Nos últimos meses Tuenti viviu moitos cambios, partindo de ser unha plataforma social empregada maioritariamente polos mozos españois a abrirse a todo o mundo e especialmente, medrar no móbil, tanto en uso dos seus usuarios como desenvolvendo un Operador Móbil Virtual (OMV) con prezos moi atractivos para a mocidade. Como símbolo desta evolución veñen de dar conta de que segundo ComsCore Tuenti superou a media de 10 millóns de usuarios activos ao mes.
Dende Tuenti aseguran que no último trimestre superaron os 15 millóns de usuarios rexistrados e o uso de Tuenti vía móbil ten xa 6 millóns de usuarios únicos ao mes (dos que 1,4 millóns acceden a través da versión web de Tuenti), de aí que a compañía estea a destinar moitos esforzos a mellorar no ámbito móbil, cunha remodelación da súa web e con novas aplicacións móbiles (en breve chegará a Windows Phone)
Tuenti está a ultimar a súa aplicación para Windows Phone
Fuente: Código Cero
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.