VISITAS

venres, 4 de outubro de 2013

Os Bolechas van de viaxe - "A Reconquista de Vigo" - LITERATURA INFANTIL

A Reconquista de Vigo
Ilustracións de Pepe Carreiro 
Col. Os Bolechas van de viaxe.
Eds. A Nosa Terra. Vigo, 2006

Idade recomendada: + 6 anos

Os Bolechas van á casa da súa avoa á festa da Reconquista, que a cidade celebra disfrazándose con traxes da época, en recordo da loita contra os soldados franceses que no ano 1809 invadiron Vigo. A avoa cóntalles o que lle dixo a súa avoa que lle acontecera á avoa desta. Era peixeira. Namorouse dun soldado francés, con aquel uniforme tan rechamante, e el dela: foi un frechazo mutuo. Como na vila non había tropa para facer fronte ao exército francés, o alcalde rendeuse. Ela uniuse á resistencia contra os invasores, escalando na noite polas murallas do castelo no que gardaban a pólvora, pero encontrouse co soldado e estivo de charla con el ata o amañecer. Os rebeldes, sen esperar ao seu regreso, iniciaron o asalto conseguindo recuperar a cidade o 28 de marzo, con axuda dos barcos ingleses. Pero a avoa Carme e o seu francés Michel non foron con todos: estaban a tomar baños xunto ás murallas da vila. 

Agora, os Bolechas xa coñecen o festexo da Reconquista polo que lle pasou á súa tataravóa.

28 páx.
17 x 17 cm.
ISBN 978-84-8341-046-2 

Fonte:  BLIX

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger