Recomendación de LECTURA INFANTIL

Fiz, o coleccionista de medos

Fina Casalderrey

Ilustracións de Teresa Lima
Col. O. OQO Editora. Pontevedra, 2009

+ 4 anos

Fiz non era coma os outros nenos:

Fiz era o neno máis medorento do mundo!
Unha historia para favorecer a expresión de sentimentos e tirar proveito de algo que, en principio, podería parecer unha limitación ou unha barreira para o día a día.
A coñecida escritora galega fainos unha invitación para que nos riamos de nós mesmos, e a ilustradora portuguesa Teresa Lima, que acepta o convite, amósalle a súa complicidade nas sempre elegantes e cálidas imaxes do álbum.
A artista lusa, resolve a parte visual coa súa coñecida e xa recoñecida, despois dos múltiples e importantes premios recibidos, liña plástica, baseada nunha técnica mixta na que mestura os pasteis, os lapis de cores e a colaxe dalgúns elementos.

Un traballo no que predominan as imaxes creadas a partir dunha suave paleta cromática que xoga constantemente cunha persoal luminosidade. Unhas imaxes, coas que a ilustradora nos introduce neste fascinante mundo de Fiz.
Distinción do xurado do Premio Nacional de Ilustración de Portugal

40 p. - 25x23 cm.      ISBN    978-84-9871-206-3

Fonte: Youtube e Oqo Editora