OS BOLECHAS FAN UNHA BANDA

Os Bolechas fan unha banda

Ilustracións e textos: Pepe Carreiro /Estudio Carreiro

Bolanda Ediciones y marketing

Libro-CD

Idade recomendada: + 3 anos

Tatá está a tocar a corneta e a Pili ocórreselle unha idea: forman unha banda. Ela dirixe mentres Braulio toca o saxofón, Loli o tambor, Carlos o bombo e Sonia toca dous testos de tarteira. Ah! e Chispa toca os axóuxeres.

Pero a banda ten máis músicos: un veciño que toca a guitarra, unha veciña que toca a gaita, outro veciño que toca as maracas e a veciña do ático que toca o helicón do avó.

E que é un helicón? Pois un instrumento que atrona a casa... 

Os Bolechas fan unha banda non só é un libro cunha nova e trepidante aventura dos Bolechas. Tamén é un disco que reúne a algúns dos artistas galegos máis recoñecidos do actual panorama musical.

O disco dos Bolechas inclúe desde a música tradicional galega de Pandeiromus ata a cumbia de O Sonoro Maxín, pasando polo punk máis divertido de Novedades Carminha, o rock de Ataque Escampe ou Sés, o reggae de Transilvanians, o power pop de The Homens. o po pausado de Eladio y los Seres Queridos, o electrónico de Álex Casanova ou o rap de AID. Cada un deles colabora cun tema escrito, composto e gravado exclusivamente para este álbum.

O universo e o espírito dos Bolechas recollido neste CD de dez cancións inéditas, compostas e escritas en galego e gravadas en Galicia en exclusiva para este álbum.

Cancións que farán que os maís pequenos (e non tan pequenos) non poidan deixar de moverse...

ISBN: 978-84-616-6863-2

Formato: 23 x 23 cm

Encuadernación: Cartoné

Nº de páxinas: 24

Contén 1 CD-Audio