A AVOA ADORMECIDA

A AVOA ADORMECIDA

Autor: Roberto Parmeggiani

Ilustracións: João Vaz de Carvalho    

Kalandraka Editora, 2015

Colección: MareMar

 

 Xénero: Literatura Infantil en Galego - Contos

 Idade recomendada: +4 anos

"A AVOA ADORMECIDA" presenta con sensibilidade, tenrura e cercanía, a estreita relación entre un neno e a súa avoa, que cae enferma. O ton poético do texto complétase cunhas sinxelas ilustracións de cores suaves feitas con lapis, acuarela e pastel. 

Destaca a sutileza coa que Roberto Parmeggiani -evocando a súa propia memoria sentimental- narra o proceso de doenza: dende que os protagonistas compartían tempo, lecturas e agarimo cando a afección aínda non se manifestara, pasando polos primeiros síntomas e o letargo de sono irreversible que o neto compensa a base de compañía; ata un desenlace con forma de conto.

João Vaz de Carvalho recorre as fermosas metáforas visuais para representar o tránsito do tempo, a perda, a ausencia e o recordo.

Este relato atemporal transcorre nun espazo familiar, lonxe do ambiente frío e impersoal de hospitais e residencias. Transmite emoción, serenidade e amor. É unha sincera homenaxe a unha figura fundamental na infancia de todo ser humano: AS AVOAS E OS AVÓS.

ISBN: 978-84-8464-914-4
Nº de páxinas: 34
Encuadernación: Tapa dura           

VOANDO SÓ

VOANDO SÓ

Autor: Roald Dahl
Ilustracións: Quentin Blake
Traducción: Xosé A. Palacio

Sushi Books, 2015        

Xénero: Literatura Xuvenil - Narrativa

Voando só é un relato fascinante que retoma a autobiografía de Roald Dahl iniciada en Boy (Relatos de Infancia). Comeza coa viaxe á África oriental para desempeñar o seu primeiro traballo na petroleira Shell, e continúa co tempo que estivo voando coa RAF, as forzas aéreas do exército británico, durante a Segunda Guerra Mundial.

ISBN: 978-84-15920-54-0

Nº de páxinas: 208

Encuadernación: Tapa blanda

HISTORIA DO NOBRE PONTO, QUE FOI REI DE GALIZA E DE BRETAÑA

HISTORIA DO NOBRE PONTO, QUE FOI 

REI DE GALICIA E DE BRETAÑA
Tradución: Henrique Harguindey          
Rinoceronte Editora.,2016
Colección: Vétera

Xénero: Literatura Galega - Narrativa

Historia do nobre Ponto, que foi rei de Galiza e de Bretaña conta a historia de Ponto, fillo do rei de Galiza, tras a toma da Coruña polos musulmáns e a morte do rei Tiber. Un grupo de rapaces galegos son salvados e embarcados nun navío que naufraga nas costas de Bretaña; alá son acollidos polo rei e criados por nobres bretóns. Sidonia, a filla do rei, e Ponto namóranse, mais diversas desventuras poñen en perigo a súa felicidade. Finalmente, Ponto reconquistará o seu país e casará con Sidonia, sendo rei de Bretaña e de Galiza, ao tempo que o seu curmán Polido se ha converter en rei de Inglaterra.

Trátase dun relato en prosa que bebe na literatura cabaleiresca e na materia de Bretaña. A obra sitúa ao lector nunha Galiza coñecida na Europa medieval, por mor dos intercambios comerciais coa Bretaña e da peregrinaxe a Compostela. Aínda que a finais do século XIV Galiza xa non era un país independente, o autor escolle como protagonista ao fillo do rei de Galiza porque na derradeira metade do século XIV o país estaba no primeiro plano de actualidade europea e tiñan lugar negociacións a alto nivel sobre o título de rei de Galiza.

ISBN: 978-84-92866-73-1
Nº de páxinas: 189
Encadernación: Tapa blanda

OLA ADEUS

OLA ADEUS

Os contrarios nun álbum máxico

Autor: Delphine Chedru

Traducción: Xosé Ballesteros       

Kalandraka Editora, 2015

Xénero: Literatura Infantil en Galego

Idade recomendada: +3 anos

OLA ADEUS é un libro interactivo que invita a xogar cunha vintena de palabras e cos seus antónimos.

Está recomendado para nenos e nenas a partir de 3 anos que, coa axuda dun marco bicolor que contén un filtro óptico azul e outro vermello, permite descubrir a imaxe que lle corresponde á definición que figura na páxina contigua.

O máxico e sorprendente desta obra é que en cada ilustración atópanse unidas e fundidas, aínda que diferenciadas pola forma e pola cor, un concepto e o seu contrario.

Para ver aparecer a noite e despois o día, ou a cidade primeiro e logo o campo, ou nocións como cerca e lonxe, abonda con mirar a mesma imaxe: unha vez a través do filtro azul e outra a través do filtro vermello.

Un libro interactivo e sorprendente para xogar coas palabras e cos seus antónimos. Como por arte de maxia, os filtros ópticos descúbrenos escenas, nocións e conceptos antagónicos... sen saír da mesma páxina!

ISBN: 978-84-8464-937-3
Nº de páxinas: 42
Encuadernación: Tapa dura

A MÚSICA DAS ÁRBORES

A MÚSICA DAS ÁRBORES
Autor: Anxo Moure e Servando Barreiro

Ilustracións: Chus Láuzara

Editorial Xerais de Galicia, S.A; 2015

Xénero: Música - Libro-disco

Idade recomendada: +4 anos 

Graciano Zoqueiro, trasniño e gaiteiro, descubriu que as árbores facían música. Cando o vento move as pólas nace unha sinfonía, unha orquestración. Cando a chuvia cae nas follas soa un violín, unha gaita, unha zanfona. Cada vez que unha treboada fai danzar os freixos ármase un espectáculo de ballet...

A MÚSICA DAS ÁRBORES é un libro-disco que conxuga a narración, a música e a poesía para falarnos da posibilidade dun mundo onde os seus habitantes vivan en harmonía coa natureza e onde os problemas se amañen facendo falar os corazóns. 

ISBN: 978-84-9914-917-2

Nº de páginas: 56

Encuadernación: Tapa dura +CD

A MIÑA FAMILIA E OUTROS ANIMAIS

A MIÑA FAMILIA E OUTROS ANIMAIS

Autor: Gerald Durrell
Traducción: Susana Collazo

Sushi Books, 2016        

Xénero: Literatura Xuvenil - Narrativa

"Este é o relato dos cinco anos que a miña familia e mais eu pasamos na illa grega de Corfú. Nun principio estaba previsto que fose unha descrición lixeiramente nostálxica da historia natural da illa, pero cometín o grave erro de presentar a miña familia nas primeiras páxinas do libro. Unha vez plasmados sobre o papel, porocederon a poñerse cómodos e mesmo invitaron uns amigos a compartir os capítulos. Con enorme dificultade e amosando unha astucia considerable, apañeime para reservar aquí e alí algunha páxina que poder dedicarlles exclusivamente ós animais. Todas as anécdotas sobre a illa e os seus habitantes son absolutamente verídicas. Vivir en Corfú era coma vivir nunha das óperas cómicas máis extravagantes e disparatadas."

Así presenta Gerald Durrell o seu libro máis coñecido, no que o lector atopará un rapaz ávido por descubrir a vida, que lle contaxiará o seu entusiasmo.

As aventuras da familia Durrell, descritas cun gran sentido do humor na denominada Triloxía de Corfú, continúan en Bechos e demais parentes e O xardín dos deuses.

ISBN: 978-84-15920-91-5

Nº de páxinas: 330

Encuadernación: Tapa blanda

COLLER AS RENDAS

COLLER AS RENDAS

Autor: Yolanda Castaño

Ilustracións: Xosé Tomás

Edicións Xerais de Galicia, S.A; 2015

Colección: Merliño

 

Xénero: Literatura Infantil en Galego - Poesía

Idade recomendada: +5 anos

O ourizo cacho, a vaca, o porco teixo, o sapo, a cascuda, a carracha... todos estes animalillos, cada un deles, teñen un camiño por trazar. Cal será?

Para leelo ven a buscalo a BIBLIOPAZOS.

ISBN: 978-84-9914-806-9

Nº de páxinas: 40

Encadernación: Tapa dura

GALICIA ENCANTADA

GALICIA ENCANTADA
O país das mil e unha fantasías

Autores: Antonio Reigosa

Ilustracións: Noemí López                     

Edicións Xerais de Galia, S.A; 2014

Colección: Libro X

Xénero: Literatura Galega - Narrativa

O proxecto Galicia Encantada naceu no seu día para navegar pola internet e, agora, dez anos despois, faise libro. Unha parte dos documentos atesourados na web durante este tempo, revisados e actualizados, transmútanse en papel impreso coa gozosa pretensión de compartir a marabilla dos mitos, lendas, ritos, contos e outros sucedidos, case sempre sorprendentes.

Un cento de historias que percorren este País das mil e unha fantasías de norte a sur, de leste a oeste, do mar á montaña, da terra ao aire, da auga ao lume. Viaxes de ida e volta, desde o mundo real ao imaxinario e viceversa, guiados polo saber de máis de medio cento de coautores que exercen de cronistas da memoria dunha Galicia sabia e auténtica, irremediablemente encantada.

ISBN: 978-84-9914-780-2
Nº de páxinas: 240
Encuadernación: Tapa blanda

UNHA VIAXE INESPERADA

UNHA VIAXE INESPERADA

Autores: Llort & Macip

Ilustracións: Sergi Càmara                        

Edicións Xerais de Galia, S.A; 2015

Colección: Son un animal

Xénero: Literatura Infantil en Galego - Narrativa

Idade recomendada: +9 anos

Arman é un rapaz como calquera outro. Ten uns pais que o queren, un grupo de amigos, unha mascota que se chama Tim é un lémure... Pero de súpeto todo vai a cambiar. Logo dun accidente, ARMAN ADQUIRIRÁ UN SUPERPODER MOI ESPECIAL... e acabará na outra punta do planeta! Como fará para evitar todos os perigos que o axexan e volver á casa san e salvo?

ISBN 978-84-9914-938-7
Nº de páxinas: 182
Encuadernación: Tapa dura

CABALOS E LOBOS

CABALOS E LOBOS

Autor: Fran P. Lorenzo

Edicións Xerais de Galicia S.A., 2015                       

Colección: Narrativa
 

Xénero: Novela de intriga e misterio

Premio Blanco Amor de Novela Longa 2014

Vigo. Setembro de 1972. Paula acaba de atravesar unha cidade tomada pola policía franquista e colapsada pola folga. Na súa casa, no alto do edificio de Gran Vía nº 2, agárdaa unha revelación. Ten quince anos e acaba de decatarse de que non coñece a súa nai, a herdeira dunha inlfuente estirpe de empresarios alemáns asentados no porto vigués a finais da I Guerra Mundial. O que ela descobre esa tarde é o primeiro segredo dunha rede de mentiras e silencios que, xa no presente, se verá obrigada a destecer para o seu fillo. Nese relato achará as claves de quen é a súa familia. Un coldar de rubís, unha carta sen resposta, un país bombardeado, trens que parten cara ao frío e, sobre todo e contra todo,  o amor prohibido que unirá de por vida o seu tío Álvaro co inquietante Bruno.

Cabalos e Lobos, a primeira magnifica novela do xornalista Fran P. Lorenzo, é o retrato íntimo da historia dun século marcado pola guerra, o totalitarismo e a barbarie. Unha fotografía, con Vigo ao fondo, do combate individual que os seus protagonistas libran por aquilo que desexan, nese preciso lugar en que a cidade se funde cos seus soños.

ISBN: 978-84-9914-836-6

Nº de páxinas: 190

Encadernación: Rústica

CONTOS NAS ORELLAS

Seguimos coa programación de Animación á Lectura e presentamos para o 

Martes, 13 de decembro

ás 11:00 horas

á compañía teatral

“Migallas Teatro”

co espectáculo de contos con música

 “CONTOS NAS ORELLAS”

que nos ofrecerán

BEA CAMPOS

e

DAVIDE GONZÁLEZ

¿Como te chamas?
Comecastañas.
“ Eu as como
e ti as apañas”

unha sesión de contos de risa, trasnos e carapuchiñas perfectos para os días de festa. A tradición oral da man da literatura infantil. Co ritmo das ondas no noso maxín, entreremos no mundo da fantasía e da imaxinación… 

“Contos nas orellas” é unha actividade para todos os públicos onde nenos e maiores poderán gozar das historias e coñecer instrumentos como o acordeón, o xilófono ou a melódica.

Nesta actividade está prevista a participación de tódolos rapaces e rapazas de Educación Infantil do CPI “Curros Enríquez” de Pazos e dos da EEI “A Galeriña” de Outeiro-Nespereira, un total aproximado de 60 nenos e nenas gozando con “Contos nas orellas”. 

Patrocina a Deputación Provincial de Pontevedra a través do programa PONTEGAL 2016

¿SOMOS AMIGOS?

¿SOMOS AMIGOS?

Autor: Anabel Fernández Rey

Traducción: Manuela Rodríguez
Kalandraka Editora, 2016

 

 Xénero: Literatura Infantil en Galego - Contos

 Idade recomendada: +3 anos

SOMOS AMIGOS? é un álbum ilustrado dirixido a pre-lectores e a primeiros lectores sobre a construción da amizade entre un neno e un oso: a priori, dous personaxes moi diferentes, pero que poden ser complementarios se se axudan mutuamente.

Anabel Fernández Rey estrutura a obra en dúas partes, amosando os puntos de vista, os desexos e as necesidades dos protagonistas ante situacións cotiás. Porque aínda que ás veces temos que facer cousas polos demais que non nos gustan ou nos custan certo esforzo, é entón cando se demostra a verdadeira amizade: como a entrega, dende a cooperación, a xenerosidade sen egoísmo. Porque apoiándonos nas dificultades fortalécense os lazos afectivos. Porque non importa o distintos que sexamos fisicamente ou as capacidades diferentes que teñamos.

ISBN: 978-84-8464-998-4
Nº de páxinas:40
Encuadernación: Tapa dura