Por se che pasa - LITERATURA INFANTIL

Por se che pasa

David Otero Fernández
Ilustracións de RuAn
Col. Tartaruga Ed. Galaxia. Vigo, 2008
Reedición con novas ilustracións 

Un gran tractorista dirixiuse a unha aldea co seu tractor. Os nenos, que estaban de vacacións, saíronlle ao encontro e na praza pedíronlle, por encarga dos seus pais, que fose a traballar ás súas casas. Para decidir a cal iría, preguntoulles como arrefriaban o leite. Na neveira, con auga, botándolle galletas e mollando nela pan tostado con manteiga salgada... Esta última foi a resposta que máis lle gustou, polo que xa soubo onde traballar: na casa da nena á que se lle ocorrera. Nela, antes de empezar a faena, almorzaron os dous para celebralo. 

Historia sinxela e de texto mínimo cun elemento lúdico curioso: os nomes do señor, da aldea ou da nena ten que decidilos o lector escollendo entre as longas series de nomes propios que aparecen nas correspondentes páxinas. 

28 p -16x19 cm

ISBN  978-84-9865-098-3 

Fonte: BLIX

FAITE SOCIO DA BIBLIOTECA E LÉVAO PARA LER NA TÚA CASA