A PUNTA DE PISTOLA - Literatura Xuvenil

A punta de pistola

Autor:Fran Alonso 

Edicións Xerais de Galicia S.A.

Colección Fóra de Xogo

XII Premio de Novela por Entregas La Voz de Galicia

A punta de pistola ábrese cunha escena de ritmo trepidante: un delincuente de pouca monta, coñecido como O Varas, e a súa muller, Rica, acoden a un Centro de Acollida Familiar para ver os seus fillos, baixo a tutela dos servizos sociais. Unha vez alí, secuéstranos e lévanos a punta de pistola. Así comeza unha frenética fuxida.

Ao tempo, outra historia transcorre en paralelo: a dunha camioneira emprendedora, culta e licenciada, que conduce e escribe nun blog. A camioneira, admiradora da vida da fisterrá Celia Rivas, a primeira muller en conducir un camión, en 1932, supón un contrapunto máis intimista á desenfreada fuxida que protagoniza a parella de secuestradores.

Moita acción, planos cinematográficos, novas tecnoloxías, o papel da muller e a desestruturación social, familiar e educativa son algúns dos eixos que vertebran esta novela que está baseada nun feito real e logra atrapar os lectores e lectoras.

13,5 x 21 cm

Rústica cosido a fío

144 Páxinas

ISBN: 978-84-9914-451-1

NIMBOS - Poesía Galega

NIMBOS

Xosé Maria Díaz Castro 

Editorial La Voz de Galicia S.A.

Colección Biblioteca Galega

Obra reveladora da extraordinaria forza expresiva do seu autor, que ilumina a carga que o poema leva dentro. 

Nimbos viu a luz en 1961 e, desde aquela, figura entre os poemarios considerados xa clásicos da literatura galega do século XX. Poemas como "Penélope", son referencia capital da nosa literatura. Tal significación mereceu que a Real Academia Galega determinase dedicarlle o Día das Letras Galegas do ano 2014. 

O Homenaxeado do Día das Letras Galegas 2014 é Xosé María Díaz Castro (1914 - 1989), poeta orixinario de Os Vilares de Parga, Guitiriz (Lugo). 

Para saber máis sobre Xosé María Díaz Castro fai clic AQUÍ. 

ISBN: 84-9757-017-0

Nº de páxinas: 91

MALOS TEMPOS PARA OS FANTASMAS - Literatura Infantil

Malos tempos para os fantasmas 

Agustín Fernández Paz (Autor/a) 

Patricia Castelao (Ilustrador/a) 

Edicións Xerais de Galicia S.A.

Colección Merlín Verde

Idade recomendada: De 9 anos en diante

Cando Marta fai once anos, a súa familia abandona a vila onde residían e trasládase a vivir na cidade. Alugan unha casa antiga e espazosa, sobre a que circulan rumores inquietantes. Unha vez instalados na nova vivenda, comezan a se producir misteriosos sucesos, que afectan sobre todo á vida de Marta. A nena acabará descubrindo que na casa habita un fantasma invisible, co que se pode comunicar a través do ordenador. Un fantasma con raros poderes, condenado a permanecer na mansión ata que esta sexa destruída.

Malos tempos para os fantasmas é unha novela de misterio que, axudándose do humor, nos achega ás dificultades que supón enfrontarse a múltiples cambios nos anos en que se abandona a infancia e comeza a adolescencia.

13,5 x 19 cm 

Rústica cosido a fío

176 Páxinas

ISBN: 978-84-9914-437-5

ROGOS DUN GALEGO CONTRA A INQUISICIÓN E OUTROS VERSOS LIBERAIS (1813-14)

Rogos dun galego contra a Inquisición e outros versos liberais (1813-14)

Manuel Pardo de Andrade

Real Academia Galega

Sección de historia

Manuel Pardo de Andrade (1860-1832), o príncipe dos xornalistas galegos, foi un activista da causa liberal. Para a Academia teñen especial importancia os seus textos en galego. Deles, o máis relevante é o manifesto anti-inquisitorial titulado Os rogos dun gallego establecido en Londres.

A primeira edición, impresa na Coruña no ano 1813, apareceu como anónima, igual que as seguintes. A cuberta da edición de 1841 contén este eficaz título: Rogos dun escolar gallego á Virxe do Bo Acerto pra que libre a terra da inquisición.

O folleto de Pardo de Andrade foi lido e declamado en cidades, vilas e aldeas de Galicia e constituíu un extraordinario suceso editorial.

Descarga o libro en formato PDF AQUÍ.

ISBN: 978-84-87987-90-8

Nº de páxinas: 55

CUNTIS - GUÍAS OS BOLECHAS - Literatura Infantil

Cuntis

Guías "OS BOLECHAS"

Ilustracións e textos: Pepe Carreiro / Estudio Carreiro

Bolanda Ediciones y Marketing

Idade recomendada: + 5 anos

Os Bolechas van á Festa da Belle Époque de Cuntis con dúas amigas cuntienses.

A esta festa vaise vestido á moda antiga.

Carlos, para impresionar a unha das amigas, encárgalle a un xastre o traxe máis antigo de todos. Pero tan antigo o quere que parece un troglodita.

ISBN: 978-84-616-5998-2

Nº de páxinas: 32

X FESTA DO OVO EN NESPEREIRA

 

X FESTA DO OVO EN NESPEREIRA 

Os próximos días 17 e 18 de maio terá lugar a X FESTA DO OVO na parroquia de NESPEREIRA do noso concello. 

O Sábado 17 de Maio:

• A partir das 21:00 horas o VI SERÁN EN NESPEREIRA organizado por NOVAS AMISTADES.

O Domingo 18 de Maio:

• A partir das 11,00 da mañán serviranse diferentes pratos elaborados con ovos caseiros. 
• Ás 13:00 horas o ciclista Oscar Pereiro lerá o Pregón. 

A festa estará amenizada pola Agrupación Musical RIAS BAIXAS e o Dúa ESTELAR.

Así que xa sabedes, como cada ano no mes de Maio... 

FESTA GASTRONÓMICA DO OVO DE NESPEREIRA 

Todos os pratos están feitos a base de ovos caseiros.

Entre todos os pratos que se poden degustar temos: 

PATACAS FRITAS CON OVOS E CHOURIZO
(Prato estrela)
 

GRELOS CON PATACAS, OVOS E CHOURIZO
(Gran éxito das últimas edicións) 

Se aínda así os vosos gustos non están satisfeitos, podedes degustar outros pratos como tortilla de patacas, tortilla francesa, empanada...

Destacar os prezos anticrise, onde por so 5 ou 6 euros degustarás estes pratos acompañados de viño e pan. 


¡ANIMARVOS E ACUDIR A NESPEREIRA!

BO PROVEITO

ANDEIS BALEIROS - Literatura Infantil

Andeis baleiros

Autor: Susana Lamela

Ilustracións: María Lires

Editorial Luis Vives

Tambre, 2012

Colección Ala Delta. Serie Vermella

Idade recomendada: + 5 anos

Ani, o libro de Contos dos cinco continentes que Mar colleu na biblioteca de Lemoito, por fin vai viaxar.

Vai con Mar á casa dos avós, na vila de Lerentrenós.

No faiado da casa coñece un semellante seu, un volume sobre Exipto, que lle conta a historia dos libros que aló vivían.

Cando regrese á biblioteca, Ani vai deixar pampos, con relatos dese tipo, aos seus compañeiros de andeis.

ISBN: 978-84-15165-69-9

Nº de páxinas: 41

Tamaño: 20 x 13 cm

"O MISTERIO DO PIRATA BENITO SOTO" - Contacontos en BIBLIOPAZOS

Hoxe, Xoves 15 de Maio, ás 13:00 horas na Sala de Lectura da biblioteca celebraremos o DÍA DAS LETRAS GALEGAS, coa sesión de contacontos "O misterio do pirata Benito Soto" a cargo de Enrique Mauricio e Carlos Taboada de Polo Correo do Vento. 

Unha historia de misterios, homenaxe a Conan Doyle e ao patrimonio galego, mestura a oralidade coa ilustración que rematará cun obradoiro de debuxo de temática pirata. 

¡Esperamosvos en BIBLIOPAZOS!

