A NAI DA NAI DA MIÑA MAMÁ

A NAI DA NAI DA MIÑA MAMÁ

Autor: Alejandra Schmidt Urzua

Ilustracións de: María José Olavarría Madariaga

Tradución de: Charo Baleirón Sóñora

Hércules de Ediciones S.A.

Xénero: Contos infantís.

Idade recomendada: + 5 anos.

Este libro amósanos o proceso da fin da vida e o inicio doutra. Fálanos do camiño natural de deixar que a vida siga o seu curso, de soltar os apegos e os recordos da memoria.

Este é un conto moi especial, podemos leelo do dereito e do revés, por un lado temos a historia contada por unha nena de cinco anos.

A mirada da meniña conéctanos coa percepción que os máis pequenos teñen dos adultos maiores, con aquela empatía e complicidade especial que senten no vínculo que manteñen con eles, e déixanos ver como a sensibilidade, sen a razón polo medio, abre unha porta de acceso ao seu mundo particular.

Cando chegamos a metade do conto nos mandan dar a volta, comeza outro conto!!! Neste novo conto nos contan a mesma historia pero con outros ollos. 

A mirada da bisavoa, real, sincera e directa, amósanos a súa experiencia do envellecer, as perdas sucesivas que debe enfrontar ao final da vida e a esperanza sempre presente de continuar vivindo en paz, na esencia da alma infantil.

Ambas as miradas reflicten un paralelo natural entre a emocionalidade e as vivencias dos nenos e as dos adultos maiores. Insinúan como a fin da vida nos fai volver ser nenos e nos permite compartir un mundo e amor similar.

A lectura destes dous contos condúcenos dun modo humano, sensible e delicado, a conectarnos coas vivencias da nosa infancia, cargadas de afecto e de emoción, nas cales os lazos e vínculos cos nosos antepasados foron fundamentais para o noso proceso de formación como persoas.

Transmítenos ademais a mensaxe do respecto polos nosos adultos maiores, pois as historias que eles comparten connosco son tesouros postos en palabras cargadas de sentido de pertenza e de identidade. Son a base da nosa historia e representan esa parte do pasado que nos brinda pontes co presente. 

ISBN: 978-84-92715-83-1

Nº de páxinas: 44

Formato: 20 x 20 cm

Encadernacion: Tapa dura