Quero ser Presidente - LECTURA ADULTOS

QUERO SER PRESIDENTE
Claves da comunicación electoral
Rúas Araujo, Xosé
Alvarellos Editora
1ª Edición, Febreiro 2008
Colección: Oeste [Ensaio y Divulgación]

TODO SOBRE AS CAMPAÑAS ELECTORAIS, OS CANDIDATOS E AS SÚAS ESTRATEXIAS

Xosé Rúas utiliza neste libro a súa dilatada traxectoria como xornalista, columnista, profesor, investigador universitario e asesor de comunicación política, para achegarnos, nun ton didáctico e ameno, enriquecido por constantes anécdotas e notas de humor, as claves teóricas e técnicas da propaganda e do marketing electoral. Escrito por un experto teórico e profesional galego de referencia, Quero ser presidente. Claves da comunicación electoral ha marcar un antes e un despois nas estratexias electorais empregadas no noso país.

Resultará imprescindible e mesmo revelador para calquera especialista ou curioso por coñecer un pouco máis o apaixonante mundo que se agocha detrás de cada campaña electoral.

A OPINIÓN DOS EXPERTOS

“O libro de Xosé Rúas está cheo de intelixencia práctica e ha ser unha lectura obrigada para calquera que guste do máxico mundo electoral, onde flúen os intereses e os soños, a democracia e o desexo. Unha boa entrega á bibliografía galega sobre comunicación política e unha proposta de debate sobre os procesos electorais e todo o que vai con eles”.

Fermín Bouza Catedrático de Opinión Pública da Universidad Complutense de Madrid (UCM)

“Descubre unha dimensión descoñecida da política e das campañas electorais que todo votante debería coñecer”.

Pere Oriol Costa Catedrático de Comunicación Política da Universitat Autónoma de Barcelona (UAB) 

“Directas, divertidas, útiles, reais e prácticas, creo que estas Claves de Xosé Rúas constitúen agora o máis actualizado consello para candidatos que queren gañar”. 

13 x 23 cm.

ISBN:  978-84-89323-22-3

Páxinas: 198

Idioma: Galego

Encadernación: Tapa branda con lapelas, plastificada

Materia: Campañas y publicidad políticas

Fonte: Alvarellos editorial

FAITE SOCIO DA BIBLIOTECA E LÉVAO PARA LER NA TÚA CASA