 

EXCURSIÓN AO BALNEARIO AGUAS SANTAS (RIBEIRA SACRA)

Dende o Concello nos envía a seguinte información que, seguramente, será do voso interese.

EXCURSIÓN AO BALNEARIO DE AGUAS SANTAS (Concello de Pantón - Lugo)

A saída será o día 16 de Xullo de 2014 ás 09,00 dende a praza do Concello.

O Concello de Pazos de Borbén subvenciona o transporte en autobús.

O prezo por persoa é de 20,00 €uros e inclúe os seguintes servizos:

Comida, circuito da auga no balneario e visita a unha bodega.

É necesario levar bañador, gorro de baño e chanclas.

Prazas limitadas: 50.

O prazo para inscribirse finaliza o día 1 de xullo de 2014 no teléfono do Concello 986 498 934 en horario de 09:00 a 14:00 horas de Luns a Venres.

A excursión a organiza o Concello de Pazos de Borbén e a patrocina a Deputación Provincial de Pontevedra.

BANDEIRAS NEGRAS - Literatura Xuvenil

Bandeiras negras 

Autor: Ana María Galego Gen 

Ilustración: Cristal Reza 

Baía Edicións

1ª Edición: novembro 2012 

Idade recomendada: + 15 anos

Obra gañadora do V Premio Meiga Moira de Literatura Infantil e Xuvenil Meiga Moira 2012 

N'A Illa do Tesouro, Jim Hawkins, o narrador, ou Stevenson, o autor, non dan moitos detalles sobre a vida de Long John Silver. Só temos algúns trazos: que navegou co histórico capitán England, ou que está casado cunha muller negra.

Este é o xermolo de Bandeiras negras. Quen é esa misteriosa muller, onde coñeceu a Silver e como chegou a casar con el?

Páxina a páxina, coñeceremos as aventuras da pequena escrava Providence, quen se converterá no mariñeiro Chris e que navegará baixo as bandeiras dos piratas de máis sona: Bonnet, England... e Flint, o temible capitán do Walrus. Providence sabe cal é a vida á que está abocada dende o seu nacemento e será quen de rebelarse contra o seu destino. Non hai moitas oportunidades para as mulleres, e menos para as mulleres negras, no século XVIII. Pero as oportunidades, e a sorte, ás veces chegan andando sobre unha soa perna... 

ISBN 978-84-9995-047-1

Nº de páxinas: 104

O NENO CAN - Literatura Infantil

O neno can

Autor: Fina Casalderrey / Francisco Castro

Ilustracións de Patricia Castelao

Editorial Galaxia S.A., 2012

Colección: Libros singulares e fora de colección 

Ven coñecer as historias de Aakesh, Nadim, Altair, Leila, Carlos...

Un libro a favor de UNICEF

O neno can é un libro de relatos nos que quixeron abordar asuntos relacionados cos dereitos da infancia, ou máis ben, coa falta de dereitos básicos que unha parte moi importante dos nenos e nenas do mundo padecen hoxe en día. Así, cóntannos historias deses cativos que teñen que sobrevivir remexendo nos colectores de lixo; a epopea desas nenas obrigadas a casar con homes adultos cando aínda nin deixaron as bonecas; a discriminación de quen é diferente por calquera motivo e así carne de canón social.

 A artista Patricia Castelao puxo o punto plástico perfecto para que poidamos gozar dun libro que, ademais de apostar pola xustiza e a liberdade, nos agasalla cunhas historias cheas de vida, a pesar da crueza das realidades que conta, e que van engancharnos dende a primeira liña.

O libro entrou en 2013 na LISTA DO CENTRO IBBY DE DOCUMENTACIÓN PARA NENOS CON DIFICULTADES ESPECIAIS.

 

Nº de páxinas: 64

Encadernación: Rústica con lapelas

ISBN: 978-84-9865-431-8

A POMBA DONA PAZ - Literatura Infantil

A pomba dona Paz

Autor: Ramón Caride

Ilustracións de Pepe Carreiro

Edicións Xerais de Galicia S.A., 2012

Colección Merliño

Idade recomendada: + 5 anos

PARA OS NENOS E AS NENAS DO MUNDO PORQUE A PAZ É O SEU ÚNICO E VERDADEIRO FUTURO

Dona Paz é unha pombiña que vive a rentes do ceo. Nunha casiña moi linda entre as torres dunha igrexa. En conto o día amañece vai pasear moi cediño, para ver que cousas pasan polas prazas e os camiños. 

O día 30 de xaneiro celébrase o Día Escolar pola Paz en conmemoración da morte de Mahatma Gandhi, unha data que contribuíu nos centros educativos de xeito moi especial á difusión da Educación para a Paz. 

A pomba dona Paz é un relato concibido para que os lectores e lectoras máis novos participen tamén dos valores da construcción pacífica da sociedade e da cidadanía democrática.

Un libro que é un vieiro da esperanza cara a un mundo en paz e igualdade.

ISBN: 978-84-9914-332-3

Encuadernación: Cartonado

Formato: 18,7 x 21 cm

Nº de páxinas: 40

Sesión de Contacontos "O MISTERIO DO PIRATA BENITO SOTO"

Para celebrar o DÍA DAS LETRAS GALEGAS, o próximo Xoves 15 de Maio, ás 13:00 horas na Sala de Lectura da biblioteca contaremos coa presencia de Enrique Mauricio e Carlos Taboada de Polo Correo do Vento que nos deleitarán co seu espectáculo de contacontos "O misterio do pirata Benito Soto".

Esta historia de misterios, homenaxe a Conan Doyle e ao patrimonio galego, mestura a oralidade coa ilustración e rematará cun obradoiro de debuxo de temática pirata. 

¡Esperamosvos en BIBLIOPAZOS! 

Esta actividade de animación á lectura foi organizada por BIBLIOPAZOS en colaboración co programa de dinamización da lectura LER CONTA MOITO que se desenrola a través da Rede de Bibliotecas Públicas de Galicia, en colaboración cos concellos e promovido pola Secretaría Xeral de Cultura da Consellería de Cultura, Educación e Ordenación Universitaria.

A MATANZA DO PORCO - Comic

A matanza do porco

Concello de Lalín
LKM0 (Lalínkmcero)

Variografik Comunicación

D.L. VG 114-2009

Idade recomendada: + 6 anos

A Matanza Tradicional do Porco é unha das actividades que, ao longo dos anos, se ven organizando para engrandecer o programa de actos que adornan a celebración da Feira do Cocido de Lalín. A través de este evento, preténdese reflexar coa mairo naturalidade o espírito festivo que supón o sacrificio do porco e a súa preparación para o seu consumo posterior.

A Feira do Cocido de Lalín conseguíu, despois de máis de 40 anos de celebracións, situarse como unha das citas gastronómicas máis representativas de Galicia e está declarada polo Goberno galego Festa de Galicia de Interese Turístico desde 1999.

Este COMIC describe os pasos da Matanza Tradicional do Porco nunha publicación a todo color que gustará a nenos e nenas, xóvenes e adultos.

LA QUIMERA DEL ORO - Literatura Adultos

La quimera del oro

Autor: Jack London

Traducción: Jacinta Romano

Grupo Anaya S.A.

Diario EL PAIS S.L.

Colección EL PAÍS aventuras

La fiebre del oro surgida en Alaska, que a muchos enriqueció y a otros arrojó a la más absoluta indigencia, es el motor de esta selección de cuentos del genial Jack London. El frío polar, telón de fondo y auténtico protagonista de estas implacables historias, desnuda la quimera en la que se sustentan las ambiciones, debilidades y codicias del ser humano.

Da la impresión de que la biografía de John Griffith London (1876-1916), conocido como Jack London, oscurece su obra literaria. Muchos afirman que la novela más grande que escribió fue la historia de su propia vida. Hijo ilegítimo de un astrólogo, trasladó a obras como Colmillo Blanco su experiencia de marinero, ladronzuelo, desempleado..., aspectos que le graduaron como el aventurero que nunca dejó de ser. Fue el autor americano más leido fuera de Estados Unidos.

ISBN: 84-96246-21-3

Encuadernación: Tapa blanda

Tamaño: 20 x 12 cm

Nº páginas: 236