domingo, 21 de abril de 2024

DIA MUNDIAL DO LIBRO E DO DEREITO DE AUTOR 2024


A UNESCO convídanos a celebrar o DÍA MUNDIAL DO LIBRO E DO DEREITO DE AUTOR o 23 de abril de cdada ano en todo o mundo. Así promove a creatividade, a diversidade e a igualdade de acceso ao coñecemento.

Esta efeméride entronca con outras iniciativas relacionadas, como a Rede de Cidades Creativas da UNESCO, e os programas que apoia de fomento da alfabetización e aprendizaxe móbil, con compromisos claros como o incremento de propostas que promulgan o acceso libre ao coñecemento científico e aos recursos educativos.

Grazas á participación activa de autores, editores, docentes, bibliotecarios, institucións públicas e privadas, Ong humanitarias e medios de comunicación, así como de todos aquelas persoas e entidades motivadas para colaborar nesta celebración do libro e os autores, o Día Mundial do Libro e do Dereito de Autor converteuse nun evento que reúne a millóns de persoas en todo o planeta. 

En España, o Ministerio de Cultura, a través da Dirección Xeral do Libro, do Cómic e da Lectura, encarga a unha artista a realización dun cartel conmemorativo que, neste caso, foi obra da ilustradora Luci Gutiérrez (Barcelona, 1977), que foi Premio Nacional de Ilustración 2023 “pola súa excepcional traxectoria e por ser unha das artistas máis sobresalientes no panorama actual, referente da ilustración española dentro e fóra das nosas fronteiras”.

Este cartel vai acompañada dunha frase do último autor galardoado co Premio de Literatura en Lingua Castelá ‘Miguel de Cervantes’. En 2023 foi Luis Mateo Díez, de cuxa obra se escolleu, para inspirar o deseño, a frase "vivo contando e conto vivindo, a ficción é unha parte imprescindible da existencia".

Produciuse nas distintas linguas do Estado e está dispoñible, en libre descarga, para o seu uso en bibliotecas, aulas ou de forma particular a través da web que a Direción Xeral do Libro, do Cómic e da Lectura creou para albergar todas as actividades relacionadas con esta celebración.

O Ministerio de Cultura ofrece unha ampla axenda conmemorativa de actividades que se estenderán ao longo da denominada Semana cervantina desde o 15 de abril, cando se inaugura co tendido de bandeirolas na fachada da súa sede en Madrid. O programa estenderase durante dúas semanas, incluíndo a entrega do Premio Literatura en Lingua Castelá Miguel de Cervantes a Luis Mateo Díez.

A razón pola que se celebra nesta data, como todo o mundo sabe, é porque trátase dun día simbólico na literatura universal xa que coincidiu, un 23 de abril de 1616, o falecemento de grandes autores como Cervantes, Shakespeare e Inca Garcilaso de la Vega. Tamén nun 23 de abril naceron –ou morreron– outros escritores eminentes como Vladimir Nabokov, Josep Pla ou Manuel Mejía Vallejo. A Conferencia Xeral da UNESCO escolleu este día, en 1995, como unha forma de fomentar a lectura, recoñecer a figura do autor e procurar o fortalecemento da industria editorial de cada país.

Desde a Biblioteca Pública Municipal do Concello de Pazos de Borbén animámosvos a conmemorar o DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando a todo o mundo (nenos/as, mozos/as e adultos) a que lean polo menos 20 minutos cada día.

Fonte: Canal Lector, UNESCO e Ministerio de Cultura

“A NENA QUE SE COMÍA TODOS OS CONTOS” de “TRÉMOLA TEATRO” para conmemorar o DÍA MUNDIAL DO LIBRO E DO DEREITO DE AUTOR

Despois de celebrar o Día Internacional do Libro Infantil e Xuvenil coas eventos realizados os días 2 e 5 de abril, na Biblioteca Pública Municipal do Concello de Pazos de Borbén continuamos coas actividades do noso Programa de Animación á Lectura e Dinamización da Lingua Galega de 2024 nesta ocasión para conmemorar o DÍA MUNDIAL DO LIBRO E DO DEREITO DE AUTOR.

DÍA MUNDIAL DO LIBRO E DO DEREITO DE AUTOR celébrase en todo o mundo o día 23 de abril de cada ano desde o 15 de novembro de 1995 en que tivo a sua orixe como unha maneira de render unha homenaxe a grandes escritores universais como Miguel de Cervantes, Garcilaso de la Vega, William Shakespeare, Vladimir Nabokov, Josep Pla e Manuel Mejías Vallejo, entro moitos outros; e foi a través da UNESCO que se decretou ese día co obxectivo de fomentar a lectura entre todos os públicos, a cultura e as letras no mundo, ademais de protexer a propiedade do dereito de autor, a iniciativa da Unión Internacional de Editores. E é que ler axúdanos a coñecer culturas, a viaxar no tempo e a cultivar a nosa mente.

