Porque a nosa biblioteca é un espazo físico no que coller prestados libros. Un servizo xa de por si moi interesante, pois a lectura é unha actividade que, á vez que divertida, nos forma e nos fai medrar como persoas; ábrenos a outros mundos, divírtenos con aventuras, amósanos outros ollares sobre a vida, dános reconforto cando nos identificamos con personaxes...
Pero é que a nosa Biblioteca fai bastante máis ca prestar libros e é máis ca un lugar físico. Se estiveramos nunha novela de aventuras, a nosa Biblioteca sería un animal fantástico que estende os seus tentáculos levando a cultura e a diversión aos centros educativos, aos espezos naturais do concello, ao auditorio municipal.... Un animal fantástico que transporta nos seus lombos aos cativos e cativas ao mundo da creación, facéndoos participar nun certame de creación literaria que nos marabilla todos os anos coa explosión de imaxinación e o talento da que son capaces.
Dende aquí animo a que vos acheguedes ás nosas instalacións e ás distintas actividades que realizamos, para acompañarnos nesta viaxe do lecer e da cultura.
Alcalde do Concello de Pazos de Borbén
Tlf: 986 497035
Hola, tenéis club de lectura?
ResponderEliminarNon, non temos ningún clube de lectura. Estamos intentando crear un de adultos nos próximo meses de cara ao inverno.
Eliminar