asistir a este evento ao alumnado de 1º a 4º de Primaria do CPI “Curros Enríquez” de Pazos e aos usuarios da Asociación ASPAVI, ademais de convidar tamén, e ata completar o aforo dispoñible, a todos aqueles veciños e veciñas que desexen asistir ao mesmo que, previamente, se inscriban chamando ao teléfono da Biblioteca nº 986 497 273.

Desde a Biblioteca Pública Municipal do Concello de Pazos de Borbén animamos a toda a veciñanza a conmemorar o DÍA DAS LETRAS GALEGAS e a participar en calquera das actividades que levamos e cabo e tamén nas que se realizan noutras bibliotecas, escolas e outras institucións da nosa comarca; animando aos mais novos a que lean polo menos 20 minutos cada día, e mellor si o fan na nosa lingua galega.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

ACTIVIDADES EDUCATIVO-CULTURAIS E DE ANIMACIÓN Á LECTURA DO MES DE MAIO DE 2024

Desde a Biblioteca Pública Municipal do Concello de Pazos de Borbén “BiblioPazos” seguimos traballando pola educación e a cultura no municipio organizando actividades para continuar animando e promovendo a lectura entre a nosa veciñanza, e sensibilizando e dinamizando á poboación para a utilización en todos os ámbitos da súa vida da nosa lingua galega a través do Programa de animación á lectura e dinamización e sensibilización da Lingua Galega de 2024.

Para o mes de Maio, no que se conmemora o DÍA DAS LETRAS GALEGAS organizaremos algunha actividade para homenaxear á escritora, filóloga e violinista coruñesa LUISA VILLALTA GÓMEZ, autora de poesía, narrativa, ensaios, pezas dramáticas, textos xornalísticos e tradutora; a quen a Real Academia Galega lle dedica este ano esta data consagrada á exaltación e promoción da nosa literatura e da nosa lingua.

Ademais, a través do programa de dinamización da lectura nas bibliotecas LER CONTA MOITO, promovido pola Dirección Xeral de Cultura da Consellería de Cultura, Educación, Formación Profesional e Universidades (Xunta de Galicia) en colaboración cos concellos galegos titulares dalgunha biblioteca ou axencia de lectura públicas integradas na rede de bibliotecas de Galicia; tamén temos previsto a realización de varias actividades ao longo deste ano, unha delas neste mes de maio.

Este programa ten como obxectivo xeral animar á lectura a través dunha programación de actividades atractivas, vinculadas aos intereses dos distintos colectivos, que faciliten o achegamento aos espazos bibliotecarios co que se pretende:

• Fomentar o hábito da lectura no conxunto da poboación.
• Fortalecer o papel das bibliotecas como espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.
• Consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade.
• Promover o desenvolvemento cultural como vehículo para o crecemento persoal e colectivo.
• Valorar o libro e, en xeral, a lectura como elemento de transmisión de coñecemento e de reflexión.

Así iniciamos as actividades deste mes cunha do programa LER CONTA MOITO o Venres 3 de Maio a partir das 13:00 horas no Auditorio do Concello no que recibiremos a visita de MANUEL SOLLA BARRAGÁNS de Expresión producións que nos traerá o seu espectáculo de artes escénicas “O LIBRO VIVO”, co que conmemoraremos o DÍA MUNDIAL DA RISA que se celebra o 5 de Maio.

“O LIBRO VIVO” é un contacontos teatralizado no que o libro é o fío deste espectáculo cheo de ilusión e maxia.

Un libro xigante, vivo, del sairán moitísimas sorpresas: personaxes, contos...

Un espectáculo de animación á lectura con contacontos, monicreques, cancións e maxia.

Un espectáculo interactivo, dinámico e divertido.

Convidamos a asistir a este evento ao alumnado de 1º a 4º de Primaria do CPI “Curros Enríquez” de Pazos e aos usuarios da Asociación ASPAVI, ademais de convidar tamén, e ata completar o aforo dispoñible a todos aqueles veciños e veciñas que desexen asistir ao mesmo que, previamente, se inscriban chamando ao teléfono da Biblioteca nº 986 497 273.

Continuaremos coas actividades o Martes 21 de Maio ás 11:00 horas da mañá nas instalacións do CPI “Curros Enríquez” de Pazos para recibir a Quique Mauricio e Carlos Taboada de POLO CORREO DO VENTO co seu contacontos ilustrado baseado no libro “Tinta do mar. Pequena biografía de Luisa Villalta”, editado por Polo Correo do Vento a través de Lela Edicións.

Nesta actividade narrarase oralmente a historia, sempre dando pinceladas da obra e vida da autora, e farase un obradoiro de debuxo no que realizarase unha caricatura da escritora, filóloga e violinista galega.

Temos comprometida a asistencia a este evento do alumnado de Infantil e 1º e 2º de Primaria do CPI “Curros Enríquez” de Pazos e da EEI “A Galeriña” de Nespereira; co obxectivo de que os mesmos coñezan a autora homenaxeada este ano no DÍA DAS LETRAS GALEGAS.

O Concello adquiriu 100 exemplares do libro e cada un dos asistentes a este evento será agasallado cun exemplar; ademáis tamén serán agasallados cun exemplar o alumnado de 3º e 4º de Primaria do CPI “Curros Enríquez”, ata acabar as existencias.

E, por último, para finalizar as actividades deste mes das Letras Galegas, teremos novas actividades de animación á lectura para o alumnado de Infantil e Primaria que organiza a FUNDACIÓN FILOMENA RIVERO ALONSO de Redondela en colaboración coa Biblioteca Pública Municipal do Concello de Pazos de Borbén e que se realizarán o Venres 24 de Maio na Biblioteca do CPI “Curros Enríquez” de Pazos, ás 11:00 e 13:00 horas, respectivamente.

As actividades estarán a cargo de Pepa Martín, Mariscadora de contos que nos traerá os seus espectáculos de contacontos “XOGAMOS CON CONTOS” e “O ALFABETO DOS CONTOS”.

“XOGAMOS CON CONTOS” é unha sesión de animación lectura no que a cuentera Pepa Martín achegará ao alumnado de Infantil aos libros, convidándoos a participar en xogos, adiviñas e cantos para chegar aos contos. Xogamos con contos, contamos xogando.

“O ALFABETO DOS CONTOS” é unha viaxe desde a orixe do primeiro alfabeto no que Pepa Martín, Mariscadora de contos fará que coas letras do alfabeto o alumnado de Primaria chegue aos lugares onde habitan as historias, os enigmas e outras sorpresas.

Agradecer á FUNDACIÓN FILOMENA RIVERO ALONSO de Redondela o seu esforzo pola súa colaboración, patrocinio e organización de actividades de animación á lectura en Pazos de Borbén, así como tamén pola doazón de libros que nos ven facendo nos últimos anos e que, próximamente serán postos a disposición dos nosos usuarios e usuarias.

Por último animar a toda a veciñanza a conmemorar o DÍA DAS LETRAS GALEGAS participando en calquera das actividades que levamos e cabo en BiblioPazos e tamén nas que se realizan noutras bibliotecas, escolas e outras institucións da nosa comarca para estimular a todo o mundo a ler polo menos 20 minutos cada día, e mellor si o fan na nosa lingua galega.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

Seguimos conmemorando o DÍA MUNDIAL DO LIBRO E DO DEREITOS DE AUTOR con Raquel Queizás e o seu espectáculo "RAPOSADAS"

Continuamos coas actividades do Programa de Animación á Lectura e Dinamización da Lingua Galega de 2024 na Biblioteca Pública Municipal do Concello de Pazos de Borbén para conmemorar o DÍA MUNDIAL DO LIBRO E DO DEREITO DE AUTOR que se celebra en todo o mundo o día 23 de abril de cada ano desde que tivo a sua orixe o 15 de Novembro de 1995 como unha maneira de render unha homenaxe a grandes escritores universais como Miguel de Cervantes, Garcilaso de la Vega, William Shakespeare, Vladimir Nabokov, Josep Pla e Manuel Mejías Vallejo, entro moitos outros. Foi a través da UNESCO que se decretou este día co obxectivo de fomentar a lectura entre todos os públicos, a cultura e as letras no mundo, ademais de protexer a propiedade do dereito de autor, a iniciativa da Unión Internacional de Editores.

E é que ler axúdanos a coñecer culturas, a viaxar no tempo e a cultivar a nosa mente.

A seguinte actividade terá lugar o Venres día 26 ás 13:00 horas no Auditorio do Concello no que recibiremos a visita de RAQUEL QUEIZÁS que nos traerá o seu espectáculo "RAPOSADAS" para finalizar coas connmemoracións do MES DO LIBRO, e as do Día Mundial do Libro e do Dereito de Autor.

Están convidados a asistir a esta actividade os usuarios da Asociación ASPAVI e o alumnado de 3º a 6º de Primaria do CPI "Curros Enríquez" de Pazos; e todos aqueles veciños e veciñas que queiran asistir que se inscriban previamente chamando ao teléfono da Biblioteca (986 497 273).

“RAPOSADAS” é un contacontos teatralizado por Raquel Queizás; un espectáculo de contos de tradición oral con obxectos e monicreques que...

Vide escoitar "Raposadas" para coñecer a nosa tradición oral, para que perdure e non se perda. Contos, ditos, adiviñas que xa moitos de nós coñecemos da nosa nenez e agora as nosas crianzas escoitan pela primeira vez. Unha maneira divertida de estreitar lazos para levar a cabo a transmisión interxeracional da lingua galega. A lingua de cada pobo é un tesouro que hai que sementar e coidar.

A raposa é moi lista, é moi curiosa. Gústalle vivir libre no monte mais tamén achegarse á aldea para ver xogar ás nenas e aos nenos e escoitar os contos que lles contan na lareira.

Canta o galo, sae o sol. A raposa feliz achégase a aldea cantaruxando unha melodía. Vai visitar á galiña para que lle ensine adiviñas, vai escoitar os contos da señora Lela que vive preto da escola. Agarda polas nenas e nenos para xogar con carozos de millo, con paus e con pedras. Vaille botar unha carreira ao sapo e aprender con el traballos do campo.

Xa se pon o sol, a raposa ten que marchar para despedirse dela todos póñense a danzar.

Colleita de contos populares de animais de tradición oral da nosa terra, que alimentaron, alimentan e alimentarán a moitas nenas e a moitos nenos galegos.

Os contos de tradición oral seleccionados están protagonizados por animais personificados que se debaten entre o uso da forza bruta e o uso da intelixencia para a resolución de conflitos. Moitos destes contos, ademais de mostrarnos as características que definen a cada animal, buscan describir e explicar unha forma de vida fomentando o respecto pola natureza. Axudan a coñecer a contorna natural e familiar que nos fai pobo a través da nosa lingua, os nosos contos, as nosas adiviñas, os nosos xogos e as nosas cancións.

Para calquera información sobre a programación podedes contactar coa Biblioteca por Teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

DIA MUNDIAL DO LIBRO E DO DEREITO DE AUTOR 2024

A UNESCO convídanos a celebrar o DÍA MUNDIAL DO LIBRO E DO DEREITO DE AUTOR o 23 de abril de cdada ano en todo o mundo. Así promove a creatividade, a diversidade e a igualdade de acceso ao coñecemento.

Esta efeméride entronca con outras iniciativas relacionadas, como a Rede de Cidades Creativas da UNESCO, e os programas que apoia de fomento da alfabetización e aprendizaxe móbil, con compromisos claros como o incremento de propostas que promulgan o acceso libre ao coñecemento científico e aos recursos educativos.

Grazas á participación activa de autores, editores, docentes, bibliotecarios, institucións públicas e privadas, Ong humanitarias e medios de comunicación, así como de todos aquelas persoas e entidades motivadas para colaborar nesta celebración do libro e os autores, o Día Mundial do Libro e do Dereito de Autor converteuse nun evento que reúne a millóns de persoas en todo o planeta. 

En España, o Ministerio de Cultura, a través da Dirección Xeral do Libro, do Cómic e da Lectura, encarga a unha artista a realización dun cartel conmemorativo que, neste caso, foi obra da ilustradora Luci Gutiérrez (Barcelona, 1977), que foi Premio Nacional de Ilustración 2023 “pola súa excepcional traxectoria e por ser unha das artistas máis sobresalientes no panorama actual, referente da ilustración española dentro e fóra das nosas fronteiras”.

Este cartel vai acompañada dunha frase do último autor galardoado co Premio de Literatura en Lingua Castelá ‘Miguel de Cervantes’. En 2023 foi Luis Mateo Díez, de cuxa obra se escolleu, para inspirar o deseño, a frase "vivo contando e conto vivindo, a ficción é unha parte imprescindible da existencia".

Produciuse nas distintas linguas do Estado e está dispoñible, en libre descarga, para o seu uso en bibliotecas, aulas ou de forma particular a través da web que a Direción Xeral do Libro, do Cómic e da Lectura creou para albergar todas as actividades relacionadas con esta celebración.

O Ministerio de Cultura ofrece unha ampla axenda conmemorativa de actividades que se estenderán ao longo da denominada Semana cervantina desde o 15 de abril, cando se inaugura co tendido de bandeirolas na fachada da súa sede en Madrid. O programa estenderase durante dúas semanas, incluíndo a entrega do Premio Literatura en Lingua Castelá Miguel de Cervantes a Luis Mateo Díez.

A razón pola que se celebra nesta data, como todo o mundo sabe, é porque trátase dun día simbólico na literatura universal xa que coincidiu, un 23 de abril de 1616, o falecemento de grandes autores como Cervantes, Shakespeare e Inca Garcilaso de la Vega. Tamén nun 23 de abril naceron –ou morreron– outros escritores eminentes como Vladimir Nabokov, Josep Pla ou Manuel Mejía Vallejo. A Conferencia Xeral da UNESCO escolleu este día, en 1995, como unha forma de fomentar a lectura, recoñecer a figura do autor e procurar o fortalecemento da industria editorial de cada país.

Desde a Biblioteca Pública Municipal do Concello de Pazos de Borbén animámosvos a conmemorar o DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando a todo o mundo (nenos/as, mozos/as e adultos) a que lean polo menos 20 minutos cada día.

Fonte: Canal Lector, UNESCO e Ministerio de Cultura

“A NENA QUE SE COMÍA TODOS OS CONTOS” de “TRÉMOLA TEATRO” para conmemorar o DÍA MUNDIAL DO LIBRO E DO DEREITO DE AUTOR

Despois de celebrar o Día Internacional do Libro Infantil e Xuvenil coas eventos realizados os días 2 e 5 de abril, na Biblioteca Pública Municipal do Concello de Pazos de Borbén continuamos coas actividades do noso Programa de Animación á Lectura e Dinamización da Lingua Galega de 2024 nesta ocasión para conmemorar o DÍA MUNDIAL DO LIBRO E DO DEREITO DE AUTOR.

O DÍA MUNDIAL DO LIBRO E DO DEREITO DE AUTOR celébrase en todo o mundo o día 23 de abril de cada ano desde o 15 de novembro de 1995 en que tivo a sua orixe como unha maneira de render unha homenaxe a grandes escritores universais como Miguel de Cervantes, Garcilaso de la Vega, William Shakespeare, Vladimir Nabokov, Josep Pla e Manuel Mejías Vallejo, entro moitos outros; e foi a través da UNESCO que se decretou ese día co obxectivo de fomentar a lectura entre todos os públicos, a cultura e as letras no mundo, ademais de protexer a propiedade do dereito de autor, a iniciativa da Unión Internacional de Editores. E é que ler axúdanos a coñecer culturas, a viaxar no tempo e a cultivar a nosa mente.

E empezamos as conmemoracións deste importante día coa seguinte actividade:

O Martes 23 de Abril en dúas sesións ás 11:15 e 13:00 horas que terán lugar no Auditorio do Concello teremos o espectáculo “A NENA QUE SE COMÍA TODOS OS CONTOS” que nos traerá a actriz REBECA SOLLA de “TRÉMOLA TEATRO”.

Na primeira sesión ás 11:15 horas están convidados a asistir o alumnado de Infantil e 1º e 2º de Primaria do CPI "Curros Enríquez" de Pazos; e o alumnado da EEI “A Galeriña” de Nespereira.

Na segunda sesión ás 13:00 horas convidamos ao alumnado de 3º a 6º de Primaira do CPI "Curros Enríquez" de Pazos; a os usuarios da Asociación ASPAVI; e a todos aqueles veciños e veciñas que queiran asistir se ben teñen que inscribirse previamente chamando ao teléfono da Biblioteca (986 497 273).

“A NENA QUE SE COMÍA TODOS OS CONTOS” é un contacontos teatralizado da compañía Trémola Teatro que conta o seguinte...

Elisa, unha nena que quería ser a máis lista do mundo, e sabía que a resposta estaba nos libros!

Pero... en vez de lelos, comíaos.

A ver se coa vosa axuda conseguimos que Elisa convértase na persoa máis lista do mundo.

Animádevos a conmemorar o DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando a todo o mundo (nenos/as, mozos/as e adultos) a que lean polo menos 20 minutos cada día.

Para calquera información sobre a programación podedes contactar coa Biblioteca por Teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

Contacontos e presentación do libro infantil "KLAD, O PAPAGAIO ADHESIVO" con Genma Pardo "GEMOLA" - DÍA DO LIBRO INFANTIL E XUVENIL

Na Biblioteca Pública Municipal do Concello de Pazos de Borbén continuamos celebrando o DÍA INTERNACIONAL DO LIBRO INFANTIL E XUVENIL o Venres 5 de Abril a partir das 13:00 horas no Auditorio do Concello no que recibiremos a visita de GENMA PARDO "GEMOLA" co seu contacontos "KLAD, O PAPAGAIO ADHESIVO", actividade na que están convidados a participar o alumnado de Infantil e 1º e 2º de Primaria do CPI "Curros Enríquez" de Pazos; os usuarios da Asociación ASPAVI e o alumnado da Escola de Educación Infantil "A Galeriña" de Nespereira.

Nesta ocasión Genma Pardo "Gemola" traeranos un contacontos con xogos e cancións para sensibilizar sobre enfermidades infantís, en concreto sobre o cancro infantil, a través do seu conto infantil da súa autoría “KLAD, O PAPAGAIO ADHESIVO”, ilustrado por Eva Díaz Losada “EvaBlu”.

Sabías que nos corredores de Ikea acontecen cousas marabillosas e máxicas? Que si atopas un cadro, unha cadeira, unha boneca de trapo ou un adhesivo... poden cobrar vida? Iso foi o que lle pasou a Daniela. Unha nena que atopou a alguén especial neses corredores có que compartirá unha gran aventura...

Daniela é unha nena de cinco anos e medio con cancro que pasa longas tempadas no hospital, pero que cando pode irse a casa de vacacións unha das cousas que mais gústalle é ir a Ikea. E será precisamente nese centro comercial onde lle atope a el, a Klad, un papagaio adhesivo que moi pronto deixará de selo...

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

"APRENDO CON LEO. LEO E AS CORES" con Yolanda Rodríguez de TRÉMOLA TEATRO - Conmemoración do DÍA INTERNACIONAL DO LIBRO INFANTIL E XUVENIL

Empezamos o mes de Abril cunha excelente actividade para conmemorar o DÍA INTERNACIONAL DO LIBRO INFANTIL E XUVENIL coa que a Biblioteca Pública Municipal do Concello de Pazos de Borbén se suma aos actos que se organizarán en todo o mundo durante este mes para conmemorar este día que se celebra todos os anos o 2 de abril desque que o IBBY (International Board on Books for Young People) promoveu por primeira vez en 1967 esta conmemoración coincidindo coa data de nacemento do escritor danés Hans Christian Andersen, e co fin de promoveer os bos libros infantís e xuvenis e a lectura entre os mais novos.

Para iso dentro do Programa de Animación á Lectura e Dinamización da Lingua Galega de 2024 este 2 de Abril -Día Internacional do Libro Infantil e Xuvenil- traemos a Pazos de Borbén á compañia TRÉMOLA TEATRO que nos traerá o seu espectáculo "LEO E AS CORES", que levará a cabo a actriz Yolanda Lorenzo Rodríguez.

En dúas sesións; a primeira a partir das 11:15 horas no Auditorio do Concello para todo o alumnado de Infantil e 1º e 2º de Primaria do CPI "Curros Enríquez" de Pazos e os usuarios da Asociación ASPAVI; e a segunda a partir das 13:00 horas na EEI "A Galeriña" de Nespereira para o seu alumnado.

A partir dunha colección de contacontos aprenderemos un montón de cousas con Leo, o león máis curioso de toda a selva.

