VISITAS

domingo, 29 de xaneiro de 2017

INVENTARIO ILUSTRADO DE INSECTOS


INVENTARIO ILUSTRADO DE INSECTOS
Autor: Virginie Aladjidi
Ilustracións: Emmanuelle Tchoukrie             

Traducción: Fernando Moreiras
Editorial: Factoría K de libros


Xénero: Ciencias Puras - Zooloxía

Idade recomendada: +6 anos

“Inventario ilustrado de insectos” reúne 65 especies de insectos de procedencia europea e do resto do mundo: coleópteros, lepidópteros, dípteros, himenópteros, isópteros...

Só os artrópodos xa representan máis do 80% dos animais que habitan no planeta. Os científicos, que teñen catalogado un millón de tipos de insectos, calculan que a cifra real  está entre os cinco e os dez millóns de especies. Con todo, son criaturas moi útiles, posto que colaboran na polinización das flores e son o sustento doutros animais. 

As ilustracións deste libro son de estilo científico, representadas coa precisión dos naturalistas nos cadernos de campo de antano: perfís feitos con rotulador e con tinta chinesa, e acuarelas que favorecen o xogo de cores e as transparencias.

Un libro atractivo non só pola vistosa representación gráfica dos insectos, senón polos contidos técnicos-asequibles e informativos sobre a súa anatomía, hábitat, alimentación, curiosidades relacionadas coa captación dos sentidos e das imaxes, ou o desenvolvemento fisiolóxico dos que experimentan a metamorfose.

ISBN: 978-84-15250-91-3
Nº de páxinas: 40
Encadernación: Tapa dura

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger