Dende hai horas os servidores FTP de Mozilla contan, antes do seu anuncio oficial, coa versión definitiva do Firefox 18, nova versión do navegador web que xa está dispoñible para a súa descarga en galego para Windows, OS X e Linux, ofrecendo numerosas actualizacións para corrixir fallos detectados e incorporando tamén novidades, entre as que destaca o soporte das pantallas Retina para usuarios con OS X 10.7 e superior. A nova versión de Firefox consegue un mellor desenvolvemento de JavaScript grazas ao compilador IonMonkey, inclúe soporte preliminar de WebRTC (estándar que facilitará as comunicacións de voz, vídeo e intercambio de ficheiros dende o navegador sen precisar de complementos adicionais), mellora o xeito de mudar entre lapelas e incluso ofrece unha mellor calidade das imaxes que aparecen na web a un tamaño distinto do orixinal (grazas a un novo algoritmo de escalado).
Como vén a ser habitual, tamén inclúe novidades de grande utilidade para desenvolvedores e mellora o seu soporte de HTML5.
luns 7 de xaneiro do 2013, por
Fonte:
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.