E para este mes de medo, meigas, vampiros..., lecturas terroríficas para os cativos da casa

E para este mes de medo, meigas, vampiros..., lecturas terroríficas para os cativos da casa

NOVEDADES DE LECTURA PARA LOS PEQUES

NOVEDADES DE LECTURA PARA LOS PEQUES

NOVEDADES DE LECTURA PARA ADULTOS

NOVEDADES DE LECTURA PARA ADULTOS

martes, 2 de abril de 2013

DIA INTERNACIONAL DO LIBRO INFANTIL 2013

Fai CLIC no cartel
O Día Internacional do Libro Infantil e Xuvenil (International Children's Book Day)  celébrase todos os anos o 2 de Abril. É unha oportunidade especial para ver ou ler un libro cos nosos fillos, unha actividade estimulante e divertida onde as haxa.

Conmemórase neste día porque é o aniversario do nacemento de Hans Christian Andersen (1805-1875), escritor danés de contos tan famosos como "A sirenita" ou "O patito feo".

Este día é promovido polo IBBY (Organización Internacional para o Libro Xuvenil) desde o ano 1967. Con este motivo, en moitos lugares do globo terráqueo lévanse a cabo distintas celebracións destinadas a promover a lectura entre os máis pequenos da casa e tamén co ánimo de inspirar amor polos libros e a lectura e para chamar a atención da comunidade internacional sobre a literatura infantil e xuvenil.

Cada ano unha Sección Nacional deste Organismo Internacional patrocina o día e invita a un escritor do país a escribir unha mensaxe para os nenos do mundo e a un ilustrador a deseñar un póster, materiais que se utilizan en todo o mundo para promocionar os libros e a lectura. Para o 2013 a sección norteamericana difunde o cartel de Ashely Bryan e a mensaxe de Pat Moura.

A OEPLI (Organización Española para el Libro Infantil y Juvenil), sección española do IBBY promove a celebración en todo o Estado a través das súas Seccións e pide a colaboración das bibliotecas e librerías de España para que organicen unha actividade.

MENSAXE DO DÍA INTERNACIONAL DO LIBRO INFANTIL
Fai clic AQUÍ para ver a mensaxe noutros idiomas

Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.

Oímos murmurios
e ríos buliciosos nas súas páxinas,
osos que cantan
graciosas melodías á lúa.

Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.

Lemos xuntos, ti e eu, dando voltas e voltas,
percorrendo o mundo coa alegría nos libros.

 Poema de Pat Moura
Tradución: Concha Blanco

ADHESIÓNS á celebración do día internacional do libro infantil

Bibliotecas, librerías e outras entidades celebran habitualmente este aniversario mediante a organización de exposicións, encontros con escritores e ilustradores, presentacións de libros, sesións de libro-forum e actividades de animación á lectura.

Desde as catro Seccións da OEPLI anímase principalmente ás librerías e bibliotecas, para que organicen actos en torno á figura de Andersen.

Lista de adhesións (pdf)

Fonte: Oepli

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger