E que podo facer eu? - LITERATURA INFANTIL

E que podo facer eu?

Texto de José Campanari
Ilustracións de Jesús Cisneros
Tradución do castelán de Marisa Núñez

OQO Editora,maio 2008 

+ de 5 anos

 

O señor Xe le as noticias do xornal e o corpo éncheselle de preocupacións. A cada momento pregúntase: E que podo facer eu? Un día atopa unha resposta; outro día, outra; e outra máis…

 

Cómpre que os nenos e as nenas saiban que as cousas non son tan doadas para todos. Revelándolles desde ben pequenos, os matices da realidade máis próxima, aínda que, sen que teñan que padecer esas situacións dramáticas, xa poden ir tomando conciencia de como é o mundo que os rodea. Con esta lectura comprenderán ademais, que paga a pena ser activos e implicarse na loita por valores como a igualdade, a solidariedade e a xustiza social. 

 

Este álbum lémbranos que hai que ver máis alá de nós mesmos, e esforzarse un pouco máis en axudar a quen o necesita. Son moitas as cousas que, case sen nos decatar, podemos facer.

 

Abonda con abrirmos os ollos e aprendermos a mirar. Asemade, trata temas como a solidariedade, os valores humanos, e anímamos a que manteñamos unha actitude xenerosa que de seguro contribuirá ao noso crecemento persoal e a que a nosa vida sexa máis satisfactoria. En resumo, un raio de esperanza para que comecemos a cambiar o planeta e nos enfrontemos aos problemas do noso tempo. 

 

Jesús Cisneros combina no traballo plástico, acuarela, tinta e lapis, co traballo dixital, nunhas ilustracións onde a cor e a composición representan un importante papel: espazos baleiros que se enchen a medida que avanza a acción e que nos amosan a evolución persoal do protagonista no plano da imaxe.

 

978-84-9871-049-6

40 páxs.

Cartoné

25 x 23 cm 

 

Fonte: OQO Editora 

 

Faite socio de BIBLIOPAZOS e lévao para ler na túa casa

ACTIVIDADES DE VERÁN 2013

A Oficina de Información Xuvenil do Concello (OMIX) envíanos información sobre as próximas actividades previstas para este próximo Verán.

Comenzarán este mes de XUÑO, e o día 20 haberá unha proxeción da película "El desorden de los sentidos" ás 20:30 horas no Salón de Actos da Casa do Concello, apta para todos os públicos.

Os días 22 e 30 de xuño está previstas varias actividades de Sendeirismo pola Senda do Río Barragán e pola Senda da Lavada de Casqueiro en Borbén. Poden participar os maiores de 8 anos. Os menores de 16 anos deberán asistir acompañados dun adulto.

O 26 de xuño terá lugar na Panadería "O Cruceiro" de Nespereira o Obradoiro "Hoxe vou ser panadeiro" que está dirixido a nenos de 3 a 14 anos.

No mes de XULLO hai previstas as seguintes actividades:

O día 11 de xullo o Obradoiro "Axendas Escolares" que terá lugar na Casa do Concello e vai dirixido a mozos e mozas maiores de 8 anos. Será impartido por ASPAVI.

O día 22 de xullo está previsto o Obradoiro "Abalorios" que será impartido por ASPAVI no seu centro de Pazos e vai dirixido a mozos e mozas maiores de 10 anos.

E para finalizar o mes de xullo, o domingo día 28 faremos unha Excursión ao AQUAPARK de Cerceda no que poden participar todos os veciños e veciñas que o desexen.

Ademáis de todas as actividades indicadas anteriormente, teremos tamén diversos obradoiros de "Manualidades con Goma EVA" que terán lugar nas seguintes datas:

 

5 de xullo na Casa Cultural de Nespereira. 
12 de xullo na Casa Escola de Borbén.

19 de xullo no Centro Cultural e Recreativo de Moscoso.

26 de xullo na Casa do Concello en Pazos.

2 de agosto na Casa Escola de O Cabalo.

E, para finalizar as actividades de verán, o día 7 de setembro no Salón de Actos da Casa do Concello terá lugar o FESTIVAL DE VERÁN no que haberá actividades de Teatro, Baile, Play-Back, Xogos e a actuación especial da Contacontos Soledad Felloza que deleitará a todo o público asistente, nenos e maiores, coas súas historias facendo que viaxen a lugares incríbles, captando a atención do público co seu dominio escénico, facendo voar coa imaxinación.

VEN A PASAR UN VERÁN ESTUPENDO CON NOS

INSCRÍBETE NAS ACTIVIDADES

Dalle unha ollada ao tríptico informativo facendo CLIC nas imaxes.

 

PARA MÁIS INFORMACIÓN PODES DIRIXIRTE A:
 
 
OFICINA MUNICIPAL DE INFORMACIÓN XUVENIL (OMIX)
Casa do Concello 
Rúa Pazos nº 52 
36841 Pazos de Borbén (Pontevedra) 
Tfno.: 986 497 035 / 986 498 934 
omix@pazosdeborben.org

Velliñas - LITERATURA INFANTIL

Velliñas

Texto de Charo Pita
Ilustracións de Fátima Afonso

OQO Editora,maio 2009 

+ de 4 anos 

 

Antea e Filipa son dúas velliñas humildes que comparten todo, aínda que o seu todo sexa case nada: sopa de auga de luns a sábado e un fideo a medias os domingos. Pero son felices ao contar coa súa maior riqueza: o afecto dunha pola outra. 

 

Esta historia amosa que somos capaces de facer cousas que parecen imposibles polas persoas que queremos, e que paga a pena chegar a vellos, pero moi vellos, para gozar canda elas dos grandes praceres —un gran banquete— e dos pequenos —unha faba diminuta. 

 

Charo Pita lémbranos que a idade é un regalo: está chea de vida e de misterios. Unha cara esculpida polas engurras é como unha árbore milenaria. O seu tronco groso florece cada primavera do mesmo xeito que unha persoa anciá con cada amencer. Así son Antea e Filipa, aventureiras do día a día, do carpe diem. 

 

Velliñas é un relato de renacemento na vellez, con elementos máxicos propios dos contos tradicionais, onde o coidado, a paciencia, a imaxinación e a valentía transforman a rutina de dúas mulleres maiores que se queren cunha alegría e unha forza, capaces de venceren calquera contratempo. 

 

Fátima Afonso regálanos neste álbum unha mostra, contida pero eficaz, da súa demostrada capacidade para xerar imaxes de marcado carácter narrativo. As puntuais contraposicións de texto-imaxe obrigan o lector a resolver algúns problemas de distanciamento, pero respectan en todo momento a función narrativa do discurso plástico. 

 

A ilustradora lusa propón unha xenerosa serie de planos medios para despregar un discurso dominado sobre todo polos acrílicos, con imaxes repletas de suxestivos detalles narrativos, o que permite gozar dunha lectura demorada e profunda.

 

978-84-9871-150-9

48 páxs.

Cartoné

25 x 23 cm 

 

Fonte: OQO Editora 

 

Faite socio de BIBLIOPAZOS e lévao para ler na túa casa

Paco Trolas - LITERATURA INFANTIL

Paco Trolas

Texto de Roberto Aliaga

Ilustracións de Simona Mulazzani

Tradución do castelán de Antón Fortes

OQO Editora,  marzo 2009

+ de 3 anos 

E, se Paco o di, será verdade… non si? 

Paco Trolas sitúase na difusa liña entre o real e o imaxinario, como os máis pequenos, que son capaces de dar vida aos personaxes que habitan na súa imaxinación, ata o punto de facernos dubidar sobre o que é verdade ou é mentira.

A fantasía é un dos trazos da creatividade infantil, pero non só, pois tamén inflúe na forma en que os cativos perciben a realidade ou no seu xeito de interactuar co mundo.

O protagonista desta historia, fálanos de lobos, raposos, gatos… animais todos que viven na súa imaxinación. Pero como é ben sabido, os seres fantásticos son efémeros e non se poden materializar, por iso Paco, igual que os lectores, terá que distinguir entre fantasía e realidade no momento oportuno, xusto no momento de pechar o conto.

Roberto Aliaga sorprende cunha historia de linguaxe sinxela, pero coidada, ao alcance dos pequenos lectores. Ademais, as frases curtas e emocionais axudaranlles a se identificar con Paco, cos seus medos, e cos seus xogos, nunha palabra, coa súa fantasía.

O traballo plástico de Simona Mulazzani representa un bo exemplo da liña artística que esta ilustradora italiana mantén na actualidade, en que aposta pola combinación de diversas técnicas (acrílico, lapis…). A isto hai que engadir a variada iconografía, as liñas sinxelas e esquemáticas, e o uso dos planos medios, características que xa forman parte do seu persoal estilo.

As ilustracións ocupan un maior espazo en proporción ao texto literario, e ao pasar as páxinas, unha tras outra desfilarán ante nós unha serie de imaxes que nos trasladarán ao mundo do protagonista, pero cómpre estar alerta, se non queremos confundir imaxinación e realidade.

978-84-9871-144-8

36 páxs.

Cartoné

25 x 23 cm 

Fonte:  OQO Editora

Faite socio de BIBLIOPAZOS e lévao para ler na túa casa

Croco - LITERATURA INFANTIL

Croco

Texto de Roberto Aliaga

Ilustracións de Minako Chiba

Tradución do castelán de Laura Rubio

OQO Editora, xaneiro 2009

+ de 3 anos

Os cativos aprenden case sen ter conciencia da evolución propia. Croco, a pesar de que aínda é pequeno, reflicte certa madurez porque é quen de afrontar as súas necesidades e trata de actuar con independencia.

Croco morría de fame, pero mamá crocodila tiña que vixiar o niño. No niño había un ovo e no ovo… un irmán. Croco marchou disposto a cazar só, pero aínda era algo pequeno e non estaba afeito a ter que buscar a súa merenda.

O ciclo da vida, o crecemento e o nacemento dun irmán supón para el enfrontarse a novas esixencias e dalgún xeito, esta nova situación fará que rompa con certos vínculos familiares e gañe autonomía.

En calquera caso, o nacemento dun irmán é algo fermoso que supón máis vantaxes que inconvenientes. Por iso, os temores do pequeno quedan totalmente diluídos cando entende que non precisa rivalizar polo afecto.

Unha historia sinxela, narrada con musicalidade e recreada con ilustracións tenras e coloristas. Unhas imaxes cómplices que permiten que nos acheguemos aos sentimentos e emocións do protagonista.

978-84-9871-070-0

36 páxs.

Encadernación: cartoné

25 x 23 cm

Fonte: OQO Editora

Faite socio de BIBLIOPAZOS e lévao para ler na túa casa

Á sombra dos Anacardios - LITERATURA INFANTIL

Á sombra dos anacardios
Texto de Antón Fortes
Ilustracións de Simona Mulazzani
OQO Editora Setembro 2010 

+8 anos 

Ten flores verdes, ás veces amarelas, e unhas froitas vermellas que se comen. Sempre lle pregunto cándo vou curar, para non ir máis ao hospital. As follas abanean co vento… Parecen dicir: Axiña…, axiña…! 

Nunha nova mostra do seu compromiso cos temas sociais, OQO editora publica o terceiro título de Qontextos, colección na que repite Antón Fortes. O autor galego abriu con Fume esta serie que, desde unha perspectiva solidaria, pretende contribuír á educación en valores e invitar á colaboración para mellorar as condicións da poboación infantil máis desfavorecida. 

Neste álbum abórdase o grave problema da sida en Guinea Bissau, que afecta unha alta porcentaxe da poboación infantil. Este país africano é un dos que rexistra maior subdesenvolvemento de todo o mundo. Por este motivo, enfermidades infecciosas ou de transmisión sexual quedan sen tratar, o que provoca que se agraven e cheguen a producir a morte. A mortalidade infantil, causada por esta desatención en saúde, é moi elevada no país: de cada mil nados vivos, 105 bebés morren antes de cumprir un ano. 

OQO editora contou neste álbum coa colaboración da Asemblea de Cooperación pola Paz, que traballa neste país co Ministerio de Saúde e as comunidades locais en proxectos para a construción e dotación de infraestruturas sanitarias, a formación de persoal cualificado e a sensibilización social sobre a importancia da saúde. O autor cedeulle os dereitos do libro a esta ONG, tal e como fixo con Fume para a ONGD Creart. 

En Á sombra dos anacardios, igual que en Fume, hai lugar para a esperanza. En pleno entroido de Bissau, na vida da pequena protagonista fai acto de presenza a máscara da morte e con ela o medo. No entanto, esta terrible figura é contrarrestada cos coidados e alento do doutor Vieira. 

Fiel á actitude vital desta poboación, Antón Fortes transmite a capacidade de seren felices destes pequenos, a pesar do oprobio económico e enfermidade, que non é obviada polo autor. Así, o día da festa de entroido, as risas e os bailes nos que todos participan vense ensombrecidos por unha canción sobre a sida. Un sabor agridoce no que o amargor non gaña a loita. Deste xeito, se no colexio lles ensinan palabras novas como epidemia, praga de lagostas... tamén forman parte da aprendizaxe outras como cooperación e marimba, de clara connotación positiva. Ademais, logo da escola, o traballo na casa e na rúa, e as visitas ao hospital, a pequena ten un refuxio: o anacardio. 

A elección desta árbore non é gratuíta, xa que abunda neste país africano. Precisamente, o froito, do mesmo nome e comestible, é de sabor agridoce e a súa pel ten propiedades medicinais, polo que é utilizada en produtos farmacéuticos. A ilustradora italiana Simona Mulazzani viste esta árbore protectora con cores moi ligadas ao continente africano: verde, amarelo e vermello intensos. 

Unha paleta cromática que espalla por todo o álbum e coa que reforza a mensaxe optimista da historia. A aposta de Mulazzani por cores vivas e por personaxes de aparencia forte e saudable incide na mensaxe positiva e esperanzadora do relato de Antón Fortes: “Quizais o próximo entroido, a máscara será vermella e terá forma de corazón, como un anacardio, porque a solidariedade fai desaparecer a dor, a miseria e a morte, e acende unha candea de esperanza en África”. 

978-84-9871-284-1
40 páxs.
Encadernación: cartoné
24x30 cm 

Faite socio de BIBLIOPAZOS e lévao para ler na túa casa

O último traballo do Sr. Luna - LITERATURA XUVENIL

O último traballo do Sr. Luna 

Autor/a: César Mallorquí 

Ilustrador/a: Fernando Krahn

Ed. Edebé

6ª edición, 2008 

Gañador do Premio EDEBÉ de Literatura Xuvenil 1997 

Descrición: 

Con esta novela de aventuras de ritmo trepidante, César Mallorquí soubo encaixar perfectamente as pezas dun crebacabezas. Un rapaz superdotado intelectualmente, aínda que demasiado vulnerable no plano afectivo, vaise ver involucrado nun complicado plan de vinganza orquestrado por un poderoso narcotraficante boliviano de cocaína. Polas rúas de Madrid, entrecrúzanse as vidas dun asasino a soldo, dunha emigrante latinoamericana e dun adolescente.

Tema transversal: Tradicións e Culturas

ISBN: 84-96352-57-9
№ páxinas: 248
Tamaño real: 13 x 19 cm. 

Faite socio de BIBLIOPAZOS e lévao para ler na túa casa

Los perfectos - LITERATURA INFANTIL

Los perfectos Rodrigo Muñoz Avia
Ilustrador: Teresa González

Colección: Tucán

Ed. Edebé

+ 10 años

Premio EDEBÉ de Literatura Infantil 2007

Resumen 

Álex tiene una familia perfecta: su padre trabaja como físico en la universidad, su madre es decoradora, cuida hasta el mínimo detalle de la casa y procura que la alimentación de todos sea sana y equilibrada, sus hermanas sacan buenísimas notas... Y él ha suspendido lengua y matemáticas en la última evaluación. ¡Un desastre! Un día decide, junto a su amigo Rafa Panocha, espiar a sus padres y hermanas para encontrarles algún fallo. Entonces descubrirá que todos tienen dificultades y problemas. 

Así empieza 

No quiero que me respondas. Sólo quiero que lo pienses. Que pienses en tu familia. En tus padres. En tus hermanos. Piensa en ellos. Reflexiona. Ya sé que tus padres son buena gente, ya sé que tienes una opinión bastante favorable sobre tus hermanos. Pero debes reconocerlo: tienen sus defectos. Defectillos. Cosas sin importancia.

Nº páx.: 202
ISBN: 978-84-236-8716-9

Género: Novelas
Tema: Vida real
Personajes: Familiares - Niños protagonistas - Padres - Alex - Rafa - Vecinos
Este libro trata de: Familia - Relaciones familiares - Secretos

Faite socio de BIBLIOPAZOS e lévao para ler na túa casa