Desde o departamento de Servizos Sociais do Concello de Pazos de Borbén remítennos a seguinte información da Exposición "ROMPE, XOGA EN IGUALDADE" organizada pola Deputación Provincial de Pontevedra e que se inaugurará no vestíbulo da Casa Consistorial mañá mércores día 9 de xaneiro ás 12:00 horas.
A exposición poderá visitarse ata o día 31 de xaneiro de 2019.
Esta mostra busca sensibilizar ao espectador sobre a discriminación e a violencia que sofren as mulleres.
Constará de varios paneis onde se tratarán cuestións como as nais de alguiler, as vodas, o uso dos zapatos de tacón...
Trátase dunha exposición de poesía visual na que o obxecto fala por sí mesmo precisando apenas dun texto explicativo. Amosa situacións de desigualdade, violencia e discriminación e recalcar a importancia do xogo na educación e a formación de nenos e nenas así como a transmisión de valores.
Esta proposta de poesía visual é un proxecto desenvolvido polas artistas isabel Branco e Irene Silva.
Dende BiblioPazos animamos a toda a veciñanza a visitar esta exposición.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.