E empezamos as conmemoracións deste importante día coa seguinte actividade:


Martes 23 de Abril en dúas sesións ás 11:15 e 13:00 horas que terán lugar no Auditorio do Concello teremos o espectáculo “A NENA QUE SE COMÍA TODOS OS CONTOS” que nos traerá a actriz REBECA SOLLA de “TRÉMOLA TEATRO”.

Na primeira sesión ás 11:15 horas están convidados a asistir o alumnado de Infantil e 1º e 2º de Primaria do CPI "Curros Enríquez" de Pazos; e o alumnado da EEI “A Galeriña” de Nespereira.

Na segunda sesión ás 13:00 horas convidamos ao alumnado de 3º a 6º de Primaira do CPI "Curros Enríquez" de Pazos; a os usuarios da Asociación ASPAVI; e a todos aqueles veciños e veciñas que queiran asistir se ben teñen que inscribirse previamente chamando ao teléfono da Biblioteca (986 497 273).

“A NENA QUE SE COMÍA TODOS OS CONTOS” é un contacontos teatralizado da compañía Trémola Teatro que conta o seguinte...
Elisa, unha nena que quería ser a máis lista do mundo, e sabía que a resposta estaba nos libros!
Pero... en vez de lelos, comíaos.

A ver se coa vosa axuda conseguimos que Elisa convértase na persoa máis lista do mundo.

Animádevos a conmemorar o DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando a todo o mundo (nenos/as, mozos/as e adultos) a que lean polo menos 20 minutos cada día.

Para calquera información sobre a programación podedes contactar coa Biblioteca por Teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.


mércores, 3 de abril de 2024

Contacontos e presentación do libro infantil "KLAD, O PAPAGAIO ADHESIVO" con Genma Pardo "GEMOLA" - DÍA DO LIBRO INFANTIL E XUVENIL

Na Biblioteca Pública Municipal do Concello de Pazos de Borbén continuamos celebrando o DÍA INTERNACIONAL DO LIBRO INFANTIL E XUVENIL o Venres 5 de Abril a partir das 13:00 horas no Auditorio do Concello no que recibiremos a visita de GENMA PARDO "GEMOLA" co seu contacontos "KLAD, O PAPAGAIO ADHESIVO", actividade na que están convidados a participar o alumnado de Infantil e 1º e 2º de Primaria do CPI "Curros Enríquez" de Pazos; os usuarios da Asociación ASPAVI e o alumnado da Escola de Educación Infantil "A Galeriña" de Nespereira.


Nesta ocasión Genma Pardo "Gemola" traeranos un contacontos con xogos e cancións para sensibilizar sobre enfermidades infantís, en concreto sobre o cancro infantil, a través do seu conto infantil da súa autoría “KLAD, O PAPAGAIO ADHESIVO”, ilustrado por Eva Díaz Losada “EvaBlu”.
Sabías que nos corredores de Ikea acontecen cousas marabillosas e máxicas? Que si atopas un cadro, unha cadeira, unha boneca de trapo ou un adhesivo... poden cobrar vida? Iso foi o que lle pasou a Daniela. Unha nena que atopou a alguén especial neses corredores có que compartirá unha gran aventura...

Daniela é unha nena de cinco anos e medio con cancro que pasa longas tempadas no hospital, pero que cando pode irse a casa de vacacións unha das cousas que mais gústalle é ir a Ikea. E será precisamente nese centro comercial onde lle atope a el, a Klad, un papagaio adhesivo que moi pronto deixará de selo...
EN BIBLIOPAZOS SEGUIMOS TRABALLANDO POLA EDUCACIÓN E A CULTURA

martes, 2 de abril de 2024

"APRENDO CON LEO. LEO E AS CORES" con Yolanda Rodríguez de TRÉMOLA TEATRO - Conmemoración do DÍA INTERNACIONAL DO LIBRO INFANTIL E XUVENIL

Empezamos o mes de Abril cunha excelente actividade para conmemorar o DÍA INTERNACIONAL DO LIBRO INFANTIL E XUVENIL coa que a Biblioteca Pública Municipal do Concello de Pazos de Borbén se suma aos actos que se organizarán en todo o mundo durante este mes para conmemorar este día que se celebra todos os anos o 2 de abril desque que o IBBY (International Board on Books for Young People) promoveu por primeira vez en 1967 esta conmemoración coincidindo coa data de nacemento do escritor danés Hans Christian Andersen, e co fin de promoveer os bos libros infantís e xuvenis e a lectura entre os mais novos.


