BIBLIOTECA PÚBLICA MUNICIPAL: Ramón Cabanillas

𝗡𝗢𝗧𝗔 𝗜𝗡𝗙𝗢𝗥𝗠𝗔𝗧𝗜𝗩𝗔̲ Desde ayer, Martes 06/10/26, tenemos una avería en el teléfono de la Biblioteca. Si necesitan ponerse en contacto con nosotros, pueden hacerlo a través de nuestro correo electrónico 𝙗𝙞𝙗𝙡𝙞𝙤𝙩𝙚𝙘𝙖@𝙥𝙖𝙯𝙤𝙨𝙙𝙚𝙗𝙤𝙧𝙗𝙚𝙣.𝙜𝙖𝙡, o acercarse hasta la Biblioteca y les atenderemos personalmente. Recordarles que nuestro horario es: 𝗟𝘂𝗻𝗲𝘀, 𝗠𝗶𝗲́𝗿𝗰𝗼𝗹𝗲𝘀 𝘆 𝗩𝗶𝗲𝗿𝗻𝗲𝘀 𝗱𝗲 𝟭𝟬:𝟬𝟬 𝗮 𝟭𝟰:𝟬𝟬. 𝗠𝗮𝗿𝘁𝗲𝘀 𝘆 𝗝𝘂𝗲𝘃𝗲𝘀 𝗱𝗲 𝟭𝟲:𝟬𝟬 𝗮 𝟮𝟬:𝟬𝟬. En cuanto el problema de la línea esté solucionado, les avisaremos. Disculpen las molestias.

domingo, 4 de agosto de 2013

Ramón Cabanillas - Escolma Poética -

Ramón Cabanillas. Escolma poética

Autor: Ramón Cabanillas

Ilustracións: Anxo Pastor

Factoria K de Libros

Colección Trece Lúas

Idade recomendada: dende 8 anos

Celebración do Ano Cabanillas cunha escolma que repasa o máis senlleiro da produción literaria do poeta cambadés, dende "Vento mareiro", ata "No desterro", pasando por "Da terra asoballada" ou "A rosa de cen follas".

No Ano Cabanillas, co gallo do 50 aniversario do pasamento deste autor senlleiro, a Sociedad Estatal de Conmemoraciones Culturales e FAKTORÍA K fanlle unha homenaxe especial ao ‘Poeta da Raza’. Un libro de poemas e imaxes para ler e admirar pausadamente; reflexionando sobre cada idea, saboreando as súas cores evocadoras. Pousado sobre un atril, as súas páxinas desprenderán un halo de misterio que inundará o espírito do lector.

Xornalista crítico, funcionario municipal, cantor nostálxico das paisaxes nativas, autor de versos galeguistas e combativos, académico da lingua, admirador dos artistas galegos do seu tempo... Na faceta literaria, Ramón Cabanillas foi o continuador do Rexurdimento, o enlace con Rosalía de Castro, Curros Enríquez e Eduardo Pondal, o renovador da poesía galega: o ciclo artúrico, a etnografía, o amor. Débeselle especialmente a promoción do uso da lingua en todos os ámbitos da vida cotiá.

Luis Rei compila os poemas desta escolma poética. Bibliotecario e técnico de Cultura no Concello de Cambados, tamén é autor da obra “Ramón Cabanillas, crónica de desterros e saudades”, e ten publicado numerosos artigos e traballos sobre o poeta cambadés.

Temática: Escolma -13 poemas- da obra poética de Ramón Cabanillas

Aspectos destacables: Ilustracións de estilo surrealista e simbólico creadas a partir da lectura de cada poema.

Índice poético: Camiño longo – Amor de neno – Xoquín – Meus irmáns – A calzada de Cambados – A rosa que sangra – Galicia – ¡En pé! – A Rosalía de Castro – Noite de Lúa – Lume no pazo – Sorpresounos a noite – Do berce á cova.