COS PÉS NO AÍRE
Autor: Agustín Fernández Paz
Ilustracións: Miguelanxo Prado
Edicións Xerais de Galicia S.A.
Xénero: Literatura Infantil Galega - Narrativa
Idade recomendada: + 11 anos
Este libro gañador do Primeiro Premio de Literatura Infantil Raíña Lupa trata sobre un tal Daniel que traballa nunha oficina e leva unha vida monótona e gris. Un día, de xeito casual, descobre que pode elevarse polo aire con só desexalo intensamente.
Temeroso de que outras persoas descubran o seu segredo, Daniel vese forzado a modificar todos os seus hábitos. Pero o cambio maior virá cando descubra que non é el só quen ten esa estraña cualidade.
Velaquí unha narración onde se abordan as dificultades que algunhas persoas teñen por feito de vivir nunha sociedade que exclúe o que non considera normal.
Deste xeito, Cos pés no aire é unha lucida e suxerente parábola, na que latexa unha loanza da diferencia e unha invitación á autoestima.
Un libro que, coma O Principiño ou outros títulos senlleiros, se dirixe a todas as persoas, sen distinción de idades.
O libro, foi ilustrado por Miguelanxo Prado, que utiliza uns encadres orixinalísimos empregando unha técnica que lembra os seus mellores traballos.
ISBN: 84-8302-473-X
Nº de páxinas: 79
Encadernación: Tapa branda
Formato: 12 x 22,5 cm
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.