Para iso dentro do Programa de Animación á Lectura e Dinamización da Lingua Galega de 2024 este 2 de Abril -Día Internacional do Libro Infantil e Xuvenil- traemos a Pazos de Borbén á compañia TRÉMOLA TEATRO que nos traerá o seu espectáculo "LEO E AS CORES", que levará a cabo a actriz Yolanda Lorenzo Rodríguez.

En dúas sesións; a primeira a partir das 11:15 horas no Auditorio do Concello para todo o alumnado de Infantil e 1º e 2º de Primaria do CPI "Curros Enríquez" de Pazos e os usuarios da Asociación ASPAVI; e a segunda a partir das 13:00 horas na EEI "A Galeriña" de Nespereira para o seu alumnado.
A partir dunha colección de contacontos aprenderemos un montón de cousas con Leoo león máis curioso de toda a selva.

Un día, unha choiva de pompas quítalle ao Elefante Ante e a Tartaruga Uga as súas cores. Será capaz Leo, coa vosa axuda de devolverlle as cores aos seus amiguiños?
Animádevos a conmemorar o DÍA INTERNACIONAL DO LIBRO INFANTIL E XUVENIL participando en calquera das actividades que se realizan en bibliotecas, escolas e outras institucións do país e, sobre todo, animando aos mais novos a que lean polo menos 20 minutos cada día.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

domingo, 31 de marzo de 2024

ACTIVIDADES EDUCATIVO-CULTURAIS E DE ANIMACIÓN Á LECTURA DO MES DE ABRIL DE 2024

Un ano máis desde a Biblioteca Pública Municipal do Concello de Pazos de Borbén “BiblioPazos” sumámonos aos actos que se organizarán en todo o mundo durante o mes de Abril para conmemorar o Día Internacional do Libro Infantil e Xuvenil que se celebra o día 2 de abril de cada ano desde que o IBBY (International Board on Books for Young People) promoveu por primeira vez en 1967 este día coincidindo coa data de nacemento do escritor danés Hans Christian Andersen, e co fin de promover os bos libros infantís e xuvenís e a lectura entre os mais novos.

Tamén conmemoraremos neste o DÍA MUNDIAL DO LIBRO E DO DEREITO DE AUTOR que se celebra en todo o mundo o día 23 de abril de cada ano desde e que tivo a súa orixe o día 15 de novembro de 1995 como unha maneira de render unha homenaxe a grandes escritores universais como Miguel de Cervantes, Garcilaso de la Vega, William Shakespeare, Vladimir Nabokov, Josep Pla e Manuel Mejías Vallejo, entro moitos outros. e foi a través da UNESCO que se decretou ese día co obxectivo de fomentar a cultura e as letras no mundo, ademais de protexer a propiedade do dereito de autor, a iniciativa da Unión Internacional de Editores.

Animádevos a conmemorar o DÍA INTERNACIONAL DO LIBRO INFANTIL E XUVENIL e no DÍA MUNDIAL DO LIBRO E DO DEREITO DE AUTOR participando en calquera das actividades que se realizan en bibliotecas, escolas e outras institucións do país e, sobre todo, animando aos mais novos a que lean polo menos 20 minutos cada día.

Para iso o Concello de Pazos de Borbén a través da Biblioteca Pública Municipal ten organizado os seguintes eventos incluídas no seu Programa de Animación á Lectura e Dinamización da Lingua Galega de 2024:


Empezaremos conmemorando o DIA INTERNACIONAL DO LIBRO INFANTIL o día 2 de Abril coa visita de TRÉMOLA TEATRO que nos traerá o seu espectáculo "LEO E AS CORES".

En dúas sesións; a primeira a partir das 11:15 horas no Auditorio do Concello para todo o alumnado de Infantil e 1º e 2º de Primaria do CPI "Curros Enríquez" de Pazos e os usuarios da Asociación ASPAVI; e a segunda a partir das 13:00 horas na EEI "A Galeriña" de Nespereira para o seu alumnado.

A partir dunha colección de contacontos aprenderemos un montón de cousas con Leoo león máis curioso de toda a selva.

Un día, unha choiva de pompas quítalle ao Elefante Ante e a Tartaruga Uga as súas cores. Será capaz Leo, coa vosa axuda de devolverlle as cores aos seus amiguiños?

E continuaremos celebrando o DÍA INTERNACIONAL DO LIBRO INFANTIL o Venres 5 de Abril a partir das 13:00 horas no Auditorio do Concello no que recibiremos a visita de GENMA PARDO "GEMOLA" co seu contacontos "KLAD, O PAPAGAIO ADHESIVO", actividade na que participarán todo o alumnado de Infantil e 1º e 2º de Primaria do CPI "Curros Enríquez" de Pazos; os usuarios da Asociación ASPAVI e o alumnado da Escola de Educación Infantil "A Galeriña" de Nespereira.


Nesta ocasión Genma Pardo "Gemola" traeranos un contacontos con xogos e cancións para sensibilizar sobre enfermidades infantís, en concreto sobre o cancro infantil, a través do seu conto infantil da súa autoría “KLAD, O PAPAGAIO ADHESIVO”, ilustrado por Eva Díaz Losada “EvaBlu”.
Sabías que nos corredores de Ikea acontecen cousas marabillosas e máxicas? Que si atopas un cadro, unha cadeira, unha boneca de trapo ou un adhesivo... poden cobrar vida? Iso foi o que lle pasou a Daniela. Unha nena que atopou a alguén especial neses corredores có que compartirá unha gran aventura...

Daniela é unha nena de cinco anos e medio con cancro que pasa longas tempadas no hospital, pero que cando pode irse a casa de vacacións unha das cousas que mais gústalle é ir a Ikea. E será precisamente nese centro comercial onde lle atope a el, a Klad, un papagaio adhesivo que moi pronto deixará de selo...


Continuaremos coas actividades o Martes 23 de Abril en dúas sesións ás 11:15 e 13:00 horas no Auditorio do Concello co espectáculo “A NENA QUE SE COMÍA TODOS OS CONTOS” que nos trae “TRÉMOLA TEATRO” para conmemorar o Día Mundial do Libro e do Dereito de Autor.

Na primeira sesión ás 11:15 horas participará o alumnado de Infantil e 1º e 2º de Primaria do CPI "Curros Enríquez" de Pazos; e o alumnado da EEI “A Galeriña” de Nespereira.

Na segunda sesión ás 13:00 horas participará o alumnado de 3º a 6º de Primaira do CPI "Curros Enríquez" de Pazos e os usuarios da Asociación ASPAVI.

“A NENA QUE SE COMÍA TODOS OS CONTOS” é un contacontos teatralizado que levará a cabo a actriz Paula Regueiro da compañía Trémola Teatro.
Elisa, unha nena que quería ser a máis lista do mundo, e sabía que a resposta estaba nos libros!
Pero... en vez de lelos, comíaos.

A ver se coa vosa axuda conseguimos que Elisa convértase na persoa máis lista do mundo.


E finalizaremos as actividades do mes de Abril o Venres día 26 ás 13:00 horas no Auditorio do Concello no que recibiremos a visita de RAQUEL QUEIZÁS que nos traerá o seu espectáculo "RAPOSADAS" para seguir conmemorando o Día Mundial do Libro e do Dereito de Autor.

Están convidados a asistir a esta actividade os usuarios da Asociación ASPAVI e o alumnado de 3º a 6º de Primaria do CPI "Curros Enríquez" de Pazos.

“RAPOSADAS” é un contacontos teatralizado por Raquel Queizás; un espectáculo de contos de tradición oral con obxectos e monicreques:
Vide escoitar "Raposadas" para coñecer a nosa tradición oral, para que perdure e non se perda. Contos, ditos, adiviñas que xa moitos de nós coñecemos da nosa nenez e agora as nosas crianzas escoitan pela primeira vez. Unha maneira divertida de estreitar lazos para levar a cabo a transmisión interxeracional da lingua galega. A lingua de cada pobo é un tesouro que hai que sementar e coidar.

A raposa é moi lista, é moi curiosa. Gústalle vivir libre no monte mais tamén achegarse á aldea para ver xogar ás nenas e aos nenos e escoitar os contos que lles contan na lareira.

Canta o galo, sae o sol. A raposa feliz achégase a aldea cantaruxando unha melodía. Vai visitar á galiña para que lle ensine adiviñas, vai escoitar os contos da señora Lela que vive preto da escola. Agarda polas nenas e nenos para xogar con carozos de millo, con paus e con pedras. Vaille botar unha carreira ao sapo e aprender con el traballos do campo.

Xa se pon o sol, a raposa ten que marchar para despedirse dela todos póñense a danzar.

Colleita de contos populares de animais de tradición oral da nosa terra, que alimentaron, alimentan e alimentarán a moitas nenas e a moitos nenos galegos.

Os contos de tradición oral seleccionados están protagonizados por animais personificados que se debaten entre o uso da forza bruta e o uso da intelixencia para a resolución de conflitos. Moitos destes contos, ademais de mostrarnos as características que definen a cada animal, buscan describir e explicar unha forma de vida fomentando o respecto pola natureza. Axudan a coñecer a contorna natural e familiar que nos fai pobo a través da nosa lingua, os nosos contos, as nosas adiviñas, os nosos xogos e as nosas cancións.

Para calquera información sobre a programación podedes contactar coa Biblioteca por Teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

DÍA INTERNACIONAL DO LIBRO INFANTIL 2024

Jella Lepman fundadora do IBBY (INTERNATIONAL BOARD ON BOOKS FOR YOUNG PEOPLE), organización internacional integrada por unhas 80 seccións nacionais) foi a pioneira de moitas iniciativas para a promoción da lectura e da literatura infantil, e entre elas, a súa proposta en 1966 de celebrar un DIA INTERNACIONAL DO LIBRO INFANTIL e que fose o 2 de abril, data que se conmemora o nacemento do escritor danés Hans Christian Andersen.

Así desde 1967, o 2 de abril, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Cada ano, unha sección nacional do IBBY ten a oportunidade de ser a patrocinadora internacional do Día do Libro Infantil e selecciona un/ha escritor/a representativo/a e a un/ha recoñecido/a ilustrador/a do seu país para que elaboren a mensaxe dirixida a todos os nenos do mundo e o cartel que se distribúe por todo o mundo, e promóvase a celebración nas bibliotecas, centros escolares, librerías, etc.

En 2024 correspóndelle á sección xaponesa que difunde a mensaxe da escritora Eiko Kadono (baixo o lema “Suca os mares coas ás da túa imaxinación”), e o cartel de Nana Furiya. Kadono (Tokyo, 1935) é unha destacada escritora xaponesa que en 2018 gañou o Premio Hans Christian Andersen e ata a data publicou máis de 250 libros, e Furiya (Tokyo, 1961) é unha ilustradora xaponesa afincada en Eslovaquia desde 1992 que gañou o Golden Pen na bienal de Belgrado de 1999 e foi seleccionada nos White Ravens 2021.

A OEPLI, como sección española de IBBY e coa colaboración do Ministerio de Cultura, encárgase de difundir e promocionar o Día internacional e de editar o cartel e a mensaxe nas catro linguas oficiais de España.

* Para descargar o cartel e o díptico en castelán:


* Para descargar o cartel e o díptico en catalán:


* Para descargar o cartel e o díptico en eúscaro:


* Para descargar o cartel e o díptico en galego:



A continuación ofrecémosvos a tradución da mensaxe en lingua galega:


Sobre as alas, os contos viaxan.

Desexando sentir o latexo do teu corazón.


Son o Conto Viaxeiro. Vou voando a calquera sitio.

Ás veces vou nas alas do vento. Outras, nas alas das ondas.

E outras nas aliñas dun gran de area.

Por suposto, tamén subo nas alas das aves migratorias.

E, de cando en vez, incluso nas dos avións.

Despois, sento ao teu carón, abro as miñas páxinas e cóntoche a historia

que queiras.

Quizais unha historia fantástica?

Ou prefires unha historia triste? De medo?

Unha para rir ás gargalladas?

E se polo de agora non queres escoitar ningunha, non pasa nada.

Seguro que algunha vez terás ganas. Daquela, chámasme. Non tes máis

que dicir:

«Conto Viaxeiro, ven aquí!», e irei voando ao teu lado.



Teño historias a moreas.

A historia dunha illa que, farta de estar soa e aburrida, aprendeu a nadar

para facer amizades...

Ou a dunha misteriosa noite en que apareceron dúas lúas...

E aquela de cando Papá Noel se perdeu...



A ver? Si, si, seica estou oíndo latexar o teu corazón!

Bom, bom! Bum, bum! Pumba, pumba!

Iso é que o Conto Viaxeiro está dentro de ti e fai soar as campás do teu

corazón.

Seguro que a próxima vez es ti o Conto Viaxeiro e desexarás ir de viaxe!

E deste xeito, no mundo nacerá un novo Conto Viaxeiro.

Eiko Kadono

Animádevos a conmemorar o DÍA INTERNACIONAL DO LIBRO INFANTIL E XUVENIL, participando en calquera das actividades que se realizan en bibliotecas, escolas e outras institucións do país e, sobre todo, animando aos mais novos a que lean polo menos 20 minutos cada día.


luns, 11 de marzo de 2024

PROGRAMA DE ACTIVIDADES DE ANIMACIÓN Á LECTURA E DE SENSIBILIZACIÓN E DINAMIZACIÓN DA LINGUA GALEGA 2024 - DIA INTERNACIONAL DAS MATEMÁTICAS

Continuamos coas actividades de animación á lectura e de sensibilización e dinamización da lingua galega deste ano 2024 coa actuación o mércores día 13 de marzo nas instalacións do CPI “Curros Enríquez” de Pazos con “O MAGO PACO” que nos traerá do seu proxecto educativo Matemáticas para Ilusionar o espectáculo “MATEMAXIA” no que participará o alumnado de 5º e 6º de Primaria.

Con esta actividade desde a Biblioteca Pública Municipal do Concello de Pazos de Borbén queremos conmemorar o Dia Internacional das Matemáticas que se celebra en todo o mundo todos os 14 de marzo de cada ano desde que a 40ª Conferencia Xeneral da UNESCO proclamara este día a través da Resolución 30 do 26 de novembro de 2019 a proposta da Unión Matemática Internacional.

