"UNHA MAXIA DIFERENTE" - UN ESPECTÁCULO REIVINDICATIVO PARA CONMEMORAR O DÍA INTERNACIONAL DA MULLER E O DÍA MUNDIAL DO TEATRO

Finalizamos as actividades de animación á lectura e dinamización e sensibilización da lingua galega programadas pola Biblioteca Pública Municipal de Pazos de Borbén "BiblioPazos" para o mes de marzo con este espectáculo de maxia que nos trae O MAGO PACO:

O Xoves día 24 de marzo de 13:00 a 14:00 horas no Auditorio do Concello chegará a Pazos de Borbén O MAGO PACO que nos presentará "UNHA MAXIA DIFERENTE", o seu espectáculo máis reivindicativo no que participará o alumnado de 3º e 4º de Primaria do CPI "Curros Enríquez" de Pazos.

A través de distintas historias e xogos de maxia O Mago Paco traballa as diferencias humanas como un punto de unión no que vernos reflexados.

Así, traballa a igualdade e a violencia de xénero dende un punto de vista divertido e ilusionante, sen perder o transfondo educativo.

Deste xeito, despois de asistir a este espectáculo podemos afirmar que:

"Ser diferente é o máis divertido e xenuino que temos os seres humanos"·

E con esta actividade conmemoramos o Día Internacional da Muller e o Día Mundial do Teatro e rematamos as do mes de marzo mentres seguimos preparando as dos vindeiros meses de Abril, Maio e Xuño das que vos iremos informando próximamente.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

"A HORA MÁXICA" - 3ª e última sesión - Día Internacional do Teatro

O Venres día 26 de Marzo, ás 13:00 horas teremos a 3º e última sesión do espectáculo "A HORA MÁXICA" na que participarán os alumnos de 4º a 6º de Primaria do CPI "Curros Enríquez" de Pazos e os usuarios da Asociación ASPAVI, e coa que rematamos neste mes de marzo de pandemia do ano 2021 as conmemoracións do  DÍA MUNDIAL DEL TEATRO.

Neste espectáculo de maxia online a través da plataforma Zoom varios magos de diversos puntos da xeografía española farán as delicias dos nenos e nenas cos seus xogos de maxia.

Con "A HORA MÁXICA" promovese a cultura segura xa que os asistentes poderán gozar e participar dun show en vivo e en directo sen saír das súas casas, aulas, etc.

Un espectáculo divertido, participativo, máxico, ilusionante, sorprendente e, sobre todo, seguro.

PARTICIPA DAS ACTIVIDADES DE BIBLIOPAZOS!!!

ESPERÁMOSTE!!!

"A HORA MÁXICA" - 2ª Sesión - Día Internacional do Teatro

O Xoves 18 de Marzo ás 13:00 horas teremos a 2ª sesión do espectáculo "A HORA MÁXICA" na que participarán os alumnos de 1º a 3º de Primaria do CPI "Curros Enríquez" de Pazos e aos usuarios da Asociación ASPAVI.

Con esta actividade organizada pola Biblioteca Pública Municipal de Pazos de Borbén -  BiblioPazos para este mes de marzo de pandemia do 2021 queremos seguir conmemorando o DÍA MUNDIAL DEL TEATRO.

"A HORA MÁXICA" é un espectáculo de maxia online a través da plataforma Zoom na que magos de diversos puntos da xeografía española farán as delicias dos nenos e nenas cos seus xogos de maxia. Desta forma promovese a cultura segura na que os asistentes poderán gozar e participar dun show en vivo e en directo sen saír das súas casas, aulas, etc., cumprindo os requisitos que caracterizan a este espectáculo: divertido, participativo, máxico, ilusionante e, sobre todo, seguro.

En definitiva, un espectáculo seguro, divertido, participativo, máxico e sorprendente.

PARTICIPA DAS ACTIVIDADES DE BIBLIOPAZOS!!!

ESPERÁMOSTE!!!

"A HORA MÁXICA" - Espectáculo de maxia online - Día Mundial do Teatro

Continuamos coas actividades organizadas pola Biblioteca Pública Municipal de Pazos de Borbén -  BiblioPazos neste mes de marzo de pandemia do 2021, e agora tócalle o turno á maxia e para iso teremos con nós o espectáculo "A HORA MÁXICA" co que queremos conmemorar o DÍA MUNDIAL DEL TEATRO.

O Día Mundial Do Teatro foi creado polo ITI (Instituto Internacional do Teatro) e celebrouse por primeira vez o 27 de marzo de 1962, data da apertura da tempada do "Teatro das Nacións" en París. Desde entón, cada ano nesta data, o World Theatre Day (Día Mundial do Teatro) celébrase a escala mundial.

"A HORA MÁXICA" é un espectáculo de maxia online a través da plataforma Zoom na que magos de diversos puntos da xeografía española farán as delicias dos nenos e nenas cos seus xogos de maxia.

Deste xeito promovemos a cultura e os asistentes poderán gozar e participar dun show en vivo e en directo sen saír das súas casas, aulas, etc., cumprindo uns requisitos que caracterizan a este espectáculo: divertido, participativo, máxico, ilusionante e, sobre todo, seguro.

Haberá 3 sesións dunha duración aproximada cada unha delas de 60 minutos e terán lugar os seguintes días:

• Martes 16 de Marzo ás 12:30 horas dirixida aos alumnos e alumnas de Infantil do CPI "Curros Enríquez" de Pazos e da EEI "A Galeriña" de Nespereira.
• Xoves 18 de Marzo ás 13:00 horas dirixida aos alumnos de 1º a 3º de Primaria do CPI "Curros Enríquez" de Pazos.
• Venres 26 de Marzo ás 13:00 horas dirixida aos alumnos de 4º a 6º de Primaria do CPI "Curros Enríquez" de Pazos.

Tamén están convidados a participar nas sesións os usuarios e usuarias da Asociación ASPAVI.

Un espectáculo adaptado a unha nova normalidade, a un novo espazo, pero que segue sendo divertido e participativo tanto para os que o crean como para os que o gozan.

"A HORA MÁXICA" pretende ser un espazo lúdico onde os nenos e nenas poidan ter unha actividade diferente nesta nova situación que estamos a vivir. Unha canle de televisión interactiva e moderna na que as persoas que elixan ver este "programa" seguro que repetirán, xa que eles serán os protagonistas.

Un espectáculo seguro, divertido, participativo, máxico e sorprendente.

PARTICIPA NAS ACTIVIDADES DE BIBLIOPAZOS!!!

ESPERÁMOSTE!!!