CÓMO SE FIXO "CINZA" charla a cargo de Manel Cráneo e Xaviel Alcalá sobre o proceso de creación desta novela gráfica - Programa "falaRedes" da Rede de Dinamización Lingüística

Continuamos coa programación da Biblioteca Pública Municipal do Concello de Pazos de Borbén do mes de outubro e para a semana que ven temos prevista a seguinte actividade en colaboración coa Rede de Dinamización Lingüística enmarcada no programa de dinamización lingüística falaRedes da Secretaría Xeral de Política Lingüística da Xunta de Galicia.

Como se fixo "Cinza" é unha charla que será impartida polos autores Xavier Alcalá e Manel Cráneo ao alumnado de 3º e 4º de ESO do CPI "Curros Enríquez" de Pazos o próximo Mércores 23 de outubro a partir das 13:10 horas nas instalacións do centro educativo.

O escritor da novela orixinal “A nosa cinza”, Xavier Alcalá, e o autor da adaptación á novela gráfica, Manel Cráneo, explicarán o seu proceso de traballo de como un “long-seller” que figura entre os libros mais vendidos da literatura galega, pasa ao formato novela gráfica.

A actividade estará apoiada pola proxección de materiais visuais que amosan a investigación gráfica que hai detrás da obra (fotografías antigas, story board, bosquexos previos, proceso de debuxo, anotacións e páxinas do guión).

Unha viaxe polas entrañas do proceso creativo da obra.

“Queimémonos,
Mais garde calor de presenza a nosa cinza
Na marcha sen final do tempo.”

“Cinza” é a adaptación de Manel Cráneo do “long-seller” “A nosa cinza”, de Xavier Alcalá, con máis de 80.000 exemplares vendidos. Conta a vida de Xoán, un rapaz criado durante a ditadura franquista, orfo de nai, fillo de médico, de familia galeguista. Durante dez cursos escolares na cidade, con vacacións na aldea, que se vai convertendo nun lugar de moda para o veraneo, vemos a Xoán medrar no duro contexto do seu tempo. Os anos de escola e instituto marcan a transición do neno inocente ao mozo que se ha de enfrontar aos designios da vida para cortar o cordón umbilical coa súa familia.

Unha obra universal e intemporal chea de referencias polos temas que a vertebran: a morte, a amizade, os excesos da relixión e a dureza dun réxime totalitario. A morta asalta o protagonista desde cativo; o sexo xórdelle como premio inalcanzable; a amizade corre paralela a unha violencia que ensombrece a vida do neno e do adolescente; o fundamentalismo relixioso acosa, abafa os sentimentos; imponse a Formación do Espírito Nacional Católico empeñado en agochar o galeguismo.

Informamos que tanto a novela gráfica "Cinza", un volume de 136 páxinas a branco e negro; e a novela orixinal "A nosa cinza" están a disposición das usuarias e usuarios da Biblioteca no noso catálogo.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

ENCONTRO CO AUTOR ANTONIO REIGOSA - "GALICIA ENCANTADA.Mitos, Lendas e Contos Populares"

Comezamos a programación o Mércores 4 de Decembro ás 13:00 horas no Auditorio do Concello de Pazos de Borbén no que recibiremos a visita do escritor, investigador e divulgador da mitoloxía e da literatura de tradición oral ANTONIO REIGOSA CARREIRAS que nos ofrecerá unha Charla-coloquio titulada “GALICIA ENCANTADA. Mitos, Lendas e Contos Populares” na que nos descubrirá o valor da oralidade e facendo un percorrido, apoiado con ilustracións, polos mitos, lendas e contos populares da tradición galega. Descubriremos os agochos (pozos, fontes, montes, xacementos arqueolóxicos...) e as figuras de seres, entre outros moitos, como as mouras, mouros ou encantos, ou como e onde se poden atopar tesouros. Percorreremos as xeografías do medo, os camiños e as pegadas de ducias de seres invisibles que fomos imaxinando colectivamente, conformando así un extraordinario patrimonio cultural, expresado case en exclusiva de xeito oral.

Antonio Reigosa é ademais de escritor, investigador e divulgador da mitoloxía e da literatura de tradición oral galega, responsable de comunicación da Rede Museística da Deputación de Lugo, Cronista oficial de Mondoñedo, Cofundador do Grupo Chaira, creador da enciclopedia virtual GALICIA ENCANTADA.

Creador e coordinador de varias revistas orais. Responsable da sección de literatura oral da AELG e autor ou coautor de numerosos títulos de literatura infantil, entre eles, “Memorias dun raposo (1998), Resalgario (2001), Lendo lendas, digo versos (2015), e tamén de ensaios como “Dicionario dos seres míticos galegos” (1999), ou os 20 tomos da colección “Cabalo Buligan” (1998-2004). Recentemente publicou en Xerais na colección Merlín “O raposo aviador que voa sen motor). Entre os premios recibidos están o Merlín (1998), o Raíña Lupa (2000) e a mellor iniciativa bibliográfica, Gala do Libro Galego 2016. É membro do Comité de Expertos en investigación de campo do proxecto “Corpus de Literatura Oral”.

A esta charla está prevista a asistencia dos alumnos de ESO do CPI “Curros Enríquez” de Pazos e os usuarios da Asociación ASPAVI.

Esta actividade enmárcase no programa de encontros con autores incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

ANIMÁMOSVOS A ACUDIR ÁS ACTIVIDADES ORGANIZADAS POR BIBLIOPAZOS!!!

ESPERÁMOSVOS!!!

PROGRAMACIÓN ACTIVIDADES DO MES DE DECEMBRO 2019

Finalizamos as actividades de animación á lectura do mes de NOVEMBRO coas actuacións no Auditorio do Concello de Pazos de Borbén o pasado día 29 da mestra e contadora de historias ANGELES GOÁS AMADO cos seus espectáculos “O MEDO É LIBRE” e “AS FAMES CONTADAS” incluídos na programación do 4º Ciclo de Tradición Oral “FALAR POR FALAR” que formaba parte do proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

Para este mes de DECEMBRO no que remataremos as actividades de este intenso ano 2019, traemos novos eventos de Contacontos, Charlas-Coloquio e o Acto de Entrega de Premios do II Certame de Relato Curto.

4 de Decembro

Comezamos a programación o Mércores 4 de Decembro ás 13:00 horas no Auditorio do Concello de Pazos de Borbén no que recibiremos a visita do escritor, investigador e divulgador da mitoloxía e da literatura de tradición oral ANTONIO REIGOSA CARREIRAS que nos ofrecerá unha Charla-coloquio titulada “GALICIA ENCANTADA. Mitos, Lendas e Contos Populares” na que nos descubrirá o valor da oralidade e facendo un percorrido, apoiado con ilustracións, polos mitos, lendas e contos populares da tradición galega. Descubriremos os agochos (pozos, fontes, montes, xacementos arqueolóxicos...) e as figuras de seres, entre outros moitos, como as mouras, mouros ou encantos, ou como e onde se poden atopar tesouros. Percorreremos as xeografías do medo, os camiños e as pegadas de ducias de seres invisibles que fomos imaxinando colectivamente, conformando así un extraordinario patrimonio cultural, expresado case en exclusiva de xeito oral.

Antonio Reigosa é ademais de escritor, investigador e divulgador da mitoloxía e da literatura de tradición oral galega, responsable de comunicación da Rede Museística da Deputación de Lugo, Cronista oficial de Mondoñedo, Cofundador do Grupo Chaira, creador da enciclopedia virtual GALICIA ENCANTADA.

Creador e coordinador de varias revistas orais. Responsable da sección de literatura oral da AELG e autor ou coautor de numerosos títulos de literatura infantil, entre eles, “Memorias dun raposo (1998), Resalgario (2001), Lendo lendas, digo versos (2015), e tamén de ensaios como “Dicionario dos seres míticos galegos” (1999), ou os 20 tomos da colección “Cabalo Buligan” (1998-2004). Recentemente publicou en Xerais na colección Merlín “O raposo aviador que voa sen motor). Entre os premios recibidos están o Merlín (1998), o Raíña Lupa (2000) e a mellor iniciativa bibliográfica, Gala do Libro Galego 2016. É membro do Comité de Expertos en investigación de campo do proxecto “Corpus de Literatura Oral”.

A esta charla está prevista a asistencia dos alumnos de ESO do CPI “Curros Enríquez” de Pazos e os usuarios da Asociación ASPAVI.

Esta actividade enmárcase no programa de encontros con autores incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

10 de Decembro

Continuaremos as actividades o Martes día 10 de decembro ás 13:00 horas na Sala de Lectura da Biblioteca coa actividade de divulgación e difusión da ciencia en galego “CON CIENCIA DE MULLER” a cargo de EDUVÍA Xestión, Cultura e Lecer SL coa que se pretende que os escolares coñezan a algunhas das moitas mulleres científicas galegas que destacan ou destacaron polos logros acadados nos seus respectivos campos de investigación e cómo contribuíron con eles ao progreso da humanidade. Ángeles Alvariño, Ramona Vaamonde ou Begoña Vila Costa... son soamente algunhas delas.

"Dúas animadoras, caracterizadas como científicas, presentarán de forma lúdica a algunhas das científicas galegas máis destacadas, dando exemplos dos seus logros e amosándoas como referentes para as xeracións presentes e futuras promovendo así a igualdade de oportunidades entre mulleres e homes na área científica e tecnolóxica. As presentacións intercalaranse con algúns experimentos sorprendentes (e inofensivos), buscando fomentar o interese pola ciencia dos asistentes."

Participarán deste evento os alumnos de 3º e 4º de Primaria do CPI “Curros Enríquez” de Pazos.

Esta actividade forma parte do programa de divulgación científica en galego incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

18 de Decembro

Continuaremos o Mércores 18 de decembro ás 12:30 horas no Auditorio do Concello co o Acto de Entrega de Premios do II CERTAME DE RELATO CURTO DE PAZOS DE BORBÉN.

O prazo para a presentación dos relatos rematou o pasado 15 de novembro e, nesta ocasión, participaron 77 alumnos e alumnas de 1º a 6º de Primaria e de 1º a 4º de ESO do CPI “Curros Enríquez” de Pazos que presentaron un total de 77 relatos nas distintas categorías:

A - 1º e 2º de primaria     10 relatos.
B - 3º e 4º de primaria     17 relatos.
C - 5º e 6º de primaria     40 relatos.
D - 1º e 2º de ESO            5 relatos.
E - 3º e 4º de ESO            5 relatos.

Nesta edición presentáronse 13 traballos máis que na I edición do Certame realizada no ano 2018.

Mediante esta segunda edición preténdese seguir fomentando a creatividade entre o alumnado do municipio, potenciar a expresión e a comprensión escrita, estimular o uso da lingua galega, fomentar a escrita na nosa lingua entre os mais mozos -particularmente no ámbito da narrativa/relato breve- e facilitarlles unha motivación para facelo como é a de participar nun concurso ou certame.

Os membros do xurado reuniránse nos próximos días para valorar e decidir sobre os traballos presentados a esta 2ª edición e os galardonados daránse a coñecer no acto que se celebrará o próximo 18 de decembro.

Esta actividade forma parte do programa de obradoiros e concursos de creación literaria incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

19 de Decembro

E remataremos os eventos do ano 2019 cunha actividade para os concellos pertencentes á Rede de Dinamización Lingüística (RDL) que toma como base a toponimia de Galicia.

A toponimia é a disciplina que estuda os topónimos ou nomes propios de lugar: os das aldeas e parroquias, os dos ríos e leiras, os dos penedos e fontes; e constitúe un aspecto fundamental do noso patrimonio que liga a lingua propia coa xeografía, a historia ou a arqueoloxía de noso.

Para elo o Concello de Pazos de Borbén acollerá o próximo mes de decembro unha actividade de promoción e dinamización da lingua e cultura galegas denominada “Toponimízate. Falámosche dos nomes da túa terra” que se enmarca nos proxectos Toponimia de Galicia e GeoArpad, impulsados ambos os dous desde a Xunta de Galicia e coordinados desde a Real Academia Galega (RAG) en colaboración coa Secretaría Xeral de Política Lingüística.

A actividade consiste nunha conferencia que terá lugar o día 19 de decembro ás 12:30 horas no Auditorio do Concello e que será impartida polo filólogo Vicente Feijoo Ares, especialista en toponimia e membro do Seminario de Onomástica da Real Academia Galega.

Nela falarase de toponimia galega (os motivos da abundancia de nomes de lugar no país, a toponimia galega como patrimonio inmaterial...) e tamén da propia de cada concello (significado dos nomes das parroquias e aldeas; como consultar a toponimia xeorreferenciada de cada municipio no Buscador de topónimos; utilidades desta ferramenta...). Ademais, nos concellos que teñen sen recoller a súa micro toponimia –é dicir, os nomes de leiras, camiños, fontes, penedos...-; como é o caso do noso concello, mostrarase unha APP que lles permitirá aos veciños e veciñas colaborar para rexistrar e subir á rede tanto os microtopónimos como as lendas a eles asociadas, de xeito que todos poidan colaborar na salvagarda deste patrimonio inmaterial que é o noso orgullo.

A charla irá dirixida a membros da Corporación municipal e técnicos de administración local; Asociacións veciñais e culturais; Comunidades de montes; Escolares; e veciños e veciñas que lles interese; e xa está confirmada a asistencia a esta conferencia dos alumnos de Educación Secundaria Obrigatoria do CPI “Curros Enríquez” de Pazos.

Os obxectivos deste programa son múltiples e atinguen tanto á veciñanza coma aos técnicos municipais:

Achegar aos cidadáns do concello unha información moi valiosa sobre a historia do galego falado na súa contorna e sobre os modos de vida dos seus antepasados, os feitos históricos que foron relevantes para eles e as características da paisaxe no momento en que se bautizou cada anaco da súa terra ou cada braza do seu mar. Porque en Galicia todo está nomeado e cada nome ten unha historia que contar, un anaco de historia local que non figura nos libros e que os veciños e veciñas deben coñecer.

Fornecer aos técnicos municipais das ferramentas necesarias para que lles faciliten a tramitación de expedientes relacionados coa planificación e xestión do territorio do termo municipal, nos que deben empregar os topónimos normalizados, así como a posta en valor e promoción turística da paisaxe e dos elementos do patrimonio material e inmaterial que posúen.

Fomentar o uso da lingua galega entre a xente máis nova, pois promoverase que sexa esta a lingua que interactuen cos seus avós e veciños para preguntarlles polos nomes de lugares e as lendas a eles asociados. Tamén empregarán o galego coas novas tecnoloxías para subir toda esa información a internet. Os topónimos naceron en galego e así deben usarse, tal como se manifesta no artigo 10 da Lei 3/1983 de normalización lingüística.

Fomentar a presenza do galego nas tecnoloxías da información e da comunicación. A toponimia moderniza a nosa lingua, porque a imos traballar cunha APP que presentará as últimas novidades en sistemas de información xeográfica e porque abriremos unha ventá ao mundo a través de internet para dar a coñecer as singularidades de cada concello.

Xerar dinámicas de traballo que promovan as relacións entre a sociedade, entre as asociacións veciñais e culturais e as administracións. Trátase de buscar a participación de toda a comunidade nun proxecto cultural común, facendo un traballo cooperativo entre varias xeracións, poñendo en valor a sabedoría dos máis vellos, a intrahistoria de cada concello e a conservación do patrimonio inmaterial (tradicións, folclore, coplas, lendas... asociadas aos topónimos). Isto creará un sentimento de identidade colectiva compartida e de continuidade.

Por cuestións de aforo para asistir a este evento é necesaria a inscrición previa chamando ao teléfono da biblioteca nº 986 497 273.

Como sempre a ENTRADA É DE BALDE EN TODAS AS ACTIVIDADES, se ben NALGUNHAS DELAS, tal e como está indicado nos carteis publicitarios, é OBRIGATORIA A INSCRICIÓN PREVIA CHAMANDO AO TELÉFONO da biblioteca nº 986 497 273.

ANIMÁMOSVOS A ACUDIR ÁS ACTIVIDADES ORGANIZADAS POR BIBLIOPAZOS!!!

ESPERÁMOSVOS!!!

ENCONTRO CON AUTORES - ANTONIO GARCÍA TEIJEIRO

Esta próxima actividade consiste nunha nova sesión do programa de “Encontros con autores” que terá lugar o Mércores 27 de Novembro, na Sala de Lectura á partir das 13:00 horas, e no que contaremos coa presenza do escritor e poeta ANTONIO GARCÍA TEIJEIRO.

Antonio García Teijeiro naceu en Vigo no ano 1952. Exerceu como mestre de Ensino Primario e Primeiro Ciclo da ESO nun Colexio desta cidade e a día de hoxe xa está xubilado. Colaborou nas páxinas literarias e pedagóxicas dos xornais e revistas máis prestixiosos de Galicia así como en diversos proxectos literarios con carácter reivindicativo.

Crítico e especialista en literatura infantil e xuvenil, imparte cursos de animación á lectura, creación literaria, obradoiros de poesía, másters e conferencias, e ten participado en xornadas didácticas e literarias promovidas por distintas institucións. Durante oito anos dirixiu unha prestixiosa colección literaria para a mocidade, é autor de libros de texto e foi membro do xurado en importantes Premios literarios para rapaces/as. Varios dos seus libros foron incluídos nas Listas de Honra da CCEI e da revista CLIJ.

Gañou o Premio Merlín en 1996 con Na fogueira dos versos, libro co que entrou na Lista de Honra do IBBY (1998) e foi finalista do premio Nacional (1997). En 1998, un xurado internacional concedeulle o Premio Europeo Pier Paolo Vergerio, promovido pola Universidade de Padua, considerado un dos máis prestixiosos galardóns literarios de Europa.

No ano 2017 obtivo o PREMIO NACIONAL DE LITERATURA INFANTIL E XUVENIL do Ministerio de Cultura polo poemario escrito en galego, POEMAR O MAR, publicado por Edicións Xerais e ilustrado por Xan López Domínguez.

Precisamente Antonio García Teijeiro ven a Pazos de Borbén para compartir as súas experiencias literarias cos alumnos de 5º de primaria e o encontro versará sobre a súa obra “POEMAR O MAR” pola que recibiu o Premio Nacional de Literatura Infantil e Xuvenil do Ministerio de Cultura do ano 2017.

"POEMAR O MAR" é un libro de poemas que forma parte da triloxía que se completa con "En la cuna del mar" e "Palabras do mar". Nestas tres obras o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra. Mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.

Esta actividade enmárcase no programa de encontros con autores incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

Nesta actividade é OBRIGATORIA A INSCRICIÓN PREVIA CHAMANDO AO TELÉFONO da biblioteca nº 986 497 273.

ANIMÁMOSVOS A ACUDIR ÁS ACTIVIDADES ORGANIZADAS POR BIBLIOPAZOS!!!

ESPERÁMOSVOS!!!

PROGRAMACIÓN ACTIVIDADES DE ANIMACIÓN Á LECTURA DO MES DE NOVEMBRO 2019

Finalizamos as actividades de animación á lectura do mes de OUTUBRO coa actuación o martes día 29 na Sala de Lectura de O Mago Paco de A Illa dos Nenos co seu espectáculo de divulgación científica "MATEMAXIA” no que participarán os alumnos de 5º e 6º de Primaria e os de 1º e 2º de ESO do CPI “Curros Enríquez” de Pazos, ademáis de varios usuarios da Asociación ASPAVI.

Esta actividade mestura dúas disciplinas, as matemáticas e a maxia. A través delas O Mago Paco demostrará o moito que teñen en común e o que comparten unha vez que nos achegamos a elas dunha maneira diferente e moi divertida. Será un espectáculo moi dinámico e moi entretido que interactuará constantemente cos rapaces e rapazas facéndoos partícipes, cómplices e protagonistas de cada experiencia.

Esta actividade forma parte do programa de divulgación científica en galego incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

Para o vindeiro mes de NOVEMBRO traemos 9 novas actividades cun total de 16 sesións consistentes en Obradoiros de Ciencia; Obradoiros de Contacontos; o 4º Ciclo de Tradición Oral coa actuación de 4 mulleres contacontos do mellorciño do panorama galego; Maxia; e un encontro con autores.

Comenzamos a programación o día 4 de novembro ás 13:00 horas có Obradoiro de Experimentación Creativa con Música Electrónica "CIENCIA MUSICAL" a cargo do enxeñeiro electrónico e compositor MATEO MENA CALAVIA. 

O obradoiro é un proxecto educativo plenamente práctico, orientado a público xuvenil, que combina conceptos científicos e sonoros nun ambiente de traballo baseado na experimentación. A través da construción de diversos dispositivos musicais electrónicos, os asistentes irán adquirindo coñecementos prácticos sobre varios principios científicos (electromagnetismo, resistividade, frecuencia, vibración...) e a súa aplicación musical, enfocándose en áreas específicas como a creatividade, a educación ambiental, o método científico ou a aprendizaxe colaborativa. 

Participarán desta experiencia os alumnos de 6º de Primaria do CPI "Curros Enríquez" de Pazos. 

Esta actividade forma parte do programa de divulgación científica en galego incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

Continuamos as actividades o día 7 de Novembro có Obradoiro de Iniciación na Arte de Contar Contos "BRINCAR COAS LENDAS" que impartirá a actriz e contacontos RAQUEL QUEIZÁS. 

Para contar un conto hai que ter moitas ganas de contalo. A narradora ou narrador ten que sentir a necesidade de comunicalo e crear un mundo de imaxes nas que mergullarse, só deste xeito o auditorio o poderá ver.

Neste obradoiro achegarémos ao alumnado o amor pola nosa lingua a través dos contos e das nosas lendas para descubrirlles os nosos seres míticos, que en ocasións gardan moitas similitudes cos seres míticos doutras culturas. Adaptaremos historias facendo que prime a acción, contando os acontecementos secuencialmente para crear interese, introduciremos repeticións, mesturaremos elementos da vida cotiá con elementos marabillosos. Meterémonos na pen dos personaxes, espontáneamente, sen forzarse, a través de diferentes técnicas e recursos.

Participarán deste obradoiro os alumnos de 5º e 6º de Primaria do CPI "Curros Enríquez" de Pazos en dúas sesións ás 11:00 e 13:00 horas.

Esta actividade forma parte do programa de obradoiros e concursos de creación literaria incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

Para continuar homenaxeando ás nosas tradicións a través de historias contadas oralmente que farán que a imaxinación de mozos e adultos viaxe a través dos contos de sempre mesturados tamén con historias mais actuais celebramos este ano o 4º CICLO DE TRADICIÓN ORAL "FALAR POR FALAR" DE PAZOS DE BORBÉN.

Todas as actividades deste 4º CICLO DE TRADICIÓN ORAL se celebrarán no Auditorio do Concello os VENRES do mes de novembro. 

Estas actividades forman parte do programa 4º Ciclo de Tradición Oral incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

O ciclo comenza o día 8 de novembro con duas actuacións de RAQUEL QUEIZÁS.

Ás 13:00 horas estará cos rapaces de 3º e 4º da ESO e con varios usuarios da Asociación ASPAVI co seu espectáculo "CASO PECHADO", dirixido especialmente a un público adolescente que recolle lendas urbanas, relatos de misterio e historias de terror. Nel unha detective fala dos casos máis curiosos que tivo que investigar, case todos foron resoltos, son casos pechados, agás un.

Con CASO PECHADO a narradora quere partillar cos adolescentes a súa fascinación polas historias de terror, misterio e o cine negro. As mozas e mozos son os protagonistas, tanto axudando a resolver casos como a recrear as situacións nas que tiveron lugar os sucesos.

Ás 20:00 horas volverá a actuar Raquel Queizás, desta vez co público xuvenil e adulto que o desexe para ofrecer o seu show "PALABRAS NA BOCA", un espectáculo baseado nas lendas que pasou escoitando na súa nenez que contan as pedras de tempos máxicos e remotos. Palabras na boca da súa nai, palabras na boca da súa avoa, palabras que a alimentaron e a fixeron crecer. Deambulando entre historias vividas e lidas, namorouse. Palabras na boca trae para compartir e urdir relatos coa súa voz... e coas súas mans.

Continuará o 4º CICLO DE TRADICIÓN ORAL "FALAR POR FALAR" o venres 15 de novembro coa presenza de CRIS DE CALDAS que nos ofrecerá os seguintes espectáculos:

Ás 13:00 horas ofrecerános o espectáculo "OS CONTOS DO MEU BAÚL" no que Cris de Caldas trae un baúl cheo de contos e poemas no que leva contos escoitados aos maiores, e contos lidos. Contos para aprender e contos de humor. Moito conto hai no seu baúl!. E tamén saen del versos dos que che deixan o ritmo pegado ao corpo. Nese baúl cabe todo tipo de sorpresas. Abrímolo?!.

A esta primeira sesión asistirán os rapaces de 1º e 2º de ESO do CPI "Curros Enríquez" de Pazos, ademais de varios usuarios da Asociación ASPAVI.

Ás 20:00 horas presentará para o público adulto "TECENDO CONTOS", contos tecidos na memoria dos tempos e transmitidos oralmente xunto a outros contos tecidos na escrita. Versións non coñecidas de contos clásicos que se unen a interpretacións libres de relatos literarios. Oralidade e literatura danse a man para xuntar contos para non esquecer, dos escoitados ao redor do lume, de denuncias, pantasmas e algunha risa tamén se tecerá...

A seguinte actividade deste mes de novembro son os Obradoiros científicos "KIDS" e "WATER" que terán lugar o Luns 18 de Novembro ás 11:00 e 13:00 horas na Sala de Lectura da biblioteca e que serán levados a cabo polo equipo de CIENCIA EN MOVEMENTO, unha iniciativa dun grupo de científicos interesados en promover a cultura científica e achegar a ciencia aos estudantes de forma atractiva, interactiva e práctica.

Nesta actividade participarán os alumnos de 2º e 3º de Primaria do CPI "Curros Enríquez" de Pazos.

No obradoiro "KIDS" haberá multitude de experimentos no que os participantes xogarán con globos, confetti, carreiras de latas, cun fluído moi estraño que levarán de recordo. A materia é impresionante!

Pola súa parte o obradoiro "WATER" terá como fío condutor o auga, e nel os participantes aprenderán as súas peculiaridades propiedades e distintas posibilidades. Ademáis, todos os participantes levarán para a súa casa o seu propio submarino construído durante o obradoiro, ao máis puro estilo Xulio Vernil.

Esta actividade forma parte do programa de divulgación científica en galego incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

O mércores día 20 de Novembro teremos na Sala de Lectura un novo espectáculo de O MAGO PACO de A Illa dos Nenos co nome de "MAXIA VS. CIENCIA" que mestura dúas disciplinas, a Ciencia e a Maxia, que a priori non teñen nada en pero acabará demostrando o moito que se parecen e todo o que comparten unha vez que nos achegamos a elas dunha maneira diferente e moi divertida.

Coa axuda deste mago un tanto tolo e fascinado polo mundo dos experimentos e da maxia a partes iguais, descubriremos algúns dos porqués dalgunhas das diferentes partes da ciencia como: As cores, as matemáticas, o son, a astronomía ou os efectos ópticos e de 3D. As veces sen poder case distinguir se verdadeiramente é cousa de maxia ou polo contrario, o que vemos, tocamos ou facemos ten unha explicación científica.

Un espectáculo dinámico e moi entretido que interactúa constantemente cos participantes facéndoos cómplices e protagonistas de cada experiencia.

Terá lugar en dúas sesións ás 11:00 e ás 13:00 horas nas que participarán os alumnos de 3º, 4º, 5º e 6º de primaria do CPI “Curros Enríquez” de Pazos, e alguns usuarios da Asociación ASPAVI.

Estas actividade enmárcase no programa de divulgación científica en galego incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra. 

O venres 22 de novembro seguiremos có 4º CICLO DE TRADICIÓN ORAL "FALAR POR FALAR" no que estará con nós a veciña do Condado LORENA PINHEIRO co seu espectáculo "SEICA" cheo de emoción, diversión e reflexión empregando como ferramenta un dos apeiros máis antigos da humanidade: as historias contadas.

Historias, contos e faladurías recollidas na parroquia da narradora e no seo da súa familia, acompañando o espectáculo de pequenas intervencións musicais ao estilo Saladina, a súa avoa e unha das protagonistas das historias que sucederon en Meder, alá polos anos 40.

Iniciará as súas actuacións ás 13:00 horas cunha versión para adolescentes á que asistirán os rapaces de 3º e 4º de ESO e varios usuarios da Asociación ASPAVI. Pola tarde/noite ás 20:00 horas continuará cunha sesión especial para público adulto.

A seguinte actividade consiste nunha nova sesión do programa de “Encontros con autores” que terá lugar o Mércores 27 de Novembro, na Sala de Lectura á partir das 13:00 horas, e no que contaremos coa presenza do escritor e poeta ANTONIO GARCÍA TEIJEIRO.

Antonio García Teijeiro naceu en Vigo no ano 1952. Exerceu como mestre de Ensino Primario e Primeiro Ciclo da ESO nun Colexio desta cidade e a día de hoxe xa está xubilado. Colaborou nas páxinas literarias e pedagóxicas dos xornais e revistas máis prestixiosos de Galicia así como en diversos proxectos literarios con carácter reivindicativo.

Crítico e especialista en literatura infantil e xuvenil, imparte cursos de animación á lectura, creación literaria, obradoiros de poesía, másters e conferencias, e ten participado en xornadas didácticas e literarias promovidas por distintas institucións. Durante oito anos dirixiu unha prestixiosa colección literaria para a mocidade, é autor de libros de texto e foi membro do xurado en importantes Premios literarios para rapaces/as. Varios dos seus libros foron incluídos nas Listas de Honra da CCEI e da revista CLIJ.

Gañou o Premio Merlín en 1996 con Na fogueira dos versos, libro co que entrou na Lista de Honra do IBBY (1998) e foi finalista do premio Nacional (1997). En 1998, un xurado internacional concedeulle o Premio Europeo Pier Paolo Vergerio, promovido pola Universidade de Padua, considerado un dos máis prestixiosos galardóns literarios de Europa...

No ano 2017 obtivo o PREMIO NACIONAL DE LITERATURA INFANTIL E XUVENIL do Ministerio de Cultura polo poemario escrito en galego, POEMAR O MAR, publicado por Edicións Xerais e ilustrado por Xan López Domínguez.

Precisamente Antonio García Teijeiro ven a Pazos de Borbén para compartir as súas experiencias literarias cos alumnos de 5º de primaria e o encontro versará sobre a súa obra “POEMAR O MAR” pola que recibiu o Premio Nacional de Literatura Infantil e Xuvenil do Ministerio de Cultura do ano 2017.

"POEMAR O MAR" é un libro de poemas que forma parte da triloxía que se completa con "En la cuna del mar" e "Palabras do mar". Nestas tres obras o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra. Mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.

Esta actividade enmárcase no programa de encontros con autores incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra.

E finalizaremos as actividades deste mes pechando o 4º CICLO DE TRADICIÓN ORAL "FALAR POR FALAR" o venres 29 de novembro con dúas actuacións a cargo da mestra e narradora ANGELES GOÁS.

Ás 13:00 horas os alumnos de 1º e 2º de ESO e de 5º e 6º de Primaria do CPI "Curros Enríquez" de Pazos, ademais de varios usuarios da Asociación ASPAVI deleitaranse coas historias do seu espectáculo "O MEDO É LIBRE", composto dunha selección variada de contos propios e de tradición oral que trata da temática do medo, unha emoción coñecida por todos por ternos atopado con el nalgún momento da nosa vida. Contos que son historias de vida que nos falan dos medos que conviven con nós no día a día, que nos moven ou nos paralizan. Aínda así eles non teñen a última palabra, porque o medo é libre, si..., pero nós podemos decidir que grao de liberdade queremos darlle. 

Ás 20:00 horas veremos novamente a ANGELES GOÁS co espectáculo "AS FAMES CONTADAS" dirixido especialmente a público adulto cunha sesión de historias e contos que tratan a temática da fame, incluíndo non só a fame de comer senón outro tipo de fames que tamén temos os seres humanos. Comeza en torno á comida que se fai nunha casa para celebrar a festa. O feito de xuntarse é mesa provoca que se conten historias e sempre unhas van levando a outras. Así van saíndo as fames: de comer, de cariño, de aprender, de cartos... fames que dunha maneira ou outra temos que saciar. 

Esta última actividade forma parte do programa do 4º Ciclo de Tradición Oral incluído no proxecto de promoción e dinamización da lingua galega do Concello de Pazos de Borbén patrocinado pola Deputación Provincial de Pontevedra. 

A ENTRADA É DE BALDE EN TODAS AS ACTIVIDADES, se ben NALGUNHAS DELAS, tal e como está indicado nos carteis publicitarios, é OBRIGATORIA A INSCRICIÓN PREVIA CHAMANDO AO TELÉFONO da biblioteca nº 986 497 273.

ANIMÁMOSVOS A ACUDIR ÁS ACTIVIDADES ORGANIZADAS POR BIBLIOPAZOS!!!

ESPERÁMOSVOS!!!