"UNHA MAXIA DIFERENTE" - UN ESPECTÁCULO REIVINDICATIVO PARA CONMEMORAR O DÍA INTERNACIONAL DA MULLER E O DÍA MUNDIAL DO TEATRO

Finalizamos as actividades de animación á lectura e dinamización e sensibilización da lingua galega programadas pola Biblioteca Pública Municipal de Pazos de Borbén "BiblioPazos" para o mes de marzo con este espectáculo de maxia que nos trae O MAGO PACO:

O Xoves día 24 de marzo de 13:00 a 14:00 horas no Auditorio do Concello chegará a Pazos de Borbén O MAGO PACO que nos presentará "UNHA MAXIA DIFERENTE", o seu espectáculo máis reivindicativo no que participará o alumnado de 3º e 4º de Primaria do CPI "Curros Enríquez" de Pazos.

A través de distintas historias e xogos de maxia O Mago Paco traballa as diferencias humanas como un punto de unión no que vernos reflexados.

Así, traballa a igualdade e a violencia de xénero dende un punto de vista divertido e ilusionante, sen perder o transfondo educativo.

Deste xeito, despois de asistir a este espectáculo podemos afirmar que:

"Ser diferente é o máis divertido e xenuino que temos os seres humanos"·

E con esta actividade conmemoramos o Día Internacional da Muller e o Día Mundial do Teatro e rematamos as do mes de marzo mentres seguimos preparando as dos vindeiros meses de Abril, Maio e Xuño das que vos iremos informando próximamente.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

"UNHA NENA MOI MOI VALENTE" - UN CONTACONTOS POLA IGUALDADE DE "TRÉMOLA TEATRO" PARA CONMEMORAR O DÍA INTERNACIONAL DA MULLER.

E seguimos conmemorando o Día Internacional da Muller coas actividades de animación á lectura e sensibilización e dinamizacióin da lingua galega programadas por BiblioPazos.

Neste ocasión informamos da actividade que terá lugar tamén o luns 7 de marzo de 13:00 a 14:00 horas  no Auditorio do Concello no que teremos outro contancontos pola igualdade denominado "UNHA NENA MOI MOI VALENTE" que levará a cabo Paula Regueiro García de Trémola Teatro dirixido aos escolares de 1º e 2º de Primaria do CPI "Curros Enríquez" de Pazos.

"Esta é a historia dunha nena que, nunha festa de pixamas, descobre un libro secreto cheo de historias fascinantes con mulleres como protagonistas".

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

"8(M)ULIER" UN CONTACONTOS POLA IGUALDADE DE "TRÉMOLA TEATRO" PARA CONMEMORAR O DÍA INTERNACIONAL DA MULLER

Continuamos coa programación educativo-cultural de animación á lectura e de sensibilización e dinamización da lingua galega de 2022, e para conmemorar o DÍA INTERNACIONAL DA MULLER que se celebra en todo o mundo o próximo martes 8 de marzo.

BIBLIOPAZOS adhírese a esta conmemoración coa programación desta activiadde o luns 7 de marzo de 10:00 a 11:00 horas no Auditorio do Concello na que teremos en Pazos de Borbén a Lucía L. Golán de Trémola Teatro co contacontos "8(M)ULIER" para os escolares de 1º e 2º de ESO do CPI "Curros Enríquez" de Pazos.

"Que pasaría se reinventásemos un conto tradicional?

Se as princesas xa non necesitaran ser salvadas?

E se fose necesario reverter o feitizo?

8M(ulier) reivindica a figura da muller a través de contos, cancións e poemas.

Unha viaxe que non deixará indiferente a ninguén"

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

8 DE MARZO - DÍA INTERNACIONAL DA MULLER 2022

O próximo martes 8 de marzo conmemórase en todo o mundo o DÍA INTERNACIONAL DA MULLER, unha data para loitar pola igualdade, a participación e o empoderamento da muller en todos os ámbitos da sociedade. A forza que consegue un movemento de mulleres en todo o mundo traspasa fronteiras, diferenzas culturais, económicas, ideolóxicas e de calquera tipo. As mulleres unidas teñen o poder de cambiar o mundo e lograr a igualdade en todos os ámbitos da sociedade.

A conmemoración deste día foi promulgado pola Organización das Nacións Unidas (ONU) no ano 1975, pero realmente se viña celebrando dende moito antes.

Mulleres e homes que traballan en sectores dependentes de recursos naturais como a agricultura vense afectados polo cambio climático. Con todo, a muller padece unha maior vulnerabilidade derivada de factores sociais, económicos e culturais. FOTO: FAO/Mónica Castaño.

Dende a Biblioteca Pública Municipal do Concello de Pazos de Borbén queremos participar deste día e unirnos á mensaxe das Nacións Unidas e que o Día das Mulleres sexan todos os días do ano.

O DÍA INTERNACIONAL DA MULLER é un bo momento para reflexionar acerca dos avances logrados, pedir máis cambios e celebrar con valentía e a determinación das mulleres que xogaron un papel clave na historia dos seus países e comunidades.

ONU MULLERES anuncia o tema para o DÍA INTERNACIONAL DA MULLER, o 8 de marzo de 2022, que será "IGUALDADE DE XÉNERO HOXE PARA UN MAÑÁ SOSTIBLE".

O tema recoñece a contribución das mulleres e as nenas de todo o mundo, que están liderando os esforzos de resposta, mitigación e adaptación ao cambio climático para construír un futuro máis sostible para todas as persoas.

Ensaios de frijoles tolerantes á seca en Malawi, que en 2016 sufría a súa peor seca en tres décadas. Foto: CIAT/Neil Palmer.

Potenciar a igualdade de xénero no contexto da crise climática e a redución do risco de desastres é un dos maiores desafíos mundiais do século XXI.

Cada vez é máis evidente que as mulleres son máis vulnerables ao impacto do cambio climático que os homes, xa que constitúen a maioría da poboación pobre do mundo e son máis dependentes dos recursos naturais afectados por esta ameaza ambiental.

Ao mesmo tempo, as mulleres e as nenas son líderes eficaces e poderosas que impulsan o cambio para lograr a mitigación e a adaptación climáticas. Implícanse en iniciativas sostibles en todo o mundo e a súa participación e liderado xeran unha acción polo clima máis eficaz. Para lograr o desenvolvemento sostible e unha maior igualdade de xénero é esencial seguir explorando as oportunidades, así como as limitacións, para permitir que as mulleres e as nenas teñan voz e participen en igualdade na toma de decisións relacionadas co cambio climático. Sen igualdade de xénero hoxe, o futuro sostible e igualitario seguirá estando fóra do noso alcance.

Por iso, a celebración do Día Internacional da Muller das Nacións Unidas é “Igualdade de xénero hoxe para un mañá sostible”.

Este tema do Día Internacional da Muller está en consonancia co tema prioritario do Sesaxésimo sexto período de sesións da Comisión da Condición Xurídica e Social da Muller ( CSW66): “Lograr a igualdade de xénero e o empoderamento de todas as mulleres e as nenas no contexto dos programas e as políticas do cambio climático e a redución dos riscos de desastre e ambientais”.

Por último comentar que con ocasión do Día Internacional da Muller deste ano, ONU Mujeres asociouse coa artista visual Burcu Köleli para elaborar as imaxes ilustrativas do concepto temático de 2022: “Igualdade de xénero hoxe para un mañá sostible”.

Imaxe Fonte Burcu Köleli para ONU Mujeres (2022)

Os carteis do Día Internacional da Muller 2022 poden utilizarse sen fins comerciais na internet e as redes sociais no contexto do Día Internacional da Muller, a condición de que se recoñeza a ONU Mujeres e á artista coa seguinte aclaración: Fonte: Burcu Köleli para ONU Mujeres (2022). Para utilizarlos con otros fines, comuníquese con: permissions@unwomen.org

Para acceder ao kit de marca do Día Internacional da Muller 2022 e demais recursos dispoñibles, faga clic AQUÍ.

Fonte: Naciones Unidas - ONU Mujeres - Diainternacionalde.com

INICIO DA PROGRAMACIÓN DE ACTIVIDADES DE ANIMACIÓN Á LECTURA DE 2022

Como en anos anteriores desde a Biblioteca Pública Municipal do Concello de Pazos de Borbén – BiblioPazos iniciamos a programación cultural-educativa de animación á lectura cunha actividade que terá lugar o próximo Venres día 18 de febreiro coa que queremos conmemorar o DÍA INTERNACIONAL DA MULLER E DA NENA NA CIENCIA.

Esta conmemoración celébrase desde que a ONU (ORGANIZACIÓN DAS NACIÓNS UNIDAS) na súa Asemblea Xeral o 22 de decembro de 2015 decidiu proclamar o 11 de febreiro de cada ano DÍA INTERNACIONAL DA MULLER E A NENA NA CIENCIA co obxectivo principal de lograr unha maior participación e inclusión das mulleres e as nenas no mundo da ciencia e a tecnoloxía e desta maneira romper coa brecha de xénero.

Tamén convidou a todos aos Estados Membros, organizacións e órganos do sistema das Nacións Unidas, a outras organizacións internacionais e rexionais, ao sector privado e ao mundo académico, así como á sociedade civil, incluídas as organizacións non gobernamentais e os particulares, a celebrar este día a través de actividades de educación e sensibilización pública a fin de promover a participación plena e en condicións de igualdade das mulleres e as nenas na educación, a capacitación, o emprego e os procesos de adopción de decisións na ciencia, eliminar toda forma de discriminación contra a muller, mesmo nas esferas da educación e o emprego, e sortear as barreiras xurídicas, económicas, sociais e culturais respecto diso mediante, entre outras cousas, a promoción do establecemento de políticas e plans de estudo no campo da ciencia, incluídos programas escolares, segundo corresponda, para alentar unha maior participación das mulleres e as nenas, promover as perspectivas de carreira das mulleres na ciencia e recoñecer os logros das mulleres na ciencia.

Como dixemos ao principio desta noticia para conmemorar este importantísimo día realizaremos unha actividade que será impartida por Uxía Tenreiro López e Marcia Ares do CENTRO OCEANOGRÁFICO DE VIGO DO INSTITUTO ESPAÑOL DE OCEANOGRAFÍA (IEO, CSIC).

“OCEANOTECA” é un obradoiro no que os participantes mediante xogos, contos e manualidades poderán aproximarse ao océano e aos animais que viven nel e que se desenrolará da seguinte forma:

En primeiro lugar haberá presentación e información xeral sobre o CENTRO OCEANOGRÁFICO DE VIGO empregando imaxes do libro “OS BOLECHAS. O CENTRO OCEANOGRÁFICO DE VIGO” que pode descargarse en formato PDF no seguinte enlace:

http://www.ieo.es/es_ES/web/vigo/libro-os-bolechas

Seguidamente representarese o conto “A camiseta do capitán”, que permitirá, de xeito lúdico, introducir os alumnos nas campañas de investigación que leva a cabo o Instituto Español de Oceanografía. Finalizado o conto os participantes realizarán a través da papiroflexia do buque oceanográfico Ángeles Alvariño.

Imaxe da web https://oceanicas.ieo.es/

Presentaráse de forma breve "OCEÁNICAS", un proxecto do INSTITUTO ESPAÑOL DE OCEANOGRAFÍA (IEO, CSIC) en colaboración coa FUNDACIÓN ESPAÑOLA PARA A CIENCIA E A TECNOLOXÍA (FECYT) do MINISTERIO DE CIENCIA E INNOVACIÓN, que enmarca en 2022 as actividades lo 11F; e daremos por rematada a actividade coa representación do conto “O peixe Arcodavella”.

Participarán os escolares de Infantil e 1º e 2º de Primaria do CPI “Curros Enríquez” de Pazos e os da Escola de Educación Infantil “A Galeriña” de Nespereira e realizarase en tres sesións:

• De 09:45 a 10:45 horas no Auditorio do Concello asistirá o alumnado de Infantil do CPI “Curros Enríquez” de Pazos.
• De 11:00 a 12:00 horas tamén no Auditorio do Concello asistirá o alumnado de 1º e 2º de Primaria do CPI “Curros Enríquez” de Pazos.
• De 12:45 a 13:45 horas na EEI “A Galeriña” de Nespereira asistirá o alumnado desta escola infantil.

Desde a Biblioteca Pública Municipal e desde o Concello de Pazos de Borbén queremos agraceder a disposición e facilidades outorgadas polo personal do CENTRO OCEANOGRÁFICO DE VIGO DO INSTITUTO ESPAÑOL DE OCEANOGRAFÍA (IEO, CSIC) para que este evento se puidera levar a cabo.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

11 DE FEBREIRO: DÍA INTERNACIONAL DA MULLER E DA NENA NA CIENCIA

Imaxe da páxina web 11defebrero.org

Hoxe 11 DE FEBREIRO DE 2022 conmemorase outro ano máis en todo o mundo o DÍA INTERNACIONAL DA MULLER E A NENA NA CIENCIA.

Esta conmemoración celébrase co obxectivo principal de lograr unha maior participación e inclusión das mulleres e as nenas no mundo da ciencia e a tecnoloxía e desta maneira romper coa brecha de xénero desde que a ORGANIZACIÓN DAS NACIÓNS UNIDAS (ONU) na súa Asemblea Xeral o 22 de decembro de 2015 aprobou a Resolución A/RES/70/212 pola que decidiu proclamar o 11 DE FEBREIRO de cada ano DÍA INTERNACIONAL DA MULLER E A NENA NA CIENCIA; e convidou a a todos aos Estados Membros, a todas as organizacións e aos órganos do sistema das Nacións Unidas e outras organizacións internacionais e rexionais, ao sector privado e ao mundo académico, así como á sociedade civil, incluídas as organizacións non gobernamentais e os particulares, a que celebren o DÍA INTERNACIONAL DA MULLER E A NENA NA CIENCIA de maneira apropiada, en particular a través de actividades de educación e sensibilización pública a fin de promover a participación plena e en condicións de igualdade das mulleres e as nenas na educación, a capacitación, o emprego e os procesos de adopción de decisións na ciencia, eliminar toda forma de discriminación contra a muller, mesmo nas esferas da educación e o emprego, e sortear as barreiras xurídicas, económicas, sociais e culturais respecto diso mediante, entre outras cousas, a promoción do establecemento de políticas e plans de estudo no campo da ciencia, incluídos programas escolares, segundo corresponda, para alentar unha maior participación das mulleres e as nenas, promover as perspectivas de carreira das mulleres na ciencia e recoñecer os logros das mulleres na ciencia.

Desde a ONU este ano 2022 trabállase para conseguir que as mulleres e as nenas formen parte da ciencia como axentes do cambio e céntrase no tema "Equidade, Diversidade e Inclusión: A auga únenos", baixo o lema

"MULLERES E NENAS NA CIENCIA: AXENTES DE CAMBIO"

Esta adolescente está realizando un experimento durante una clase de química en la Escuela secundaria de Kamulanga en Lusaka (Zambia). FOTO: UNICEF/UN0145554/Karin Schermbrucker

Se queres saber máis sobre a conmemoración deste día podes acceder ás seguintes páxinas web:

• Día Internacional de la Mujer y la Niña en la Ciencia (ONU)
• 11de Febrero
• Día Internacional de la Mujer y la Niña en la Ciencia
• FASE Fundación

Imaxe da web 11defebrero.org

Tamén podedes pasar pola Biblioteca Pública Municipal de Pazos de Borbén na que temos moitísimos libros sobre Mulleres, Nenas e Ciencia que podedes consultar aquí ou levar para ler na vosa casa e que seguramente vos poden ser de moita utilidade para coñecer a moitas mulleres que fixeron. Seguidamente deixovos algúns enlaces pero se queredes algo concreto soamente tedes que comunicar con nos e consultarnos:

• Pioneiras (1 e 2)
• Mujeres de ciencia. 50 intrépidas pioneras que cambiaron el mundo
• 100 mujeres que cambiaron el mundo
• O valor das ideas: A precursora do libro electrónico. Pequena biografía de Ángela Ruíz Robles
• Las chicas son de ciencias : 25 científicas que cambiaron el mundo
• Las chicas son guerreras : 26 rebeldes que cambiaron el mundo
• Científic@s
• Inventoras y sus inventos
• Marie Curie
• La liga de las Mujeres Extraordinarias
• Un Ronsel de ardora. Pequena biografía de Ángeles Alvariño

E moitos máis.

Imaxe da web Fasefundacion.org

Por último comentar que en BIBLIOPAZOS conmemoraremos este día o próximo Venres 18 de Febreiro no Auditorio do Concello de Pazos de Borbén e na EEI "A Galeriña" de Nespereira cunha actividade que será impartida por Uxía Tenreiro López e Marcia Ares do CENTRO OCEANOGRÁFICO DE VIGO DO INSTITUTO ESPAÑOL DE OCEANOGRAFÍA (IEO, CSIC) e que se denomina:

Nos próximos días iremos contádovos en que consistirá esta actividade.

AGORA ANIMÁDEVOS A PARTICIPAR NAS ACTIVIDADES QUE SE REALIZAN EN TODO O MUNDO PARA CONMEMORAR  O

DÍA INTERNACIONAL DA MULLER E A NENA NA CIENCIA

DIA INTERNACIONAL DA MULLER 2019

O venres 8 de marzo celébrase en case todos os países do mundo o DÍAINTERNACIONAL DA MULLER.

É unha data destinada a recoñecer ás mulleres como artífices da historia e da loita pola súa liberación e igualdade co home que é conmemorada nas Nacións Unidas e en moitos países do mundo.

Dende á Biblioteca Pública Municipal do Concello de Pazos de Borbén queremos participar deste día e unirnos á mensaxe da Nacións Unidas e que o Día das mulleres e en todos os dias do ano, pensemos en igualdade.

"O DÍA INTERNACIONAL DA MULLER é un bo momento para reflexionar acerca dos avances logrados, pedir máis cambios e celebrar a valentía e a determinación das mulleres de a pe que xogaron un papel crave na historia dos seus países e comunidades.

O tema elixido para o Día Internacional da Muller 2019, que se celebrará o 8 de marzo, é “PENSEMOS EN IGUALDADE, CONSTRUAMOS CON INTELIXENCIA, INNOVEMOS PARA O CAMBIO”.

ONU MULLERES insta a líderes e persoas defensoras dos dereitos das mulleres a "Pensar en igualdade, construír con intelixencia e innovar para o cambio", poñendo de relevo os servizos públicos, a seguridade dos ingresos, os espazos seguros e a tecnoloxía para mellorar a situación das mulleres e as nenas.

Este tema centrarase en formas innovadoras nas que podemos avogar pola igualdade de xénero e o empoderamento das mulleres, en especial nas esferas relativas aos sistemas de protección social, o acceso aos servizos públicos e a infraestrutura sustentable.

O logro dos ambiciosos Obxectivos de Desenvolvemento Sustentable (ODS) require cambios transformadores, enfoques integrados e novas solucións, sobre todo no que concierne á defensa da igualdade de xénero e o empoderamiento de todas as mulleres e nenas. Se se manteñen as tendencias actuais, as intervencións existentes non bastarán para conseguir un Planeta 50-50 para 2030. É crucial contar con formulacións innovadoras que rompan coa situación habitual, a fin de eliminar as barreiras estruturais e garantir que ningunha muller e ningunha nena quede atrás.

A innovación e a tecnoloxía brindan oportunidades sen precedentes; con todo, as tendencias actuais indican que a fenda dixital se está ampliando e que as mulleres están insuficientemente representadas nos campos da ciencia, a tecnoloxía, a enxeñería, as matemáticas e o deseño. Isto impídelles desenvolver e influír no desenvolvemento de innovacións sensibles ao xénero que permitan lograr beneficios transformadores para a sociedade. Desde a banca móbil ata a intelixencia artificial ou a Internet das cousas, é vital que as ideas e as experiencias das mulleres inflúan por igual no deseño e a aplicación das innovacións que conformarán as sociedades do futuro.

Facéndose eco do tema prioritario do 63.º período de sesións da Comisión da Condición Xurídica e Social da Muller, o Día Internacional da Muller 2019 poñerá a mirada nos líderes da industria, as empresas emerxentes que están a cambiar o panorama no mundo dos negocios, ás/os emprendedoras/es sociais, as/os activistas que traballan en favor da igualdade de xénero e as mulleres innovadoras, co obxecto de examinar como pode a innovación eliminar barreiras e acelerar os avances cara á igualdade de xénero, fomentar o investimento en sistemas sociais sensibles ao xénero e construír servizos e infraestruturas que dean resposta ás necesidades das mulleres e as nenas.

Convidámosvos a unirse a todas as mulleres o 8 de marzo de 2019 para celebrar un futuro no que a innovación e a tecnoloxía creen oportunidades sen precedentes para que as mulleres e as nenas desempeñen un papel activo na creación de sistemas máis inclusivos, servizos eficientes e infraestruturas sustentables para acelerar o logro dos ODS e da igualdade de xénero."

Fonte: Nacións Unidas - ONU Mulleres

PRÓXIMAS ACTIVIDADES DE ANIMACIÓN Á LECTURA EN COLABORACIÓN COA FUNDACIÓN FILOMENA RIVERO ALONSO

O pasado mes de abril a Presidenta da Fundación Filomena Rivero Alonso Dª Gracia María Regojo Bacardí e o Alcalde do concello de Pazos de Borbén D. Andrés Iglesias Rodríguez asinaban un convenio de colaboración entre ámbalas dúas institucións co obxecto de desenrolar conxuntamente actividades de carácter formativo, educativo, culturais e sociais dirixidas a tódolos públicos. 

Grazas á sinatura deste convenio organizáronse diversas actividades de animación á lectura que terán lugar no último trimestre deste ano 2016 na Sala de Lectura da Biblioteca Pública Municipal de Pazos de Borbén “BIBLIOPAZOS”:

-Do 3 de outubro ao 9 de decembro de 2016, EXPOSICIÓN BIBLIOGRÁFICA “MAURICE SENDAK” que poderá ser visitada gratuitamente no horario de apertura habitual da biblioteca.

-O Día 9 de novembro, Mércores, ás 11:00 horas da mañá está prevista a primeira visita de escolares á Exposición bibliográfica “Maurice Sendak”, que realizarán os alumnos de 1º de primaria do CPI “Curros Enríquez” de Pazos cos que se levará a cabo un obradoiro dedicado á obra do autor homenaxeado na exposición.

-O Día 9 de novembro, Mércores, ás 13:00 horas, a contadora de historias Patricia Martínez de EDUVIA ofrecerá o seu espectáculo “Contacontos Dadá o Duende”, unha sesión chea de contos amenos adaptados ás idades dos asistentes que lles irá relatando un duende chamado “Dadá” co obxectivo de fomentar o hábito lector, á vez que se tratan valores como a igualdade e a convivencia. Participarán nesta actividade uns 50 alumnos de 5º e 6º de primaria do CPI “Curros Enríquez” de Pazos.

-O Día 10 de Novembro, Xoves, a partir das 11:00 horas, Ana Romero Porto “NITA” traerá o seu espectáculo “A ciencia é divertida” para conmemorar a Semana Internacional da Ciencia e a Paz - Día Mundial da Ciencia que se celebra en todo o mundo ese mesmo día.

En dúas sesións, a primeira de 11:00 a 12:00 horas acudirán os rapaces de 1º de primaria, e de 12:30 a 13:30 os escolares de 2º de primaria do Colexio Público Integrado “Curros Enríquez” de Pazos. 35 nenos e nenas gozando dos contos e da ciencia. 

Nos primeiros anos de vida movémonos pola curiosidade. Por iso é esencial aproveitar todos os momentos para que os nenos e as nenas aprendan da forma máis divertida. A ciencia está presente na nosa vida e os nenos e as nenas aínda o están descubrindo. Deixémoslles experimentar!

-O Día 19 de Decembro, Luns, a partir das 13:00 horas, GENMA PARDO, Gema, gemola a contadora de contos que máis mola, ofreceranos o seu espectáculo “Zampulladas: come de todo menos trapalladas” co que celebraremos a declaración pola Asemblea Xeral da ONU do ano 2016 como “Ano internacional das legumes”, e na que se designou á Organización das Nacións Unidas para a Alimentación e a Agricultura (FAO) para que facilite a celebración deste evento co que se propón sensibilizar á opinión pública sobre as vantaxes nutricionais dos legumes como parte dunha produción de alimentos sustentable encamiñada a lograr a seguridade alimentaria e a nutrición.

Asistirán uns 48 nenos e nenas de 3º e 4º curso de primaria do CPI “Curros Enríquez” de Pazos.

Nestas actividades está prevista a participación de máis de 150 escolares de tódalas idades.

INFORMACIÓN
Biblioteca Pública Municipal "BIBLIOPAZOS"
Teléfono: 986 497 273

biblioteca@pazosdeborben.org
Horario: 09:00 a 14:00 horas

 

DÍA DOS AVÓS E DAS AVOAS

No noso calendario hai días suficientes para celebrar unha gran cantidade de eventos e homenaxear a moitos grupos de persoas.

Algúns destes días son dabondo coñecidos por todos, como sucede co Día do Pai ou o da Nai. Tanto a publicidade como os propios comercios encárganse de lembrarnos estas datas con bastante antelación, para que podamos demostrar aos nosos proxenitores canto lles queremos e o importante que foron para nós.

Con todo, outras festividades non son tan populares e caen nun esquecemento inmerecido. Este é o caso do Día dos Avós e das Avoas, unha data que habería que resaltar para que podamos sorprender aos máis maiores da familia dándolles as grazas por toda unha vida ao noso lado.

A data do Día dos Avós e das Avoas ten lugar, cada ano, o 26 de xullo. É a tempada estival a que enmarca unha celebración na que se rende homenaxe a estes membros da familia, tan importantes e esenciais en moitos casos. 

É especialmente agora, nestes tempos de crises e recesión económica, cando os nosos maiores fan o imposible por axudarnos, desde compartir a súa pensión co resto de membros da familia ata coidar dos pequenos, preparar a comida ou manter a nosa casa ordenada.

Por iso, hoxe 26 de xullo, Día dos Avós e das Avoas 2016, prepara algo especial con eles: unha reunión con todos os fillos, netos e sobriños; unha saída a un furancho, bar, restaurante…; unha escapada ao campo ou unha visita a un spa ou centro de masaxe... e tamén, porqué non, lendo un libro de contos ou aventuras dos moitos que temos para todos vos en BiblioPazos. 

As boas temperaturas deste verán e as vacacións escolares fan que esta data sexa a máis indicada para organizar algo así.

A fin de contas, trátase de agradecerlles todo o seu esforzo e de demostrarlles que, sen eles, a familia non sería a mesma.

Dende BiblioPazos queremos desexarvos un Feliz día para todos os avós e avoas do mundo e para as súas familias. 

Fonte: http://www.diafestivo.es/