XADREZ PARA TODOS

Nestas vacacións de verán, entre outras actividades, podedes practicar o Xadrez.

Aquí deixamos varias propostas para todas as idades.

Esperamos que sexa do voso agrado.

Xadrez para todos, unha colección composta por diversos manuais de iniciación e de perfeccionamento deste antigo xogo de estratexia, dispón actualmente de 5 volumes en lingua galega e está próxima a completarse co sexto. A elas engádense os volumes Xoga e aprende 1 e 2.

Logo de facilitar a edición en galego dos manuais relativos aos niveis inicial e intermedio, a Secretaría Xeral de Política Lingüística pon a disposición da cidadanía, en lingua galega, o primeiro dos volumes que constitúen o nivel avanzado da colección. 

Xadrez para todos confórmano materiais pedagóxicos para o ensino do xadrez nos ámbitos educativo, deportivo e lúdico artellados a través dun completo currículo en contidos e en obxectivos axeitados para poder ensinar e aprender o xogo do xadrez dunha forma doada, pedagóxica, universal e continuada. Ao mesmo tempo, para facilitar a aprendizaxe, as obras desta colección presentan, mediante un importante apoio visual, os conceptos do xadrez de forma progresiva. Tamén formulan exercicios de dificultade gradual para cada concepto explicado co fin de favorecer a súa adquisición.

A metoloxía destas publicacións permite unha aprendizaxe autodidacta, aínda que sempre se conseguirá un mellor aproveitamento dos contidos traballando cos profesores ou con outros compañeiros. 

Recursos pedagóxicos de calidade en galego 

Seguir lendo...

Fonte: http://www.xunta.es/linguagalega/xadrez_para_todos