Un día, unha choiva de pompas quítalle ao Elefante Ante e a Tartaruga Uga as súas cores. Será capaz Leo, coa vosa axuda de devolverlle as cores aos seus amiguiños?

Animádevos a conmemorar o DÍA INTERNACIONAL DO LIBRO INFANTIL E XUVENIL participando en calquera das actividades que se realizan en bibliotecas, escolas e outras institucións do país e, sobre todo, animando aos mais novos a que lean polo menos 20 minutos cada día.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

ACTIVIDADES EDUCATIVO-CULTURAIS E DE ANIMACIÓN Á LECTURA DO MES DE ABRIL DE 2024

Un ano máis desde a Biblioteca Pública Municipal do Concello de Pazos de Borbén “BiblioPazos” sumámonos aos actos que se organizarán en todo o mundo durante o mes de Abril para conmemorar o Día Internacional do Libro Infantil e Xuvenil que se celebra o día 2 de abril de cada ano desde que o IBBY (International Board on Books for Young People) promoveu por primeira vez en 1967 este día coincidindo coa data de nacemento do escritor danés Hans Christian Andersen, e co fin de promover os bos libros infantís e xuvenís e a lectura entre os mais novos.

Tamén conmemoraremos neste o DÍA MUNDIAL DO LIBRO E DO DEREITO DE AUTOR que se celebra en todo o mundo o día 23 de abril de cada ano desde e que tivo a súa orixe o día 15 de novembro de 1995 como unha maneira de render unha homenaxe a grandes escritores universais como Miguel de Cervantes, Garcilaso de la Vega, William Shakespeare, Vladimir Nabokov, Josep Pla e Manuel Mejías Vallejo, entro moitos outros. e foi a través da UNESCO que se decretou ese día co obxectivo de fomentar a cultura e as letras no mundo, ademais de protexer a propiedade do dereito de autor, a iniciativa da Unión Internacional de Editores.

Animádevos a conmemorar o DÍA INTERNACIONAL DO LIBRO INFANTIL E XUVENIL e no DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando aos mais novos a que lean polo menos 20 minutos cada día.

Para iso o Concello de Pazos de Borbén a través da Biblioteca Pública Municipal ten organizado os seguintes eventos incluídas no seu Programa de Animación á Lectura e Dinamización da Lingua Galega de 2024:

Empezaremos conmemorando o DIA INTERNACIONAL DO LIBRO INFANTIL o día 2 de Abril coa visita de TRÉMOLA TEATRO que nos traerá o seu espectáculo "LEO E AS CORES".

En dúas sesións; a primeira a partir das 11:15 horas no Auditorio do Concello para todo o alumnado de Infantil e 1º e 2º de Primaria do CPI "Curros Enríquez" de Pazos e os usuarios da Asociación ASPAVI; e a segunda a partir das 13:00 horas na EEI "A Galeriña" de Nespereira para o seu alumnado.

A partir dunha colección de contacontos aprenderemos un montón de cousas con Leo, o león máis curioso de toda a selva.

Un día, unha choiva de pompas quítalle ao Elefante Ante e a Tartaruga Uga as súas cores. Será capaz Leo, coa vosa axuda de devolverlle as cores aos seus amiguiños?

E continuaremos celebrando o DÍA INTERNACIONAL DO LIBRO INFANTIL o Venres 5 de Abril a partir das 13:00 horas no Auditorio do Concello no que recibiremos a visita de GENMA PARDO "GEMOLA" co seu contacontos "KLAD, O PAPAGAIO ADHESIVO", actividade na que participarán todo o alumnado de Infantil e 1º e 2º de Primaria do CPI "Curros Enríquez" de Pazos; os usuarios da Asociación ASPAVI e o alumnado da Escola de Educación Infantil "A Galeriña" de Nespereira.

Nesta ocasión Genma Pardo "Gemola" traeranos un contacontos con xogos e cancións para sensibilizar sobre enfermidades infantís, en concreto sobre o cancro infantil, a través do seu conto infantil da súa autoría “KLAD, O PAPAGAIO ADHESIVO”, ilustrado por Eva Díaz Losada “EvaBlu”.

Sabías que nos corredores de Ikea acontecen cousas marabillosas e máxicas? Que si atopas un cadro, unha cadeira, unha boneca de trapo ou un adhesivo... poden cobrar vida? Iso foi o que lle pasou a Daniela. Unha nena que atopou a alguén especial neses corredores có que compartirá unha gran aventura...

Daniela é unha nena de cinco anos e medio con cancro que pasa longas tempadas no hospital, pero que cando pode irse a casa de vacacións unha das cousas que mais gústalle é ir a Ikea. E será precisamente nese centro comercial onde lle atope a el, a Klad, un papagaio adhesivo que moi pronto deixará de selo...

Continuaremos coas actividades o Martes 23 de Abril en dúas sesións ás 11:15 e 13:00 horas no Auditorio do Concello co espectáculo “A NENA QUE SE COMÍA TODOS OS CONTOS” que nos trae “TRÉMOLA TEATRO” para conmemorar o Día Mundial do Libro e do Dereito de Autor.

Na primeira sesión ás 11:15 horas participará o alumnado de Infantil e 1º e 2º de Primaria do CPI "Curros Enríquez" de Pazos; e o alumnado da EEI “A Galeriña” de Nespereira.

Na segunda sesión ás 13:00 horas participará o alumnado de 3º a 6º de Primaira do CPI "Curros Enríquez" de Pazos e os usuarios da Asociación ASPAVI.

“A NENA QUE SE COMÍA TODOS OS CONTOS” é un contacontos teatralizado que levará a cabo a actriz Paula Regueiro da compañía Trémola Teatro.

Elisa, unha nena que quería ser a máis lista do mundo, e sabía que a resposta estaba nos libros!

Pero... en vez de lelos, comíaos.

A ver se coa vosa axuda conseguimos que Elisa convértase na persoa máis lista do mundo.

E finalizaremos as actividades do mes de Abril o Venres día 26 ás 13:00 horas no Auditorio do Concello no que recibiremos a visita de RAQUEL QUEIZÁS que nos traerá o seu espectáculo "RAPOSADAS" para seguir conmemorando o Día Mundial do Libro e do Dereito de Autor.

Están convidados a asistir a esta actividade os usuarios da Asociación ASPAVI e o alumnado de 3º a 6º de Primaria do CPI "Curros Enríquez" de Pazos.

“RAPOSADAS” é un contacontos teatralizado por Raquel Queizás; un espectáculo de contos de tradición oral con obxectos e monicreques:

Vide escoitar "Raposadas" para coñecer a nosa tradición oral, para que perdure e non se perda. Contos, ditos, adiviñas que xa moitos de nós coñecemos da nosa nenez e agora as nosas crianzas escoitan pela primeira vez. Unha maneira divertida de estreitar lazos para levar a cabo a transmisión interxeracional da lingua galega. A lingua de cada pobo é un tesouro que hai que sementar e coidar.

A raposa é moi lista, é moi curiosa. Gústalle vivir libre no monte mais tamén achegarse á aldea para ver xogar ás nenas e aos nenos e escoitar os contos que lles contan na lareira.

Canta o galo, sae o sol. A raposa feliz achégase a aldea cantaruxando unha melodía. Vai visitar á galiña para que lle ensine adiviñas, vai escoitar os contos da señora Lela que vive preto da escola. Agarda polas nenas e nenos para xogar con carozos de millo, con paus e con pedras. Vaille botar unha carreira ao sapo e aprender con el traballos do campo.

Xa se pon o sol, a raposa ten que marchar para despedirse dela todos póñense a danzar.

Colleita de contos populares de animais de tradición oral da nosa terra, que alimentaron, alimentan e alimentarán a moitas nenas e a moitos nenos galegos.

Os contos de tradición oral seleccionados están protagonizados por animais personificados que se debaten entre o uso da forza bruta e o uso da intelixencia para a resolución de conflitos. Moitos destes contos, ademais de mostrarnos as características que definen a cada animal, buscan describir e explicar unha forma de vida fomentando o respecto pola natureza. Axudan a coñecer a contorna natural e familiar que nos fai pobo a través da nosa lingua, os nosos contos, as nosas adiviñas, os nosos xogos e as nosas cancións.

Para calquera información sobre a programación podedes contactar coa Biblioteca por Teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.