Novidade en BIBLIOPAZOS
HA VUELTO
Autor: Timur Vermes
Editorial: Seix Barral, 2013
Xénero: Humor
O fenómeno literario do ano: un éxito sorprendente en Alemaña, que xa cruzou fronteiras.
É o verán de 2011. Adolf Hitler
esperta nun descampado no centro de Berlín. Non hai símbolos nazis,
reina a paz, as rúas están invadidas por estranxeiros, e Alemaña está
gobernada por unha muller repoluda que fai o que quere en Europa.
Sesenta e seis anos despois da súa caída, o resucitado Hitler triunfa na televisión como perfecto imitador do Führer,
un cómico xenial. Pero el non chancea en absoluto. A fama é a
plataforma perfecta para retomar a súa carreira política. Que dano
podería facer hoxe Hitler? Esta disparatada
historia está contada por el mesmo, un home que analiza tenazmente o
seu ámbito, que descobre de modo fulminante os puntos débiles dos
demais, que, cunha teimosía sen límites, guía a súa estraña lóxica, con
fanatismo pero tamén con lucidez. As librarías de toda Alemaña exhiben a
portada do fenómeno literario do ano. Esta divertida novela que xa leu
un millón de persoas pronto será publicada en trinta e dous países,
mentres se roda a película. Timur Vermes logrou algo inimaxinable con esta sátira feroz, e é que ríamos non xa de Hitler, senón con el. É posible algo así? Está permitido?
ISBN: 978-84-322-2036-4
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.