O pasado mércores 18 de xuño tivo lugar a entrega de Diplomas aos 74 alumnos de 3º, 4º e 5º de Primaria do CPI "Curros Enríquez" de Pazos que semanalmente participaron na Aula de Informática do Centro Antena - Biblioteca Pública Municipal de Pazos sito no edificio do antigo concello, no CURSO DE MECANOGRAFÍA e INFORMÁTICA BÁSICA para iniciarse no coñecemento das novas tecnoloxías.
 |
| Edificio do Centro Antena-Biblioteca Pública Municipal "BIBLIOPAZOS" |
As clases tiveron unha duración aproximada dunha hora e media semanal e con elas os alumnos aprenderon:
- As habilidades e os procedementos necesarios para manexa-lo teclado, o rato e o ordenador en xeral.
- O manexo básico do programa Mecanografía10 para aprender a teclear correctamente, a
escribir cos 10 dedos e a gran velocidade, mediante leccións guiadas e
interactivas a través das que os alumnos foron progresando paso a paso e
ao seu ritmo individualmente.
- O manexo básico do programa de tratamento de textos Word e da navegación por Internet.
Estas actividades, que comezaron a realizarse fai xa tres anos, son producto da colaboración da Biblioteca Pública Municipal do Concello de Pazos de Borbén co Centro Público Integrado "Curros Enríquez" co obxectivo de supera-la fenda dixital e servir de apoio ao proxecto ABALAR para a integración plena das TIC na práctica educativa en Galicia,
co obxecto de que os alumnos aproveiten da mellor forma posible os
equipamentos e infraestructura tecnolóxicas postos a súa disposición
polo centro educativo a través da Consellería de Cultura, Educación e
Ordenación Universitaria.
Estas son as imaxes da entrega dos Diplomas:
 |
| 3ºA Primaria |
 |
| 3ºB Primaria |
 |
| 4º Primaria |
 |
| 5ºA Primaria |
 |
| 5ºB Primaria |
Saúdos a todos e ata o próximo curso.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.