domingo, 27 de outubro de 2013

Peregrino na sombra - LITERATURA INFANTIL

Peregrino na sombra
Pere Tobaruela / Ana Boullón
Ilustracións de Andrés Meixide 
Col. Branco de cores, 8. 
Ed. Sotelo Blanco / Consorcio de Santiago. Santiago de Compostela, 2009
 
 
Idade recomendada: +6 anos 
 
Branco de Cores explícalles nesta entrega as alumnas e alumnos do colexio de Orfas en que consiste o Ano Santo, que se celebra cando o día 25 de xullo coincide en domingo dende 1122, cando o Papa Calixto II lle outorgou á cidade de Santiago de Compostela este privilexio. Nel, os peregrinos poden gañar a graza do Xubileu ou perdón dos seus pecados visitando a tumba do apóstolo Santiago, rezando unha oración e recibindo os sacramentos da penitencia e da comuñón. Ao día seguinte entran todos pola Porta Santa, que se abre cada 31 de decembro do ano anterior ao Ano Santo, ven funcionar o Botafumeiro, abrazan a imaxe do apóstolo e baixan á cripta onde está o seu sepulcro. Horas despois, o cabaliño descobre a unha das rapazas debuxando na praza da Quintana a fachada na que está o Pórtico Real, e descobren que dela sae o peregrino na sombra, o duque de Aquitania ou Don Gaiferos, que lles conta que peregrinou a Compostela, para que o apóstolo lle curase a súa tristura. 
 
E dende entón a súa sombra quedou na Quintana, pero só aqueles que o saben poden vela despois de poñerse o sol. 
 
Novo álbum desta colección que se ambienta nos espazos representativos da cidade de Santiago de Compostela. 
 
ISBN 978-84-7824-590-1
28 páx.
23 x 22 cm.

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger