GALA DE ENTREGA DE PREMIOS DO "V CERTAME DE RELATO CURTO" DO CONCELLO DE PAZOS DE BORBÉN - (6) CATEGORÍA F: ALUMNADO DE 1º e 2º DE ESO

E dalle que dalle coas informacions da Gala de entrega de premios do V CERTAME DE RELATO CURTO de Pazos de Borbén do martes 19 de decembro de 2023 no Auditorio do Concello de Pazos de Borbén, na que participaron os presentados ao Certame; os mestres do CPI "Curros Enríquez" de Pazos; monitores e usuarios da Asociación ASPAVI; e tamén algúns veciños e veciñas.

O Alcalde do Concello de Pazos de Borbén D. Xosé Luciano Otero Camiña presidiu o acto acompañado dos concelleiros Dª Mª Victoria Couñago Corujeira e D. Ivan Martínez Ventín; da Deputada provincial Dª Mª Sandra Bastos Míguez; e dos membros do xurado do Certame Dª Uxía Porrit Lueiro, Dª Andrea Barreira Freije; D. Miguel Anxo Alonso Diz; Dª Mª Isabel Lorenzo Castro, D. Manuel González Pastoriza e D. José Manuel Soto Virulegio.

Agora informamos da entrega de premios aos participantes da:

CATEGORÍA F.- ALUMNADO DE 1º E 2º DE ESO:

Participantes da Categoría F: Alumnado de 1º e 2º de ESO coas autoridades e membros do xurado

Primeiro premio ao traballo presentado baixo o título “O PACTO DE BORBÉN” e o pseudónimo de “AGATHA LÓPEZ”. Aberta a plica correspondeu a autoría de ALEJANDRA ACERO MEILÁN, de 13 anos, estudante de 2º de ESO.

 Para ver o traballo fai CLIC no título

Alejandra Acero Meilán recibe o premio que lle entrega o Sr. Alcalde de Pazos de Borbén D. Xosé Luciano Otero Camiña

Segundo premio ao traballo presentado baixo o título “120 SEGUNDOS” e o pseudónimo de “LCM”. Aberta a plica correspondeu a autoría de LUCAS CASTRO MAESTÚ, de 13 anos, estudante de 2º de ESO.

 Para ver o traballo fai CLIC no título

Lucas Castro Maestú recibe o premio de mans da escritora Dª Andrea Barreira Freije

O xurado considerou premiar con accésit nesta categoría ao traballo seguinte:

 Traballo presentado baixo o título “MELLORES AMIGOS” e o pseudónimo de “TORTUGA”. Aberta a plica correspondeu a autoría de ROI MÍGUEZ COMESAÑA, de 12 anos, estudante de 1º de ESO.

 Para ver o traballo fai CLIC no título

O escritor Miguel Anxo Alonso Diz entrégalle o premio a Roi Míguez Comesaña

Finalizada a lectura dos premiados chamouse un por un ao resto de participantes non premiados nesta categoría para entregarlles o Diploma acreditativo da súa participación no certame e un libro de agasallo; así como uns lotes de libros para as aulas de 1º e 2º de ESO.

Dª Uxía Porritt Lueiro entrégalle os lotes de libros para as aulas 1º e 2º de ESO ao mestre D. Manuel González Pastoriza

NOTA: Seguiremos publicando os datos e imaxes da entrega de premios dos gañadores e participantes do resto das categorías en novas noticias que sairán publicadas nos próximos días.

Esta actividade forma parte do programa de actividades de dinamización da Lingua Galega do ano 2023 "OBRADOIROS E CERTAME DE CREACIÓN LITERARIA" organizado pola Biblioteca Pública Municipal do Concello de Pazos de Borbén e que conta coa axuda e patrocinio o Departamento de Lingua da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA