xoves, 12 de decembro de 2013

O espantallo - LITERATURA INFANTIL


O espantallo
Autor: Xosé Agrelo Hermo
Ilustracións de Pepe Carreiro
Limiar de David G. Couso
 
Conto infantil.
 
Idade recomendada: +6 anos
 
Dous paus cravados,
un feixe de palla,
unha chaqueta da cor do vento
e un sombreiro cheo de buratos:
ESE SON EU.
 
 
Conta o espantallo -dous paus cravados, un feixe de palla, unha chaqueta, un sombreiro esfucarado e mais unha cachimba inglesa que lle puxeron un fato de raparigos- que, situado na agra fronte á escola, pode ver os nenos estudiar e de paso vai adquirindo cultura.
 
No recreo métense con el, pero sabe que é xogando, que lle mostran así a súa amizade. Cando eles faltan, bota longas parrafadas cos paxariños: parece unha árbore florecida, con todos enriba del.
 
Como o amo emigrou para Alemaña, quedou sen traballo, pois na leira non hai nada cultivado.
 
Os amigos de antes pérdenlle o respecto e non o ollan nin de lonxe.
 
Vaise desfacendo a modiño: un galopín róuballe a cachimba, un pobre a chaqueta en pleno xaneiro e o vento tíralle o sombreiro.
 
Parece un cruceiro de carballo retorto.
 
Se ata un peto está facendo un niño nun dos seus paus.
 
É ben certo: "O fado dos espantallos ninguén o sabe".
 
32 páx.
14 x 21 cm
ISBN: 978-84-92792-85-6
 
 

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger