2º Ciclo de Tradición Oral "Falar por Falar"

2º Ciclo de Tradición Oral "Falar por Falar"
3, 10, 17 e 21 de Novembro de 2017 / Auditorio do Concello

mércores, 20 de marzo de 2013

O arco da vella - LECTURA INFANTIL

O arco da vella
Charo Pita
Ilustracións de Xosé Tomás

Col. Merliño.
Ed. Xerais. Vigo, 2009

A vella Maruxa tiña un amor viaxeiro. Cando el un día embarcou, ela entregoulle o abrigo que lle tecera con sete fíos de la e el deixoulle nos labios un bico e na man un anel de prata. Nunca volveu, pero Maruxa, apañando nos grelos ou montando na moto, ollaba o anel e non o esquecía. Pero unha noite o anel non estaba no dedo. Remexeu por todas partes na casa e na horta sen éxito. Entón con sete cabos dos sete fíos de la argallou unha escada que atou á punta dunha estrela e armada cunha vasoira subiu por ela. Varreu sete veces o ceo mais non atopou o seu anel entre as constelacións. Co seu cazaboloretas apresou setecentas setenta e sete estrelas, mais tampouco o viu. Nin cun potente imán co que removeu satélites, naves espaciais e sete mil planetas.

Triste, cansa e con frío, dispoñíase a durmir cando unha estrela fugaz cruzou a noite. Mirándoa, pediu un desexo con tanta forza que a lúa rodou ceo abaixo e foise coar nun dos seus dedos. E Maruxa quedou durmida co seu fermoso anel de prata.

Contan que á mañá seguinte, nun lugar de carballos e gaitas, un vello albiscou no ceo un arco de sete cores, as mesmas que tinxían o seu abrigo de la.

36 páx.
18 x 20 cm.
ISBN 978-84-9782-978-6

Fonte: BLIX
FAITE SOCIO DE BIBLIOPAZOS E LÉVAO PARA LER NA TÚA CASA
 

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger