PÓRTICO DAS LETRAS
Autor: Xavier Castro Rodríguez
Editorial: Compostela, S.A
Ano de edición: 2005
Santiago de Compostela, a cidade do Apóstolo, foi dende sempre motivo de inspiración entre poetas e narradores.
Na Idade Media, Xelmírez consolidouna e impulsou os traballos da catedral románica ata converter a pequena vila no referente relixioso do occidente cristián.
O cumio acádase co cicel e o mazo do Mestre Mateo que foi quen de humanizar mármores e granitos no conxunto escultórico máis impresionante do protogótico europeo: o Pórtico da Gloria.
Gótico e Renacemento son estilos que deixan fermosas pingas da súa linguaxe en Compostela.
Pero a cidade é algo máis ca fachadas barrocas, platerescas, columnas salomónicas ou un mostrario de estilos. Eis o labor do poeta, do narrador, que espreita o latexo da vida entre as laxes, tras as ventás e parametros. Os que son capaces de gacer bailar a lúa na Quintana, de perseguir o tanxer das badaladas entre arcos e soportais e camiñar ao compás do son que as pingas de auga compoñen ao se derramaren sobre a pedra. Os que escriben da ledicia dos paseos dominicais pola Alameda, do bruído dos oficios antigos...
Todos eles instantes fuxidíos que se fixan na memoria, apañados polos que dominan a palabra escrita. E que tras a lectura, ao volver perder os pasos por Compostela, seremos quen de reparar nos rumores e silencios, nos brillos e nas sombras lidos, converténdoa en algo máis que un museo pétreo ao aire libre.
ISBN: D.L. C-1070-2005
Encuadernación: Tapa branda
Formato: 21 x 15 cm
Nº de páxinas: 111
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.