DRAGAL II - A METAMORFOSE DO DRAGÓN

DRAGAL II

A METAMORFOSE DO DRAGÓN

Autora: Elena Gallego Abad

Edicións Xerais de Galicia S.A.

Colección: Infantil e Xuvenil - Fóra de Xogo

Xénero: Literatura Infantil en Galego - Novela fantástica

Coa policía investigando o estraño roubo da igrexa de San Pedro, Mónica prepárase para acudir á súa cita na Poza da Moura. A moza non sabe aínda que a noticia da desaparición de Hadrián corre pola vila coma un regueiro de pólvora nin que alguén vixía de preto os seus pasos.

Mentres agarda por ela, Dragal descobre, por primeira vez na súa milenaria existencia, a limitación dos seus poderes. Para recuperar o seu lugar privilexiado na escala biolóxica, o dragón ten que absorber a materia gris do cerebro de Hadrián e acadar a simbiose da súa alma. Se consegue humanizarse o mundo será seu, mais do contrario...

Na procura dun milagre que lles axude a salvar o seu amigo, Mónica e don Xurxo deberán desvelar as claves agochadas na milenaria igrexa de San Pedro. Daquela descubrirán que, para cumprir os designios da profecía, os cabaleiros da Orde de Dragal xa iniciaron o seu regreso.

ISBN: 978-84-9914-221-0

Formato: 13,5 x 21,5 cm

Encadernación: Rústica cosido a fío

Nº de páxinas: 360

PITUXA, A FANTÁSTICA NENA DA CACA DE OURO (escrita por un bolígrafo)

PITUXA, A FANTÁSTICA NENA DA CADA DE OURO (escrita por un bolígrafo)

Autor: Marcos López Concepción

Ilustracións: Lidia Nokonoko

Editorial Galaxia S.A.

Colección: Árbore +12 anos

Xénero: Literatura Infantil Galega - Narrativa 

A Pituxa ninguén lle fai caso. 

A súa familia é pobre. Pero moito!

Mais un día empeza a facer unha caca moi especial. De ouro!

E agora todos queren a Pituxa.

Sobre todo, certos banqueiros e algunhas persoas emocionadas pola súa… particularidade. 

ISBN: 978-84-9151-013-0 

Nº de páxinas: 304 

Encadernación: Rústica 

Formato: 13 x 20 cm

A VIDA DO PADRE SARMIENTO

A VIDA DO PADRE SARMIENTO

Autor: Carlos Casares

Editorial Galaxia, S.A.

Colección: Letras galegas

Xénero: Biografías

Carlos Casares ten no seu haber varias biografías escritas de maneira que os datos e os feitos da personalidade da que fala non afogan a parte máis humana, curiosa e amena da súa vida. Daí que concebira este libro sobre o Padre Sarmiento «como unha novela ou un conto fácil de ler». Ofrece a visión da obra deste frade que naceu circunstancialmente en Villafranca do Bierzo (León) de pais galegos, que regresaron á súa Pontevedra natal cando el só tiña uns poucos meses. 

Casares da tamén a visión do home, a parte humana «dunha personalidade extraordinaria e descoñecida, que foi un adiantado ó seu tempo e moi moderno» en aspectos coma estar a favor da educación da muller, contra da pena de morte, cunha concepción progresista do ensino ou da agricultura. O escritor e presidente do Consello da Cultura sentiu dende sempre interes pola vida e a obra de Sarmiento. 

Este libro é froito das anotacións feitas ó longo do tempo, «e sobre todo -contou Casares- porque me chamou a atención que no medio de calquera tema falaba de si mesmo».

ISBN: 84-8288-490-5
Nº de páxinas: 117
Encadernación: Tapa blanda

A VIDA DE ÁNXEL FOLE

A VIDA DE ÁNXEL FOLE
Autor: Carlos Casares
Editorial Galaxia, S.A. 1996

Colección: ÁRBORE

Xénero: Biografías

A vida de Ánxel Fole conta sucesos e incidencias da nenez de Fole, da súa mocidade universitaria e da súa aproximación ó galeguismo nos tempos da República. 

Aparece tamén nestas páxinas o Fole escritor, o que escribiría os contos de Á lus do candil e de Terra Brava, tan importantes para o renacer da cultura literaria galega nos tempos posteriorres á Guerra Civil. 

Este é un libro escrito cunha linguaxe clara e accesible, unha amena síntese que pretende facilitar ós lectores unha visión global e ó mesmo tempo chea de pequenos detalles da vida de Ánxel Fole.

ISBN:84-8288-093-4
Nº de páxinas: 81
Encadernación: Tapa blanda