A COVA DA MOURA

A COVA DA MOURA

Autora: Natalia Carou Figueira

Ilustracións: Gimeno

Baía Edicións, 2017

Colección: Meiga Moira

 

Xénero: Literatura xuvenil galega - Narrativa

 

Malena e Mateo, o seu antigo profesor da facultade de Historia, son os encargados do anteproxecto de restauración do castelo de Soutomaior.

 

Durante a súa visita atopan por casualidade un manuscrito dunha moza chamada Cleofar, que habitou no castelo no século XVI nun misterioso lugar chamado a Cova da Moura, onde relata os abusos que sufriu a mans do señor do castelo, don Pedro de Soutomaior, neto do infame Pedro Madruga.

 

Atopar ese lugar será algo primordial antes de devolveren as chaves do complexo. A Cova da Moura garda no seu seo un material valiosísimo que poñerá de manifesto a verdadeira personalidade e identidade dos habitantes do castelo.

 

As dificultades de Cleofar para entrar no castelo e cobrarse vinganza pola afronta sufrida, a súa infancia na aldea de Seredia e a súa difícil vida na Cova da Moura, mestúranse dun xeito paralelo coas vivencias de Malena e Mateo: as tráxicas circunstancias da infancia de Malena, a relación existente entre os protagonistas e a ambición de Mateo.

 

ISBN 978-84-9995-215-4

Nº de páxinas: 280

CARAMULO E A CARPINTEIRA DOS SOÑOS

CARAMULO E A CARPINTEIRA DOS SOÑOS

Autor: Anxo Moure

Ilustracións: Cristina Ouro

BAIA EDICIONS

Colección: CONTO X CONTO

Xénero: Literatura Infantil galega - Contos

Idade recomendada: +5 anos - Primeiros lectores

Caramulo e a carpinteira dos soños trátase dun libro que recolle o xeito de contar da tradición oral dirixido á xente pequena, mais tamén ás nais e aos pais.

Pódese considerar unha homenaxe á sabedoría das persoas que construían os xoguetes populares, representadas no vello Xepeto.

Coas ferramentas na man

e coa paciencia na fronte,

esa carpinteira dos soños,

igual que un sabio Xepeto,

como senlleiro cabaliño de madeira,

para uns burro, para outros mulo,

así, pouco a pouco, me creou.

ISBN: 978-84-9995-218-5

Páxinas: 23

Encadernación: Cartoné

ATÉ AS PRINCESAS SOLTAN PEIDOS

ATÉ AS PRINCESAS SOLTAN PEIDOS

Autor: Ilan Brenman

Ilustrador: Ionit Zilberman

Algar editorial

Xénero: Literatura Infantil en galego - Contos

Idade recomendada:  +6 anos

O pai de Laura abriu o libro secreto das princesas e contoulle á súa filla algo que ninguén sabía...

Descubre ese segredo que a xente descoñece.

ISBN: 978-84-9142-065-1

Formato: 24 x 25 cm

Páxinas: 32

 

VIDA SA! Desde a infancia e para sempre

VIDA SA!

Desde a infancia e para sempre

Texto: María Corbacho

Ilustracións: Enrique López

Tradución: Charo Baleirón Sóñora

Hércules de Ediciones, 2017

Xénero: Libros infantís en galego - Saúde Infantil - Alimentación - Nutrición

Idade recomendada: +9 anos

En Vida Sa! atoparedes un libro de nutrición básica e de receitas saudables, pero tamén un manual de amor propio para nenos e nenas, para que aprendan a vivir san desde hoxe e para sempre.

• Por que teñen tan mala fama as graxas?
• En que alimentos atopamos proteínas?
• Por que din que hai que beber moita auga?
• Queres aprender a preparar algunhas receitas sas e divertidas?
• Como podemos facer máis exercicio no noso día a día?

Para crecer, ter forza e non caer enfermos, necesitamos comer varias veces ao día e de forma variada, ademais de facer exercicio e levar unha vida activa.

• Mirácheste algunha vez ao espello e vícheste mil defectos?
• Meteuse alguén contigo polo teu peso?

Coidarse a través da comida e o exercicio é só unha pequena parte da vida sa: quererse e respectarse a un mesmo é o máis importante, e deberiamos empezar a facelo desde o primeiro momento da nosa vida.

En Vida Sa! atoparedes un libro de nutrición básica e de receitas saudables, pero tamén un manual de amor propio para nenos e nenas, para que aprendan a vivir san desde hoxe e para sempre.

ISBN: 978-84-946502-5-3

Encadernación: Tapa Dura

Páxinas: 40

Tamaño: 22 x 30 cm

O OSO E O PIANO

O OSO E O PIANO

Texto e ilustracións: David Litchfield

Tradución: Pilar Bendoiro

Hércules de Ediciones

Colección: Novas lecturas de Hércules

Xénero: Literatura Infantil en Galego - Contos

Idade recomendada: +3 anos

Un día, no bosque, un osiño atopou algo que non vira nunca.

-Que será esta cousa tan estraña? -pensou. E con medo, tocouna coas súas pequenas e robustas poutas.

Co tempo, o oso aprendeu a tocar o estraño instrumento. Un día, por casualidade, os fermosos sons do piano chegaron a oídos dun pai e o seu fillo, que xantaban no bosque. O oso acompañounos nunha incrible viaxe, e a súa extraordinaria habilidade converteuno nunha gran estrela. Conseguiu fama, fortuna e toda a música do mundo, pero botaba de menos aos seus amigos e á familia que deixara atrás.

Unha emocionante historia de exploración e pertenza de David Litchfield.

ISBN: 978-84-945896-7-6

Páginas: 32

Tamaño: 22 x 30 cm

Encadernación: Tapa Dura

CARTAS QUE VEÑEN E VAN

CARTAS QUE VEÑEN E VAN

Mamá Cabra

Letras e Música: Susa Herrera

Ilustracións: María Lires

Editorial Galaxia S.A., 2013

Colección Sonárbore

Xénero: Música - Poesía - Libro-CD

Un día quixémoslle escribir unhas cartas a uns personaxes moi singulares que aquí presentamos, neste libro-disco.

E pensamos: "Mellor que cartas de papel, ou electrónicas, ímolas facer musicais. Aforramos papel e gasto de luz. E ademais, servirán para que os nenos e as nenas tamén as canten e as bailen con nós".

Un libro-CD polo que desfilan musicais elefantes, osos polares, lobiños, polos, vacas... e outros animais con ganas de cantar e de vivir aventuras.

Horas de lecer na man do ritmo festeiro das músicas e letras de Susa Herrera e Mamá Cabra!!!

ISBN: 978-84-9865-504-9

Páxinas: 24

Deseño: Cartoné

Dimensións: 24 x 21 cm

ALÍ BABÁ, MORXIANA E OS CORENTA USUREIROS

ALÍ BABÁ, MORXIANA E OS CORENTA USUREIROS

Autora: Marilar Aleixandre

Editorial Galaxia S.A., 2017

Colección Costa Oeste, Nº 96

Xénero: Literatura Galega - Lit. Xuvenil - Narrativa

Era unha vez o xefe funha banda de corenta ladróns.

É un home bo que se chamaba Alí Babá. E unha cova chea de tesouros que abría cando alguén dicía: “Ábrete, sésamo!” Todos coñecemos a historia. Mais, o que ás veces se esquece é que a verdadeira protagonista é Morxiana, unha muller afouta que lle vai dar a volta ao mundo, e á historia tradicional, e vai salvar a súa familia e a vila toda. E, sobre todo, vai loitar contra os usureiros e os ditadores, e todos os que fan a fortuna erguéndose sobre os cadáveres dos máis febles e desafiuzados da historia.

Marilar Aleixandre cóntanos o conto de sempre mais non coma sempre. Como Morxiana, rebelándose contra o mundo e as relacións de xénero e de dominación. Empoderándose. Muller de seu.

ISBN: 978-84-9151-053-6

Páxinas: 68

Deseño: Rústica

Dimensións: 13,5 x 21 cm

SAMAÍN

SAMAÍN

Autor: Clara de Saá 

Ilustracións: Sandra Fernández 

Radio Galega

Kalandraka Editora S.L 

Xénero: Literatura Infantil en galego -Contos 

Idade  recomendada: +3 años 

O día un de novembro é o primeiro do ano no calendario celta e celébrase a tradicional noite de Samaín, na que ocorren cousas máxicas e póñense cabazas con velas acesas nas portas das casas.

Fermín, o monstro das castañas, que comía de dúas en dúas, preparouse para o concurso de sustos desa noite. Quería ser o gañador. Peiteando a súa longa melena vermella descubriu no espello, alarmado, que o seu pelo era agora verde. Así non podería asustar aos nenos.

A rata Casilda, unha experta gañadora do concurso de sustos varios anos, díxolle que lle pasase por comer tantas castañas na noite de Samaín. Suxeriulle facer máis terrible o seu aspecto poñendo un rabo longo: atou unha corda á cintura, pero enredouse con ela. Probou a poñer dentes e bigotes de rata coas pinzas da roupa e os cordóns dos zapatos, pero non era capaz de falar ben e os bigotes facíanlle cóxegas.

Uns nenos que o viron con esa pinta riron del. Entón púxose contento e xa non lle importou non poder gañar o concurso de sustos: este ano faría rir.

ISBN:84-8464-034-5 

Nº de páxinas:32 

Encadernación: Cartoné

Formato: 17 x 23 cm

AS PALABRAS FERIDAS

AS PALABRAS FERIDAS

Autor: Jordi Sierra i Fabra

Tradución: Xesús Domínguez Dono

Editorial Galaxia S.A.

Colección Costa Oeste

Xénero: Literatura Xuvenil en Galego - Narrativa

Estamos, sen dúbida, diante dunha das mellores novelas de Jordi Sierra i Fabra.

Unha historia sobre a liberdade e o poder das palabras para cambiar o mundo. Nun país dominado por líderes que non deixan pensar, no medio dun cárcere perdido no medio da nada máis baleira, mergullado nunha realidade abafante que anula a personalidade en nome da “patria”, o protagonista desta historia, responsable da vixilancia dun vello profesor e poeta detido por “disidente”, comprobará como o seu mundo se derruba por dentro ao descubrir a forza indestrutible do amor.

E que quen ama, é libre de verdade.

ISBN: 978-84-9151-025-3

Páxinas: 196

Deseño: Rústica

Dimensións: 13,5 x 21 cm

BIBLIOPAZOS RECIBE UN DOS PREMIOS MARIA MOLINER 2017

O pasado día 24 de outubro foi un día MOI ESPECIAL para a Biblioteca Pública Municipal de Pazos de Borbén - BiblioPazos e para o persoal que traballamos na mesma.

Ese día coincidindo coa celebración do DÍA DA BIBLIOTECA déronse a coñecer os 300 proxectos premiados na XVIII Campaña de animación á lectura María Moliner 2017, convocada polo Ministerio de Educación, Cultura e Deporte, a Federación Española de Municipios e Provincias e a Fundación Coca-Cola.

Entre os premiados atópanse 14 bibliotecas galegas, e entre esas 14 bibliotecas galegas está a de Pazos de Borbén "BIBLIOPAZOS".

É o primeiro ano que nos presentamos a estes premios e estamos moi ledos de ter recibido este recoñecemento á labor bibliotecaria no noso concello polo proxecto presentado: "Conta, canta, le e aprende na natureza".

Este recoñecemento non sería posible sen a colaboración de moitas entidades e persoas coas que queremos compartir e facer extensivo o mesmo pola súa axuda na realización e organización das actividades e/ou o patrocinio das mesmas:

• Deputación Provincial de Pontevedra.
• Secretaría Xeral de Cultura e Secretaría Xeral de Política Lingüística da Consellería de Cultura, Educación e Ordenación Universitaria da Xunta de Galicia.
• Fundación Filomena Rivero Alonso de Redondela.
• Centro Público Integrado "Curros Enríquez" de Pazos.
• Escola de Educación Infantil "A Galeriña" de Nespereira.
• Bibliotecas do Concello de Redondela.
• Biblioteca do Concello de Soutomaior.
• Biblioteca de Híjar-Las Gabias (Granada).
• Oficina de Información Xuvenil, Axencia de Emprego e Devenvolvemento Local, Concellería de Cultura, departamentos de vías e obras, servizos sociais, e oficinas xerais do Concello de Pazos de Borbén.
• Asociación de Pais de personas con discapacidade intelectual de Vigo (ASPAVI).
• Entidade financeira ABANCA.
• Casa Cultural de Amoedo.

O noso especial agradecemento para:

• Uxía Porrit Lueiro, mestra do CPI "Curros Enríquez" de Pazos.
• Alvaro Martínez Leiro, Presidente da Comunidade de Montes de Moscoso.
• Antonio Fernández Costas, Presidente da Comunidade de Montes de Borbén.
• Jorge Alvarez García, veciño de Amoedo.
• Isabel Comesaña Fernández, veciña de Nespereira.
• Ruth Galindo, bibliotecaria de Híjar - Las Gabias (Granada).
• Mª Elena Becerra e Mª José Villar de Bibliotecas de Redondela.
• Ledicia Costas, escritora.

E, por último, agradecer tamén a todos os profesionais que participaron nas actividades de BiblioPazos.

Esta concurso de carácter estatal ten por obxecto premiar a aquelas bibliotecas de concellos de menos de 50.000 habitantes que leven a cabo proxectos de animación á lectura, especialmente entre nenos e xóvenes, así como actividades de integración social con poboación en risco de exclusión social ou con algún tipo de discapacidade, e proxectos de boas prácticas na labor bibliotecaria.

Presentáronse 604 proxectos este ano, e a comisión de valoración seleccionou aos 300 mellores, tendo en conta criterios como a claridade e o interese do proxecto para a animación lectora, a boa planificación e a viabilidade do proxecto, así como a orixinalidade e a inmersión en novas tecnoloxías que conteña a proposta. A estas 300 bibliotecas outorgaselle un premio metálico de 1706,66 euros para a compra de libros.

Ademais, a comisión de valoración concede tres premios especiais dotados con 12.000,00 euros, un para bibliotecas de municipios de menos de 5.000 habitantes, outro para bibliotecas de municipios entre 5.001 e 20.000 habitantes e outro para bibliotecas de municipios entre 20.001 e 50.000 habitantes.

Este ano o premio especial para bibliotecas de municipios entre 5001 e 20000 habitantes foille concedido á Biblioteca Pública Municipal de Verín polo seu proxecto Voluntariado cultural con chic@s para el fomento de la lectura, do cal a comisión de valoración destaca a súa consolidación como un referente cultural na súa localidade, e o seu carácter transfronteirizo levando as actividades da biblioteca a aldeas cercanas de Portugal.

Desde BIBLIOPAZOS queremos felicitar ás 14 bibliotecas galegas seleccionadas, en especial á Biblioteca Pública Municipal de Verín, polo seu bo traballo de dinamización e animación á lectura, e ás bibliotecas veciñas de O Porriño e Redondela.

MÁIS INFORMACIÓN:

 

• Listaxe das bibliotecas seleccionadas

• Páxina web da convocatoria: comisión de valoración e resolución

 

 

PITUSA SEMIFUSA E OS ESTILOS MUSICAIS

PITUSA SEMIFUSA E OS ESTILOS MUSICAIS
Autora: Olga Brañas
Ilustracións: Leandro Lamas

Editorial Galaxia S.A., 2017

Colección Sonárbore nº 25

1ª edición, 1ª impresión, 2017

Xénero: Música - Poesía - Libro-CD

Idade recomendada: +3 anos

Ven coñecer o blues, o reggae, o funky, o swing, o hip hop… e non pararás de cantar e de bailar!

A vida está chea de cores e de sabores diferentes, tamén de estilos musicais.

Pitusa Semifusa váinolos ensinar!!!

ISBN: 978-84-9151-066-6

Nº de páxinas: 24

Deseño: Cartoné

Dimensións: 24 x 21 cm

A SOIDADE DAS MEDUSAS

A SOIDADE DAS MEDUSAS

Autora: Iria Collazo López

Ilustracións: Luz Beloso

Editorial Galaxia S.A., 2016

Colección Costa Oeste

Xénero: Literatura Xuvenil Galega - Narrativa

Que poden ter en común unha pianista, un escritor, unha nena, un vello e unha reputada fotógrafa.....

Que poden ter en común unha pianista exitosa, protagonista dunha historia inexistente que nunca poderá ser contada, un escritor pechado contra a súa vontade nun apartamento no medio dun mar de rañaceos, unha nena de ollos tristes e pasado cruel que foxe do vento, unha reputada fotógrafa con ansias de voar lonxe, os soños dun vello inconsciente no deserto do hospital ou unha oficinista presa dos seus propios rituais e dun amor imposible? A resposta está nos relatos deste libro.

A soidade das medusas, cheo de personaxes que transitan por un océano de encrucilladas onde, como dixo a filósofa María Zambrano, "todo ten dereito a ser, incluso o que non puido existir endexamais".

ISBN: 978-84-9151-019-2

Nº de páxinas: 84

Deseño: Rústica

Dimensións: 13,5 x 21 cm.

INVENTARIO ILUSTRADO DE ANIMAIS

INVENTARIO ILUSTRADO DE ANIMAIS

Textos: Virginie Aladjidi

Ilustracións: Emmanuelle Tchoukriel

Tradución: Fernando Moreiras

Factoría K de Libros, 2014

Kalandraka Editora

Xénero: Libros infantís - Ciencia - Zooloxía

Idade recomendada: +6 anos

...Dende os polos aos trópicos, por desertos e montañas, en bosques e granxas. Un catálogo darwiniano da fauna.

... Determinadas especies, como o tigre ou o chimpancé, xa comezan a escasear; outras, como o rinoceronte negro, a foca monxe ou a tartaruga de coiro, volvéronse moi escasas; e outras, como o órix, xa non se dan en estado salvaxe.

Esperamos que esta obra impulse a protexelos e, de forma xeral, fomente a curiosidade e o respecto cara a estes animais tan fermosos...

“Inventario ilustrado de animais” reúne un cento de exemplares de fauna representativa de todo o mundo, tanto vertebrados -mamíferos, aves, peixes, anfibios, réptiles- como invertebrados que, con más de 60 clases, representan o 95% das especies animais.

De cada un indícase o seu nome científico e común, e engádese unha descrición que acompaña a ilustración, naturalista e coloreada con acuarela.

Os animais clasifícanse xeograficamente: en bosques tropicais, zonas desérticas, sabanas, montañas e bosques temperados, rexións polares, océanos, costas e ribeiras, zonas habitadas e granxas.

Dende o tucán á vaca, pasando polo dromedario, o leopardo, o lobo gris, a píntega, o oso polar, o golfiño, a libélula ou o pavo real, este libro é un interesante catálogo darwiniano, para contribuír ao coñecemento do medio natural e, por tanto, á súa conservación.

ISBN: 978-84-15250-34-0

Nº de páxinas: 80

Formato: 21,5 x 30 cm.

Encadernación: Tapa dura