VISITAS

mércores, 29 de maio de 2013

Dominicanas Somos - BANDA DESEÑADA

Dominicanas Somos
Enrique Mauricio
Carlos Taboada
Dominicanas somos nace da proposta que lle fai a oenegué ACPP (Asemblea de Cooperación pola Paz) no 2011 ó colectivo Polo Correo do Vento, para levar a cabo a realización dunha banda deseñada que amose a realidade da muller latinoamericana e máis concretamente, a da muller na República Dominicana, os seus problemas, inquedanzas, loitas e vitorias.

No 2012, Polo Correo do Vento, Enrique Mauricio e Carlos Taboada, autores da colección do mesmo nome editada por Ed. Xerais de Galicia, viaxan á República Dominicana coa intención de  vivir de preto a cultura e a situación dominicanas. Nesta viaxe atoparán persoas marabillosas que lles axudarán no seu propósito e que lles ampliarán enormemente a súa visión desta realidade e doutras coas que non contaban.

Dominicanas somos é o resultado de todo isto. E dela e da experiencia, estamos moi orgullosos e agradecidos, polo que agardamos que vos guste e que consiga aportar un gran de area máis á loita polos ideais de igualdade, educación e liberdade que sinceramente compartimos.

Polo Correo do Vento.
Pontevedra, 2013

A obra foi editada pola Asemblea de Cooperación pola Paz (ACPPL) no marco do proxecto"Mulleres en movemento"; financiada pola Xunta de Galicia a través da Dirección Xeral de Relacións Exteriores e coa Unión Europea da Xunta de Galicia, e contando co aopio das ONG's dominicanas: 'Tú, Mujer', MUDHA, IDAC, EEMUR e JACAREFE.

Podes descargar a obra no seguinte enlace: Dominicanas Somos

Grazas e Enrique Mauricio e a Carlos Taboada polo agasallo desta obra para os lectores de BIBLIOPAZOS.


Faite socio de BIBLIOPAZOS e lévao para ler na túa casa.


Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger