domingo, 17 de novembro de 2013

¡Un can no piso! - LITERATURA INFANTIL

 

¡Un can no piso! 
Fina Casalderrey 
Ilustracións de Kristina Sabaite 
Ed. Galaxia. Vigo, 2010 

Idade recomendada: + 6 anos 

Haiche persoas moi distintas e peculiares, algúns teñen un can no seu piso.

¡Un can no piso!, berraron ao tempo papá e mamá... ¡Nin que topasen cunha serpe velenosa!

Pero Ton é unha bola de pelos que non fai mal a ninguén... 

Conta a voz narradora de Inma do enfado dos seus pais cando chegou á casa cun cadelo. Estaba só e triste no parque, igual que un peluche dourado e de ollos escuros. Como ela lle ofreceu un pouco de cariño, seguiuna ata a súa casa. Entón -cosa antes impensable- non se negaron a que quedase. Aprendeu pronto a comportarse e cambiou á familia: o avó volveu falar grazas á súa compañía, o pai corre con el para non engordar e mesmo a nai se encariño co can. E Ton di co rabo que tamén está contento. 

Por iso cando chega a tía de visita e exclama con noxo que hai un can no piso, todos lle contestan: E que? 

Con ilustracións alternando nas páxinas co texto, a colección presenta situacións problemáticas próximas aos lectores cun tratamento literario desdramatizador.
 
36 páx.
19 x 16 cm.
ISBN 978-84-9865-274-1

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger