OBRADOIRO "Coñece e defende os teus dereitos como consumidor" con ADICAE GALICIA

Este ano BIBLIOPAZOS, en colaboración coa Oficina Municipal de Información Xuvenil do Concelo (OMIX), inicia unha serie de actividades novedosas co obxecto de amplialas a outros ámbitos da información aos cidadáns que non sexan exclusivamente as propias da biblioteca (Animación á lectura, información sobre lectura, servizos, actividades e novas tecnoloxías).

Comezamos cun interesantísimo OBRADOIRO SOBRE CONSUMO denominado "COÑECE E DEFENDE OS TEUS DEREITOS COMO CONSUMIDOR" que terá lugar o próximo venres 10 de abril, ás 20:00 horas, no Auditorio do Concello de Pazos de Borbén.

O obradoiro o levará a cabo IRIA AGUETE -coordinadora de ADICAE GALICIA- que nos expoñerá sobre como reclamar cando temos un problema de consumo, en especial nos sectores máis reclamados -banca, electricidade, telefonía e seguros-.

Despois da exposición dará a coñecer algunhas das reclamacións mais comúns co CADERNO DE RECLAMACIÓNS DE ADICAE, e nos levará polo mundo do consumo para ensinarnos a coñecer os nosos dereitos e a defendernos de todos os abusos que se cometen día a día en contra dos intereses dos cidadáns como consumidores.

ADICAE é unha Asociación de Consumidores e Usuarios de ámbito estatal cunha traxectoria de máis de 17 anos ó servizo da defensa dos intereses e dereitos dos consumidores que conta cunha base social formada por milleiros de soci@s e persoas consumidoras simpatizantes que lle véñen dando o seu apoio. 

ADICAE está presente en Galicia dende o ano 2004 constituída como ADICAE GALICIA, desenrolando as súas actividades en defensa dos consumidores e usuarios.

Se queres saber máis de ADICAE GALICIA fai clic AQUÍ, ou en calquera dos enlaces clicando no seu nome.

ENTRADA DE BALDE ATA COMPLETAR AFORO

 VEN E PARTICIPA!