FARSA DE BULULÚ - UNHA VEZ FOI O TREBÓN

FARSA DE BULULÚ

UNHA VEZ FOI O TREBÓN

Autor: Manuel María

Editorial Compostela

Edicións El Correo Gallego

Colección: Biblioteca 114

Xénero: Literatura Galega - Teatro

Dúas pezas dramáticas de Manuel María.

A farsa de Bululú, comezada no nadal do 1969 e rematada no ano seguinte, foi gañadora, "ex aequo", no 1º Concurso Abrente de Ribadavia (1973).

A vida pacega dende perspectivas irónico-humorísticas así como a evolución dalgún dos personaxes da corte do rei Bululú e da raíña Facunda.

Unha vez foi o trebón foi escrita no 1975 e estreada un ano despois polo Grupo Teatral da Asociación Cultural Auriense en O Carballiño.

Peza de carácter histórico á beira das revoltas irmandiñas, do Mariscal Pardo de Cela... cronoloxicamente ó redor do século XV e das seis principais casas galegas: Lemos, Andrade, Trastámara, Soutomaior, Altamira e Sarmiento.

ISBN: 84-85553-56

Nº de páxinas: 95

A PRIMAVERA DE VENUS

A PRIMAVERA DE VENUS

Autor: Manuel María

Prólogo: Claudio Rodriguez Fer

Edicións Espiral Maior S.L., 1993

Colección: Espiral Maior Poesía

Xénero: Literatura Galega - Poesía

A Primavera de Venus ofrece aos lectores a voz permanente e entrañábel dun dos grandes poetas galegos deste século. A Primavera de Venus é un poemario de inspiración pictórica.

Manuel María, toda a súa obra é unha literatura en si mesma, representa unha pátria labrada na terrra, no home e no verso.

ISBN: 84-88137-09-5

Número de páxinas:  56

2016 CAMILO JOSÉ CELA - O CENTENARIO DUN NOBEL

Onte, 11 de maio de 2016 cumpríronse 100 anos do nacemento de CAMILO JOSÉ CELA TRULOCK.

Ás nove e vinte da noite do día 11 de maio de 1916, vin a este val de bágoas na casa do paso nivel de Iria Flavia, concello de Padrón, diocese de Santiago de Compostela, provincdia da Coruña, banda de estribor da ría de Arousa, alá onde se atopan os ríos Sar e Ulla [...]

A Rosa (Xunta de Galicia, 202)

Camilo José Cela

O 11 de maio de 1916, nacía na parroquia de Iria Flavia, Padrón (A Coruña) Camilo José Cela Trulock, unha das figuras claves na evolución cultural española, como revolucionario da narrativa e como promotor de proxectos culturais decisivos, especialmente no ámbito literario, onde acadou os máis importantes recoñecementos.

Premio Príncipe de Asturias das Letras en 1987, Premio Cervantes de Literatura en 1995 e Premio Nobel de Literatura en 1989, Camilo José Cela abre as portas da literatura española contemporánea con erudición e un dominio lingüístico á altura dos mellores mestres.

Este ano 2016, cando se cumpre o centenario do seu nacemento, representa unha data memorable e unha oportunidade única para divulgar o valor cultural do seu legado.

Coincidindo con este aniversario, así como cos 25 anos da apertura en Iria Flavia da primeira Casa dos Cóengos como Casa-Museo do escritor, a Xunta de Galicia, a través da Fundación Pública Galega Camilo José Cela, en colaboración con diversos organismos e institucións, organiza un completo programa de actividades conmemorativas, coas que facer partícipe desta celebración á sociedade no seu conxunto.

BIBLIOPAZOS quere sumarse aos actos de homenaxe a Camilo José Cela difundindo as súas obras a través das redes sociais e animar aos veciños e veciñas do concello a participar desta celebración, mediante a súa asistencia aos actos que se celebrarán en toda Galicia e tamén léndo as súas obras. 

Se queres consultar as obras de Camilo José Cela dispoñibles en BiblioPazos fai clic AQUÍ:

Nos seguintes enlaces podedes consultar máis información sobre a celebración deste centenario:

• CEN ANOS DO NOBEL GALEGO
• PROGRAMA DE ACTIVIDADES - O CENTENARIO DUN NOBEL
• CAMILO JOSÉ CELA - PALABRA DE NOBEL (El Mundo)
• CENTRO NACIONAL DE INVESTIGACIÓN E INNOVACIÓN EDUCATIVA - Ministerio de Educación, Cultura y Deporte

Fonte: CULTURA DE GALICIA  - EL MUNDO - CNIIE

 

POEMAS PARA DICIRLLE A DUAS LAGOAS

POEMAS PARA DICIRLLE A DUAS LAGOAS

Autor: Manuel María

Limiar: Miguel Anxo Fernán-Vello

Edicións Espiral Maior S.L., 1994

Colección: A Illa Verde, nº 7 - 2ª edición

Xénero: Literatura Galega - Poesía

 

Duas lagoas chairegas, a de Cospeito e a do Ollo, esta última en terras de Begonte, son quen de despertar en Manuel María toda a súa poderosa percepción da natureza, unha entrega textual e sensitiva que o poeta combina en sabio oficio de canto e homenaxe até nos tocar en forma de alento musical e poético as mesmas raíces do corazón de nós:

 

Eu son esta terra e esta auga: lagoas

de Seixas, Toiral, Santa Cristina,

Bardancos, Boedo, Lamas de Xermar,

Charca do Alligal, As Carpaciñas,

Pozos das Nádigas e do ollo,

pucharcas como estrelas ou lúas,

maravillosas esmeraldas, decorando

o corpo vexetal da miña tribo (...)

 

ISBN: 84-88137-35-4

Nº de páxinas: 48

A LÚA VAI ENCOBERTA

A LÚA VAI ENCOBERTA

Autor: Manuel María

Ilustración cuberta: Gallego & Rey

Editorial Grupo ACSA - Diario 16 de Galicia, 1992

Colección: "Biblioteca de Autores Galegos" nº 73

Edición non venal

Xénero: Literatura Galega - Teatro

Nota do autor:

Esta peza teatral escribina polos anos setenta, por encargo do Grupo Teatral da A. Cultural Auriense que xa representara Unha vez foi o trebón. Comenzados os ensaios o grupo desfíxose. E a obra quedou perdida entre os nosos libros e papeis.

Trátase da única peza dramática longa da nosa autoría nunca representada.

Ao pedirme Cambio 16 un orixinal volvín a releela. Non me pareceu mal.

Coido que dá unha visión de Galiza dende a guerra civil aos nosos días: un anaco da historia dramática do noso país por recuperar a súa auténtica persoalidade, contada dun xeito fragmentado e subxetivo.

Unha obra, penso, que vai contracorrente da ideoloxía e da estética reinante. Servidor é de Outeiro de Rei. E velaí...

Manuel María

Nº de páxinas: 95

Encadernación: Tapa branda

VIAXES E VAGANCIAS DE M.P.

VIAXES E VAGANCIAS DE M.P.

Autor: Manuel María
Ilustración da cuberta: Fran Jaraba

Ediciones SM, 1994

Colección "Barco de Vapor" - Serie Vermella

Xénero: Literatura Infantil Galega - Narrativa

Idade recomendada: +12 anos

Poucos coñecen o segredo que agacha unha muralla ou a verdadeira orixe das fontes de agua quente. para iso cómpre descubri-los versos capaces de movelo-lo vento e erguer un monte.

Ben cho sabe Manuel de Paderna, que desta vez bota a andar ó encontro cos amigos polas sete cidades do Reino de Galicia, mais Pontevedra,e  vive anacos da súa historia lendaria.

MANUEL MARÍA, un dos autores fundamentais da literatura galega contemporánea, conclúe con este libro o "Ciclo de Manuel de Paderna", triloxía da que tamén forman parte "A tribo ten catro ríos" e "Cando o mar foi polo río", publicados nesta mesma colección.

ISBN: 84-348-4187-8

Nº de páxinas: 123.

Encuadernación: Tapa branda

XII FESTA DO OVO DE NESPEREIRA

O próximo domingo, día 15 de maio celébrase novamente na parroquia de NESPEREIRA do noso concello de Pazos de Borbén a

XII EDICIÓN

DA

FESTA DO OVO

Así que xa sabedes, o Domingo 15 de Maio celébrase a XII edición da FESTA DO OVO en NESPEREIRA no recinto de festas que estará cuberto cunha gran carpa.

PROGRAMA DE ACTOS

• A partir das 11,00 da mañán serviráse diferentes pratos elaborados con ovos caseiros.
• Ás 13:00 horas leerá o Pregón NOELIA OTERO, Directora e presentadora do programa diario "Boas Tardes" e de "O Qué Pasa Aquí" da TVG.

• A festa estará amenizada pol Dúo ESTELAR.

Insistimos, recordamosvos que como cada ano no mes de Maio...

XII FESTA DO OVO EN NESPEREIRA

Todos os pratos estará feitos a base de ovos caseiros. 

Como todos os anos o prato estrela é o de ovos con patacas e chourizo, aínda que tamén se poderán degustar tortillas, tanto de patacas como á francesa con ou sen chourizo.

Outros pratos que se servirán son: grelos cocidos con chourizo, patacas e ovos e empanadas de ovo e atún.

Todos os pratos estarán ao alcance calqueira bolsillo xa que a degustación dos mesmos segue manténdose con prezos antecrise de 5 € e 6€ con acompañamento de viño e pan.

PATACAS FRITAS CON OVOS E CHOURIZO 
(Prato estrela)
 

GRELOS CON PATACAS, OVOS E CHOURIZO
(Gran éxito das últimas edicións) 

Organizada pola Asociación de Veciños de Nespereira coa colaboración da Panaderia-Pastelería-Café "O Cruceiro" e do Concello de Pazos de Borbén.

ESPERÁMOSVOS EN NESPEREIRA!

NON VOS ESQUEZADES!

BO PROVEITO!

MUIÑEIRO DE BRÉTEMAS

MUIÑEIRO DE BRÉTEMAS

Autor: Manuel María

Limiar: Ánxel Johán e Manuel María

Ilustración: Rafael Alonso

Colección Benito Soto - Poesía, Volume X, 1950 

Xénero: Poesía Galega 

Manuel María, o protagonista do Día das Letras Galegas de 2016, iniciou a súa andaina poética coa publicación de Muiñeiro de brétemas.

O libriño saíu á luz en 1950 na colección Benito Soto, un ano despois de que fora escrito durante o verán no seu Outeiro de Rei natal, en boa medida á beira do río Miño. Tiña só 19 anos e, malia o tempo no que lle tocou medrar, puidera coñecer desde a escola algunha poesía galega que marcaría esta obra de iniciación.

Na casa familiar, Manuel María Fernández Teixeiro (Outeiro de Rei, 1929-A Coruña, 2004) leu en galego sendo cativo os Cantares Gallegos de Rosalía, algunha comedia de Leandro Carré Alvarellos e tamén O Gaiteiro de Lugo, que mercaba o seu pai. Mais tamén tivo certo achegamento á poesía galega na escola.

O seu mestre de Rábade faláballe ao alumnado sempre en castelán, pero os sábados mandáballe ler a Literatura Gallega de Carré Aldao e unha antoloxía da poesía galega de Álvaro María de las Casas. Foi así como Manuel María coñeceu algúns versos de Amado Carballo e de Manuel Antonio, lecturas que, segundo el mesmo dicía, deixaron pegada no Muiñeiro de brétemas.

"Cara a ti" é un dos poemas incluídos na obra, que foi publicada coa axuda de Aquilino Iglesias Alvariño, o primeiro que veu os versos de Manuel María en galego. A primeira edición foi prologada por Ánxel Johán, quen concluía que o poeta Manuel María "polo de agora, é un máxico".

 CARA A TI

 

Vou a ti decote cada día
co ollar enmallado nunha nao
que o vento desfiaña pouco a pouco
na espuma dorida do teu peito.

E brillas nesa espuma
sedenta dunha luz tremelucente
que escintila nunha bágoa xa ferida
na manteliña prateada dunha estrela.

Vou a ti, sedento de saloucos
e de brétemas,

 depenicando alalás entre a follaxe
acesa por folerpas que fuxían
no afiado coitelo do sorriso.

(Non debullo lonxanía polo ermo
nin o vento morno me desvía).

 Vou a ti deixando nun luceiro
unha vella ronseira que se afoga
nun estraño fío prateado
que garda un chirlo amorosiño.

Ollo fuxir cara o nordés un pensamento
que vai só para ti, para que che diga
a mensaxe calada dun retorno.

Fonte: Real Academia Galega