CARVALHO CALERO. SEM FRONTEIRAS

CARVALHO CALERO. SEM FRONTEIRAS

Autor: Aser Álvarez

Deputación Provincial de Pontevedra

Xénero: Biografías

Este projecto documental sobre Ricardo Carvalho Calero (Ferrol, 1910 - Santiago de Compostela, 1990) é um breve percurso pola vida e obra dum ser humano extraordinario.

Galeguista, independiente, poeta, novelista e dramaturgo, professor, ensaísta, crítico, filólogo, investigador rigoroso e infatigável, lutador, honesto e sempre comprometido com o país, a sua é a história épica dum resistente.

É a biografia duma figura essencial na historia de Galiza do século XX, um homem a quem nada galego lhe foi nunca alheio, e ao qual hoje queremos fazer esta pequena homenagem para divulgar a sua mensagem galeguista a través das suas próprias palavras.

Carvalho Calero foi um pioneiro, sempre na vangarda do país. Desde os primeiros poemas de adolescência, escritos em Ferrol Velho, até os anos universitários de líder estudantil em Compostela e o seu compromisso com o Seminário de Estudos Galegos e o Partido Galeguista, desde a luta contra o fascismo durante a guerra até o cárcere e a condena ao ostracismo polo franquismo, desde o seu trabalho como ensinante no colégio Fingoi de Lugo até a autoria da primeira história da literatura galega, a primeira gramática rigorosa ou a primeira novela em galego despois da guerra, desde o seu papel como mestre galeguista até chegar a ser o referente do reintegracionismo nos derradeiros anos da sua vida.

Por isso hoje este nosso Carvalho Calero sem fronteiras, porque é um jeito de devolver-lhe uma pequena parte do que ele fez polo nosso país, divulgando a sua vida e obra nesta Galiza do século XXI.

Nº de páxinas: 47

Formato: 12 cm x 19 cm

Encuadernación: Tapa blanda