Para a UNESCO a celebración do Día Internacional das Matemáticas é unha data oportuna para promover maior cooperación dos organismos e gobernos a nivel internacional para desenrolar programas e actividades que realcen a ensinanza das ciencias matemáticas.

A celebración deste día será a oportunidade perfecta para lograr os obxectivos do chamado programa “A Ciencia para a Paz e o Desenrolo Sostible”.

O papel desempeñado pola UNESCO para levar a cabo a celebración desta importante data foi decisivo e o seu principal obxectivo, é fortalecer a nivel mundial todas as áreas científicas e tecnolóxicas para que, a través delas, se chegue ao desenrolo sostible, así como á tan anhelada paz que buscamos todos os seres humanos.

Por outra parte, conmemorar o Día Internacional das Matemáticas, axudará a destacar o papel das mulleres científicas que se preparan como matemáticas a nivel mundial e con elo, a visibilizar o traballo de moitas delas, que desempeñaron un papel importante no pasado, como foi o caso de Sophie Germán ou Mary Winston, entre moitas outras.

Así mesmo, no mundo tecnolóxico de hoxe, as matemáticas cobran maior importancia, xa que están vinculadas a todos os avances informáticos dos que se beneficia a humanidade para desenrolarse en todos os campos e áreas da vida. Sobre todo, para as novas xeracións que están por vir.

Cada ano propónse un tema para despertar a creatividade en torno ás matemáticas e animar á participación. O tema para 2024 é: "XOGANDO COAS MATEMÁTICAS".

A organización quere celebrar os xogos matemáticos como os quebracabezas e outras actividades entretidas pero tamén "xogar" coas propias matemáticas, explorar, experimentar e descubrir.

“MATEMAXIA” é un espectáculo no que O MAGO PACO mestura dúas disciplinas, as matemáticas e a maxia, que “a priori” podemos pensar que non teñen nada en común e ata parecen contrapostas, pero nada máis lonxe da realidade e a través desta actividade O MAGO PACO demostrará o moito que teñen en común e o que comparten unha vez que nos achegamos a elas dunha maneira diferente e moi divertida.

Coa axuda deste mago un tanto tolo e fascinado polas mates, as nenas e nenos participantes conseguirán atopar e sentir moi de preto a maxia que existe dentro dos números, das operacións, da xeometría, da estatística, etc. Descubrindo algúns dos porqués da maxia coa axuda de explicacións matemáticas, demostrando que esta disciplina, as veces tan pouco motivadora para os alumnos e alumnas, está chea de sorpresas que descoñecemos e que a converten nunha materia fascinante.

Un espectáculo adaptado ao currículo educativo que trata diversos contidos do mesmo dunha forma práctica, dinámica e moi entretida, interactuando constantemente cos rapaces e rapazas, facéndoos participes, cómplices e protagonistas de cada experiencia ou momento fantástico. Todo isto fai dela unha actividade idónea para levar a cabo nos centros escolares.

Os obxectivos desta actividade son os seguintes:

XERAIS

  • •Promover actividades lúdico-educativas como complemento ó curríulo escolar.
  • •Fomentar a participación social en actividades lúdico–culturais das nenas e dos nenos, así como de toda a comunidade.
  • •Estimular o desenrolo de actitudes e aptitudes coma a imaxinación, a creatividade, a cooperación e a confianza.
  • •Favorecer a coeducación mediante os cambios de roles prefixados na nosa sociedade.
  • •Potenciar valores solidarios, tolerantes, de respecto sobre todo o que lles rodea.
  • •Mostrar a importancia da aprendizaxe a través do xogo.

ESPECÍFICOS

  • •Crear un ambiente de distensión gardando o respecto ás instalacións do colexio, ós compañeiros e compañeiras, ó material a empregar e os actores.
  • •Potenciar actividades importantes para o desenvolvemento integral dos e das menores, como: a psicomotricidade fina, as matemáticas, a física, etc.
  • •Realizar actividades con temáticas transversais como: a educación para a saúde, a educación intercultural, a educación medioambiental, etc.
  • •Lograr unha aprendizaxe mais completa dos contidos tratados a través dunha metodoloxía práctica e dinámica.

O proxecto deste espectáculo contén diferentes contidos incluídos no currículo escolar de primaria e, entre outros, se tratarán os seguintes:

OPERACIÓNS COMBINADAS               

  • Sumas
  • Restas.
  • Multiplicacións
  • Cálculo mental

FIGURAS IMPOSIBLES

  • Cinta de Moebius
  • Características
  • Utilización práctica da figura

SISTEMAS NUMÉRICOS

  • Sistema decimal.
  • Sistema Binario.

ÁREAS XEOMÉTRICAS

  • Fórmulas
  • Visualización práctica

PROPIEDADES NUMÉRICAS

  • Propiedades do número 9

SERIES E SECUENCIAS

  • ¿Qué son?
  • Como formar un orden desordenado
  • Visualización e práctica

Realizarase en dúas sesións de, aproximadamente, 50 minutos cada unha delas; a primeira ás 11:00 horas, e a segunda a partir das 13:00 horas.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

venres, 23 de febreiro de 2024

Con "HISTORIAS SOÑADAS" de TRÉMOLA TEATRO continuamos conmemorando en Pazos de Borbén o aniversario do nacemento de ROSALÍA DE CASTRO


No Concello de Pazos de Borbén continuamos conmemorando o 187 aniversario do nacemento de ROSALÍA DE CASTRO a través das actividades organizadas pola Biblioteca Pública Municipal coas que nos adherimos ás homenaxes á autora que se celebran estos días en toda Galicia e en todo o mundo.

A segunda destas actividades terá lugar o próximo Lúns 26 de Febreiro tamén no Auditorio do Concello, no que contaremos coa visita de PAULA REGUEIRO GARCÍA de TRÉMOLA TEATRO que nos traerá o contacontos "HISTORIAS SOÑADAS"un espectáculo creado a partir de textos e vida de Rosalía de Castro que mestura poesía, cancións e música para achegar ás crianzas a unha das figuras máis importantes do Rexurdimento Galego.

Haberá dúas sesións deste espectáculo, a primeira sesión será de 11:15 a 12:15 horas á que están convidados a asistir o alumnado de Infantil e 1º e 2º de Primaria do CPI "Curros Enríquez de Pazos; e o alumnado da EEI "A Galeriña" de Nespereira.

A segunda sesión terá lugar de 13:00 a 14:00 horas e a ela asistirá o alumnado de 3º a 6º de Primaria do CPI "Curros Enríquez" de Pazos e os usuarios da Asociación ASPAVI.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

mércores, 21 de febreiro de 2024

"CONTOS NUNHA RODA. ROSALIA" - Un espectáculo de "TARABELOS" para celebrar o "DÍA DE ROSALÍA" en Pazos de Borbén


ROSALÍA DE CASTRO (Santiago de Compostela, 23/Febreiro/1837 - Padrón, 15/Xullo/1885) foi unha das grandes escritoras da literatura española do século XIX; unha das figuras emblemáticas do Rexurdimento galego; unha das precursoras do feminismo en Galicia; e a nosa poeta nacional por excelencia.

Este ano 2024 a Biblioteca Pública Municipal do Concello de Pazos de Borbén súmase ás conmemoracións do aniversario do nacemento de ROSALÍA DE CASTRO en toda Galicia con varias actividades dirixidas aos escolares do municipio.

A primeira das actividades terá lugar o próximo Venres día 23 de Febreiro a partir das 13:00 horas no Auditorio do Concello coa actuación de ESTEBAN ACUÑA LAGOS "TARABELOS" que nos traerá o seu espectáculo Kamishibai:"CONTOS NUNHA RODA. ROSALÍA".

"Unha roda e un contador de historias viaxando nela. 
Un cachiño de tempo compartido... pequeno... concentrado...áxil...
Un grupiño axeitado... en confianza...
Un pequeno teatro ilustrado... chegado de lonxe... tarabelizado.

O "kamishibai" é unha forma de contar milenaria procedente do Xapón: un pequeno "teatro de papel" que, montado tradicionalmente nunha bicicleta, percorre vilas e aldeas para contar historias. Este kamishibai "tarabelizado" vai nunha roda soa buscando contar e compartir historias. Neste “Contos Nunha Roda” centrado no personaxe de Rosalía de Castro e o seu libro “Cantares Gallegos”, descubriremos a súa disconformidade diante das desigualdades de xénero, idioma, clases sociais… e contaremos e cantaremos un conto de Rosalía: “Vidal o sin ventura”.

Están convidados a asistir a esta función o alumnado de 3º a 6º de Primaria do CPI "Curros Enríquez" de Pazos; e os usuarios da Asociación ASPAVI.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

23 de Febreiro de 2024 - Conmemoración do 187 aniversario do nacemento de ROSALÍA DE CASTRO


Outro ano máis desde o Concello de Pazos de Borbén a través da Biblioteca Pública Municipal quere conmemorar o aniversario do nacemento de ROSALÍA DE CASTRO, unha das grandes escritoras da literatura española do século XIX; unha das figuras emblemáticas do Rexurdimento galego; unha das precursoras do feminismo en Galicia; e a nosa poeta nacional por excelencia.

Fundación Rosalía de Castro ofrece na súa páxina web moitísima información sobre a homenaxeada e poden atopar moitos recursos educativos pensados para que desde os centro educativos poidan traballar co alumnado e aprender sobre a vida e obra de Rosalía gozando deste espazo organizado atendendo a ídade do estudantado en catro grupo didácticos (Infantil, Primaria, ESO e Baharelato).

MARÍA ROSALÍA RITA DE CASTRO naceu en Santiago de Compostela o 24 de febreiro de 1837. A súa vida é unha historia realmente apaixonante, chea de interese histórico, cultural e intelectual.

O seu relato é entender desde a perspectiva dunha rapariga filla de nai solteira e fidalga as claves sociais do seu tempo; é asistir en primeira fila como moza, en Santiago, e en Madrid, a un proceso de formación rico e complexo; é seguirlle os pasos, en Vigo, na Coruña, en Lestrobe... á súa densa creación literaria e mais ao proxecto que acabou orixinando a Galicia dos nosos días.

Hoxe as investigacións biográficas sobre a súa figura supuxeron claros avances no debuxo dos seus principais perfís. Aínda así, continúa a ser un reto estudala e explicala na súa totalidade e na súa complexidade.

A Biblioteca Pública Municipal do Concello de Pazos de Borbén adhírese a esta homenaxe á autora a través desta nova no blog e das seguintes actividades:


A primeira delas será o próximo Venres día 23 de Febreiro a partir das 13:00 horas no Auditorio do Concello no que teremos con nos a ESTEBAN ACUÑA LAGOS "TARABELOS" que nos traerá o seu espectáculo Kamishibai:"CONTOS NUNHA RODA. ROSALÍA".

"Unha roda e un contador de historias viaxando nela. 
Un cachiño de tempo compartido... pequeno... concentrado...áxil...
Un grupiño axeitado... en confianza...
Un pequeno teatro ilustrado... chegado de lonxe... tarabelizado.

O "kamishibai" é unha forma de contar milenaria procedente do Xapón: un pequeno "teatro de papel" que, montado tradicionalmente nunha bicicleta, percorre vilas e aldeas para contar historias. Este kamishibai "tarabelizado" vai nunha roda soa buscando contar e compartir historias. Neste “Contos Nunha Roda” centrado no personaxe de Rosalía de Castro e o seu libro “Cantares Gallegos”, descubriremos a súa disconformidade diante das desigualdades de xénero, idioma, clases sociais… e contaremos e cantaremos un conto de Rosalía: “Vidal o sin ventura”.

Están convidados a asistir a este evento o alumnado de 3º a 6º de Primaria do CPI "Curros Enríquez" de Pazos; e os usuarios da Asociación ASPAVI.


A segunda das actividades previstas terá lugar o próximo Luns 26 de Febreiro tamén no Auditorio do Concello, no que contaremos coa visita de PAULA REGUEIRO GARCÍA de TRÉMOLA TEATRO que nos traerá o contacontos "HISTORIAS SOÑADAS", ao que están convidados o alumnado de Infantil e Primaria do CPI "Curros Enríquez de Pazos; o alumnado da EEI "A Galeriña" de Nespereira; e os usuarios da Asociación ASPAVI.

"HISTORIAS SOÑADAS" é un espectáculo creado a partir de textos e vida de Rosalía de Castro que mestura poesía, cancións e música para achegar ás crianzas a unha das figuras máis importantes do Rexurdimento Galego.

No ano 2022 a Fundación Rosalía de Castro conmemorou o DÍA DE ROSALÍA lembrando o poema "Miña casiña, meu lar" de Follas Novas, no que unha muller pobre conta un capítulo da sua épica diaria: a de sobrevivir. Esta muller que vén de Santiago a Padrón e chega á casa mollada e esfameada, a pesar de que carece de todo e de que os seus avaros veciños lle negan o que lles sobra (broa e leña), consegue o milagre da supervivencia: facer un humilde caldo de gloria e un bolo do pote...

Aquí vos deixo a imaxe do "CALDO DE GLORIA" con esta fermosa historia e co poema "Miña casiña, meu lar" que podedes descargar facendo clicando na imaxe:


De seguido deixámosvos tamén unhas imaxes coas portadas dalgunhas das obras de/e sobre a autora das que dispoñemos en BiblioPazos a disposición dos e das nosos/as usuarios e usuarias e que podedes localizar no Catálogo da Biblioteca ou preguntar ao persoal da mesma.



Sumámonos tamén á proposta da Asociación de Escritoras e Escritores en Lingua Galega (AELG) que propón desde o 2010 á cidadanía que neste día agaselle un libro en galego e unha flor.


E vos deixamos un enlace ao Manifesto 
da Asociación de Escritoras e Escritores en Lingua Galega no Día de Rosalía de Castro 2024.

Podedes descargalo en formato PDF facendo clic AQUÍ.


EN BIBLIOPAZOS SEGUIMOS TRABALLANDO POLA EDUCACIÓN E A CULTURA

BUSCAR NO BLOG


gadgets para blogger