Prestación económica de pagamento único por fillos e fillas menores de 3 anos para o ano 2014

Da oficina dos Servizos Sociais Comunitarios do Concello nos envían a seguinte información:

A Xunta de Galicia publicou no DOG nº 52 do 17/03/2014 unha disposición da Consellería de Traballo e Benestar, a ORDE do 11 de marzo de 2014 pola que se establecen as bases polas que se rexerá a concesión da prestación económica de pagamento único por fillas e fillos menores de tres anos para o ano 2014 que podes descar en PDF facendo clic AQUÍ.

De seguido detallamos un breve resumo desta ORDE:

PERSOAS BENEFICIARIAS:

• Persoas que teñas ao seu cargo fillos menores de 3 anos na data de 1 de xaneiro de 2014 (nacidos entre o 02/01/2011 e o 01/01/2014, ambolos dous incluídos) e que, por razón dos ingresos obtidos durante o ano 2012 nin elas nin ningún dos membros da unidade familiar estivesen obrigadas a presentar a declaración do IRPF.

REQUISITOS:

• Que os proxenitores teñan a súa residencia habitual na Comunidade Autónoma Galega.
• Que na data da solicitude os nenos convivan coa persoa solicitante.
• Que por razón dos ingresos obtivos durante o 2012, nin elas nin ningún dos membros da unidade familiar estivesen obrigados a presentar a declaración do IRPF correspondente a ese período, nin a tivesen presentado de xeito voluntario aínda sen estar obrigados a iso.

CONTÍA DA AXUDA: 

• A contía da prestación consistirá nun pagamento único de 360,00 € por cada un dos fillos.

PRAZO E LUGAR DE PRESENTACIÓN:

• Ata o 26 de abril de 2014 

Podes descargar a túa solicitude facendo clic AQUÍ.

MÁIS INFORMACIÓN nas oficinas dos Servizos Sociais Comunitarios do Concello de Pazos de Borbén os luns, mércores e xoves no horario de atención ao público.