INICIAMOS AS ACTIVIDADES DE ANIMACIÓN Á LECTURA DO ANO 2025 COA PRESENTACIÓN DAS NOVELAS DO AUTOR "SAMUEL FERRO"

Iniciamos as actividades de animación á lectura da Biblioteca Pública Municipal de Pazos de Borbén - BiblioPazos neste mes de Xaneiro cunha nova proposta dirixida ao alumnado de ESO do CPI "Curros Enríquez" de Pazos.

Esta actividade terá lugar o próximo Luns día 27 de Xaneiro a partir das 16:00 horas nas instalacións do centro educativo e trátase da visita do escritor novel SAMUEL FERRO que virá a presentar as súas obras ao alumnado de 1º, 2º e 3º da ESO do CPI "Curros Enríquez" de Pazos, nunha actividade organizada conxuntamente entre a Biblioteca Pública Municipal, o profesorado de Historia do centro educativo e o autor.

Na presentación dos seus libros "Tierra de Leyenda I: El legado de Breogán", "Tierra de Leyenda II: Más allá del fin del mundo", e "La queimada de las ánimas", o autor falará sobre á época histórica na que ocorren os feitos narrados nos libros, curiosidades, ubicacións, escritura, xogos e moitas cousas máis que irá desvelando ao longo da súa presentación. Samuel Ferro Iniciará a exposición cunha pequena sinopse dos seus libros para continuar explicando os seguintes puntos:

1- Quen son?

2- Contexto histórico ("Tierra de Leyenda")

a. Como é a idade media?

b. Historia de Castela (1351)

c. Estamentos sociais

d. Tipo de tropas

e. Reino de Galicia

3- Curiosidades medievais

a. Expresións medievais, como enviar mensaxes, etc.

4- Xogo: É medieval?

a. Poñeranse imaxes e terán que dicir se é ou non medieval

5- Legado de Breogán

a. Quen é Breogán?

b. Localizacións das novelas

6- Escritor

a. Pódese ser escritor?

b. Que facer para ser escritor?

c. Que pasos dar para ser escritor?

d. Tips de escritor

7- "La queimada de las ánimas"

a. Tipos de meigas, etc.)

8- Futuras novelas

Ao finalizar a súa presentación haberá tempo para que o alumnado asistente poida facer preguntas para satisfacer aquelas curiosidades que puideran ter sobre o exposto e acontecido na charla.

Samuel Ferro (Vigo, 1987) é escritor e enxeñeiro industrial. Polifacético onde os haxa, dedica o seu tempo ás súas grandes paixóns: as artes marciais, a natureza, o cinema e a lectura, das cales naceu a súa gran paixón, contar historias. Tras facer os guións de diversos curtos, lanzouse co seu maior proxecto: a triloxía "Tierra de Leyenda". Unha obra arriscada, cun estilo fresco e próximo, onde o lector engancharase desde o primeiro capítulo. No ano 2024 publicou a súa última novela "La queimada de las ánimas" e na próxima primaveira prevé o lanzamento de "Tierra de Leyenda III: Camino al purgatorio".

Mais información sobre o autor no enlace: https://samuelferro.blogspot.com/

Desde a Biblioteca queremos dar as grazas a SAMUEL FERRO polas facilidades que nos deu para poder coordinar esta actividade e visitarnos en Pazos de Borbén para presentar as súas novelas.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.