A SOMBRA SOBRE O BANCO DE PEDRA

A SOMBRA SOBRE O BANCO DE PEDRA
Autor: María Gripe

Tradución: Ana Belén Costas Vila

Ediciones S.M.
Colección Gran Angular

Xénero: Literatura Xuvenil en Galego - Narrativa 

¿Quen é Carolin?, pregúntase Roland e Berta. Irrompeu na súa casa e nas súas vidas como un vendaval. Pero saben moi pouco dela. Ten unha personalidade maravillosa, con tódolos compoñentes para facela avasaladora. Ninguén na familia quedará indiferente á influencia de Carolin. Especialmente Roland e Berta sentirán esa influencia, ás veces, como algo insoportable. 

O misterio vaise desveando lentamente. Vánsenos dando pistas que nos acercan progresivamente á nosa meta. Pero a tensión mantense ata o final. Porque só no remate coñecémo-los detalles máis reveladores sobre Carolin, esa rapaza de servicio tan fortemente vinculada á familia. 

ISBN: 84-348-3442-1

Nº de páxinas: 206
Encadernación: Tapa branda
Formato: 13,5 x 21 cm

CRUZADA EN VAQUEIROS

CRUZADA EN VAQUEIROS
Autora: Thea Beckman

Tradución: Alfonso Vázquez-Monxardín

Ediciones S.M.
Colección Gran Angular

Xénero: Literatura Xuvenil en Galego - Narrativa

Conta a historia que, no ano 1212, militares de nenos cristiáns, seguindo o chamamento dun rapaz, organizaron unha Cruzada e marcharon cara a Terra Santa para liberaren Xerusalén do poder dos sarracenos. Por azar, Rudolf Hefting, un rapaz do século XX,  atravesa o túnel do tempo e vese forzado a unirse á Cruzada dos Nenos.

Rudolf contempla atónito o mundo mediaval e observa abraiado as virtudes e defectos do espírito cabaleiresco. Comparte as aventuras e os traballos dos xoves cruzados e, cos seus coñecementos do século XX, axúdalles a superar mil perigos, a resolver difíciles problemas e a non caer nas trapelas dos que queren abusar da súa boa fe.

ISBN: 84-7507-308-5

Nº de páxinas: 230
Encadernación: Tapa branda
Formato: 13 x 19 cm

A HISTORIA INTERMINABLE

A HISTORIA INTERMINABLE

Autor: Michael Ende
Tradución: Anton Palacio

Santillana Infantil y Juvenil S.L e Edicións Obradoiro S.L
Colección Oqueleo Narrativa Xuvenil 

Xénero: Literatura Xuvenil en Galego - Narrativa

A Emperatriz Infantil está mortalmente enferma e o seu reino corre un grave perigo. A salvación depende de Atreiu, un valente guerreiro da tribo dos peles verdes, e de Bastián, un neno tímido que le con paixón un libro máxico.

Mil aventuras levaranos a reunirse e a coñecer unha fabulosa galería de personaxes, e xuntos dar forma a unhas das grandes creacións da literatura de todos os tempos.

ISBN: 978-84-16834-10-5

Nº de páxinas: 534

Encadernación: Tapa branda

Formato: 14 x 21 cm

                            

DÚAS LETTERS

DÚAS LETTERS
Autor: Bernardo Atxaga
Tradución : Leandro García Bugarín
Ilustración: Ángeles Maldonado
Editorial Galaxia S.A.
Colección Árbore

Xénero: Literatura Xuvenil en Galego - Narrativa

Dúas letters cóntanos a historia de Old Martin, un vello vasco, antigo talador de bosques na súa terra que un día, cando aínda era novo, emigrou ós Estados Unidos para traballar alí de pastor. 

Desde entón non volveu nunca máis ó seu país, pero vaise enterando dalgunhas cousas que nel suceden a través das cartas que recibe. 

En pouco tempo chéganlle dúas (dúas letters) que lle comunican a morte de dous dos seus mellores amigos. 

De súpeto, a súa mente cansa empeza a recordar e véñenlle á memoria as lembranzas dun episodio crucial na súa vida e na os amigos agora finados.

ISBN:84-7507-308-5
Nº de páxinas: 230
Encadernación: Tapa branda
Formato: 13 x 19 cm

MARÍA VICTORIA MORENO. SEMENTADORA DE FUTURO

MARÍA VICTORIA MORENO. SEMENTADORA DE FUTURO

Autores: Isabel Soto e Xavier Senín Fernández

Edicións Xerais de Galicia S.A.

Colección: Literaria>Crónica>Biografía

Xénero: Literatura Infantil e Xuvenil Galega - Biografías

Idade recomendada: + 12 anos

O presente volume relata a traxectoria biográfica de María Victoria Moreno, a autora homenaxeada co Día das Letras Galegas 2018, e percorre o seu labor pioneiro no arrinque e asentamento da literatura infantil e xuvenil.

Nas súas obras introduciu valores universais e intemporais, ademais de amosar o seu talento para a creación de historias e personaxes aos que retrata poñéndose na súa pel, esculcando no seu interior e plasmando as súas inquedanzas ao se ter que enfrontar á madureza.

Galega de feito e de corazón, falante comprometida dunha lingua aldraxada, escritora que elixiu orientar a súa carreira a se comunicar cos máis novos a través da docencia e a literatura, profesora feliz de selo, mestra de mestres, tradutora, libreira, ensaísta e conferenciante, sementadora de futuro que soñou un mundo mellor para os que veñen detrás...

"María Victoria Moreno. Sementadora de futuro", de Isabel Soto e Xavier Senín, é o volume de referencia sobre a protagonista desta biografía, cuxo nome, obra e activismo merecen ser divulgados e recoñecidos.

ISBN: 978-84-9121-335-2

Formato: 14,50 x 22,00 cm

Encadernación: Rústica cosido a fío

Nº de páxinas: 160

DIA DAS LETRAS GALEGAS 2018: MARÍA VICTORIA MORENO

Este ano o DÍA DAS LETRAS GALEGAS adícase a MARÍA VICTORIA MORENO MÁRQUEZ (Valencia de Alcántara-Cáceres, 1939 - Pontevedra 2005), unha gran escritora e profesora.

A decisión adoptouse no Pleno ordinario da Real Academia Galega celebrado o día 17 de Xuño de 2017  na Coruña onde tamén se nomeou  académica de honra a Marina Mayoral e académicos e académicas correspondentes a Takekazu Asaka, Marcos Bagno, Olga Castro, Helena González, Kirsty Hooper, Helena Villar Janeiro e Helena Zernova.

Este ano será a figura protagonista do Día das Letras Galegas, a devandita autora, sendo a cuarta muller tras Rosalía de Castro, Francisca Herrera Garrido e María Mariño, que leva este recoñecemento na historia desta celebración.

Para saber máis sobre o DÍA DAS LETRAS GALEGAS preme AQUI.

Nacida nun concello limítrofe con Portugal, filla dun militar e dunha mestra, fixo o bacharelato en Barcelona e licenciouse en Filoloxía Románica na Universidade de Madrid, onde tivo dous profesores a Rafael Lapesa e Dámaso Alonso.

Tras dous anos en Lugo, onde tivo por alumno a Xesús Rábade Paredes, e unha tempada en Vilalonga (Sanxenxo), onde comezou a escribir "Anagnórise", chegou a Pontevedra en 1963 con praza de mestra, e deu clase no IES Valle-Inclán e tamén no IES Gonzalo Torrente Ballester.

Participou activamente na vida cultural e política de Pontevedra e do país. A súa fascinación dende cativa por Galicia e pola súa lingua provocaron nela unha entrega absoluta pola defensa e promoción da nosa lingua.

"Eu non son alófona porque o que practico, se é que escribo, podería definirse coma unha amorosa autofonía (...). A miña relación con Galicia e a miña opción pola súa lingua é simplemente unha historia de amor" (María Victoria Moreno en 1993).

Ademáis de novelas e contos, escribiu obras de ensaio, colaborou en libros de texto e dirixiu a colección Árbore de Galaxia. Como lectora no ámbito das letras en galego nunca agochou seu gusto pola narrativa de Otero Pedraio e Carlos Casares.

"Para leer unha boa lectura, lía a Miguel de Cervantes, evidentemente. E tamén a Antoine de Saint-Exupéry (...) E gústame a prosa dos hispanoamericanos inmediatamente anteriores ao boom. Miguel Ángel Asturias, por exemplo (...) Gústanme os escritores éticos e con compromiso, cunha prosa exuberante. E de Galicia gústanme os mellores que hai. Valoro moito a lírica mediaval, a prosa de Otero Pedraio e de Carlos Casares, a poesía de Fernán Vello".

Morreu ós 64 anos de idade, víctima dun cancro de mama.

A súa biblioteca personal, de  máis de 4500 volumes, incluidas varias edicións e 150 estudios de "Don Quijote de la Mancha", foi doada ao instituto IES Gonzalo Torrente Ballester. 

Para saber máis sobre Mª VICTORIA MORENO preme AQUÍ.

Para coñecer as obras da autora das que dispoñemos en BIBLIOPAZOS preme na seguinte imaxe:

ACTIVIDADES DO DÍA DAS LETRAS GALEGAS EN BIBLIOPAZOS

A Biblioteca Pública Municipal do Concello de Pazos de Borbén (BiblioPazos) ten preparadas varias actividades para conmemorar o DÍA DAS LETRAS GALEGAS que este ano está adicado á autora Mª Victoria Moreno Márquez.

As actividades que se levarán a cabo son as seguintes:

Durante os meses de maio e xuño:

-Obradoiro literario e de busca en internet que se desenrolará na Aula de Informática cos usuarios da Asociación ASPAVI para dar a coñecer a vida e obra da autora homenaxeada baseado no libro "Unha historia de amor. Pequena biografía de Mª Victoria Moreno" de Joanna Lorenzo e Tania Solla, editado por Lela Edicións.

Do 16 de maio ata finais de ano:

-Exposición cartelería Día das Letras Galegas 2018, da proposta "SOMBRA E LUZ" realizada polo IES Gonzalo Torrente Ballester de Pontevedra que resultou gañadora do Concurso-Exposición das Letras Galegas 2018 na categoría de secundaria, bacharelato e outras ensinanzas convocado pola Secretaría Xeral de Política Lingüística da Xunta de Galicia.

-Mostra bibliográfica cos libros dispoñibles en BiblioPazos da autora Mª Victoria Moreno.

Día 21 de Maio ás 11:00 horas:

-Contacontos ilustrado e obradoiro de debuxo baseado no libro de Joanna Lorenzo e Tania Solla, editado por Lela Edicións, “Unha historia de amor. Pequena biografía de Mª Victoria Moreno”. Actividade patrocinada pola Deputación Provincial de Pontevedra dentro do programa ANO DA LINGUA que será realizada polo colectivo Polo Correo do Vento  e dirixida ao alumnado de 1º e 2º curso de primaria do Colexio Público Integrado “Curros Enríquez” de Pazos e aos usuarios da Asociación ASPAVI.

Día 21 de Maio ás 13:00 horas:

-Contacontos ilustrado e obradoiro de debuxo baseado no libro de Joanna Lorenzo e Tania Solla, editado por Lela Edicións, “Unha historia de amor. Pequena biografía de Mª Victoria Moreno” nesta ocasión patrocinada pola Deputación Provincnial de Pontevedra a través do programa PONTEGAL e pola editorial Lela Edicións. Será realizada polo colectivo Polo Correo do Vento dirixido ao alumnado de 3º e 4º de Primaria do Colexio Público Integrado “Curros Enríquez” de Pazos.

-Todos os asistentes a estas dúas actuvidades serán agasallados cun exemplar do libro “Unha historia de amor. Pequena biografía de Mª Victoria Moreno”.

Participa nas actividades de BiblioPazos.

OS TRES MOSQUETEIROS

OS TRES MOSQUETEIROS

Autor: Alexandre Dumas

Tradución: Darío Xohán Cabana

Edicións Xerais de Galicia S.A.

Colección Xabarín 

Xénero: Literatura Xuvenil en Galego - Narrativa 

Os tres mosqueteiros é, sobre todo, unha novela de acción e aventuras protagonizadas polos sonados Athos, Porthos, Aramis e D´Artagnan, unha novela de gran popularidade, levada ó cine en diversas ocasións. 

En Os tres Mosqueteiros, o entusiasmo e a enerxía dos personaxes crean unha obra que non lle concede tregua ó lector.

O seu autor Alexandre Dumas, de prodixiosa intelixencia e capacidade creativa, posuía unha asombrosa capacidade de creación de personaxes.

ISBN Tomo I: 84-8302-478-0

ISBN Tomo II: 84-8302-479-9

Nº de páxinas Tomo I: 348

Nº de páxinas Tomo II: 354

Encadernación: Tapa branda

Formato: 13,5 x 19 cm

OS RECREOS DO NICOLASIÑO

OS RECREOS DO NICOLASIÑO

Autores: Goscinny e Sempé
Ilustración: Sempé
Tradución: Antón Palacio

Santillana Infantil y Juvenil S.L. e Edicións Obradoiro, S.L.
Colección Oqueleo Narrativa Serie Laranxa 

Xénero: Literatura Infantil en Galego - Narrativa

Idade Recomendada: A partir de 10 anos.

A Nicolás e aos seus amigos o son da campá cando chega a hora do recreo sóalles a música celestial. E é que por fin poden poñer en práctica todo o que lles pasou pola cabeza durante a clase. No patio do colexio pelexan, comen bolos, xogan ao fútbol... Todo sería perfecto se non fose polo seu vixilante "o Caldolimpo"!

Sae ao recreo e prepárate para vivir toda clase de aventuras.

ISBN: 978-84-16834-22-8

Nº de páxinas:180

Encadernación: Tapa branda

Formato: 13,5 x 20 cm

                            

LOS PAÍSES DEL EXTREMO ORIENTE

LOS PAÍSES DEL EXTREMO ORIENTE 
Autor: Juan Manuel Pereira

Prólogo: Xosé Ramón Barreiro

Ediciones del Viento S.L.

Colección: Viento simun

Género: Literatura en castellano - Literatura de viaxes - Xeografía

Publicado por primera vez por Gaspar Editores, Madrid, 1883, con ilustraciones de Enrique Alba.

El viaje de un diputado gallego a Siam y China en la España de 1871. Un libro de viajes lleno de gracia y de interés. 

A finales de agosto de 1871 el gallego Juan Manuel Pereira, progresista y republicano, afín al general Prim, que había sido asesinado un año antes, parte para el lejano Oriente como Enviado Extraordinario y Ministro Plenipotenciario en el Imperio de la China y en los Reinos de Siam y Annam de la corona de España, que se posa desde hace sólo unos meses en la testa de Amadeo de Saboya.

Llega por tierra a Marsella, donde se embarca en la fragata Provenza, un vapor de las Mensajerías Francesas, que se dirige al continente asiático atravesando el canal de Suez, finalizado apenas un año antes. Ceilán, China, Filipinas, el reino de Siam y de nuevo China, regresando a Madrid el 16 de enero de 1873, no sin antes visitar en Egipto las pirámides.

El resultado de aquel viaje es este libro en que, con un estilo divertido y fresco, va describiendo los lugares que visita (Hong Kong, Macao, Cantón, Bangkok, Singapur, Pekin, El Cairo, Alejandría...) y las gentes que se va encontrando. Asiste a todo tipo de ceremonias; recepciones, banquetes, bodas reales, cremaciones, pero también explora un volcán, monta en elefante, compra un joven orangután –con el que confirma las teorías de Darwin- y en fin, se mezcla con el pueblo. 

Una interesante y deliciosa narración, que nunca desde 1883 había sido reeditada.

ISBN: 978-84-947880-9-3

Número de páginas: 336

Formato: 16 x 24 cm

Encuadernación: Rústica

A VOLTA AO MUNDO EN 80 DÍAS

A VOLTA AO MUNDO EN 80 DÍAS

Autor: Jules Verne
Tradución: Valentín Arias

Edicións Xerais de Galicia S.A 

Xénero: Literatura Xuvenil en Galego - Narrativa

Phileas Fogg, un frío gentleman inglés, acompañado de Passepartout, enfróntase coa aposta de que será capaz de dar a volta ao mundo en 80 días. Para demostrarlo, Fogg xoga 20.000 libras (a metade da fortuna que posúe). Uns días antes da súa partida, en Londres ocorre un roubo nun banco e o detective Fix sospeita de Fogg pola cantidade de diñeiro que leva enriba e pola repentina saída de Inglaterra.

Esta viaxe realízase engaiolando o lector co engado de lle procurar resposta a unha pregunta dobre:

¿Estarán de volta dentro do tempo establecido?
¿ Será Mr. Fogg o ladrón, tal e como pensa Fix?

ISBN: 978-84-9782-775-1

Nº de páxinas:367

Encadernación: Tapa branda

Formato: 20x 23 cm

                            

ARKADYA

ARKADYA

Autor: Jordi Sierra i Fabra

Santillana Infantil y Juvenil, S.L
Colección Loqueleo Narrativa Juvenil 

Género: Literatura Juvenil en Castellano -Narrativa

Jay está a punto de cumplir 222 meses y, por lo tanto, de alcanzar la mayoría de edad. Cuando llegue ese momento, tras superar un examen, dejará de estudiar en la Escuela de Recursos y será enviado a un Centro de Producción Tecnológico para trabajar, encontrar una esposa y reproducirse.

La vida está perfectamente organizada y dirigida para los habitantes de Arkadya. Fuera de este privilegiado enclave se extiende la zona de exclusión, un lugar asfixiante, inhóspito, donde soplan aires de revolución. 

Pero Jay tiene otras preocupaciones. Está enamorado de Zenda y tendrá que elegir entre el amor o convertirse en un héroe.

ISBN: 978-84-9122-163-0

Nº de páginas: 555

Encuadernación: Tapa blanda

Formato: 14x 21,5 cm

                            

KIBUKO

KIBUKO

Autor: Xavier Estévez
Ilustración: Elena Hormiga

Santillana Infantil y Juvenil S.L. e Edicións Obradoiro, S.L.
Colección Oqueleo Narrativa Serie Laranxa 

Xénero: Literatura Infantil en Galego - Narrativa

Idade Recomendada: A partir de 10 anos.

Sara ten unha fonda tristura acubillada no seu corazón. Un día atopa na praia unha caixa cunha vella máquina de fotos e unha nota para ela, unha invitación para un misterioso xogo.

Por outro lado, Kibuko é un monstro que tenta salvar o seu mundo máxico. E ten un plan...

Unha historia de misterio e de amizade que transporta o lector a un mundo de fantasía.

ISBN: 978-84-16834-38-9

Nº de páxinas:126

Encadernación: Tapa branda

Formato: 13,5 x 20 cm