CANDO CAE A LUZ

 

CANDO CAE A LUZ

Autora: María Canosa

Urco Editora

Colección Alcaián

Xénero: Literatura Galega - Narrativa - Relatos

«Moitas veces ouvín dicir que os lobos non atacan as persoas. E isto non é certo», así dicía Ánxel Fole. Claro que, arredor dunha lareira, coas tebras da noite caendo sobre as costas, as lapas bailando na negrura e debuxando monstros na cara, as palabras dos relatos podían vestir de negro os pensamentos máis agochados. Naquela escena resultaba máis críbel e aterrador.

Noites de inverno nas que as palabras, o caldo e o viño quecían máis que o propio lume. Traballar pola fresca da mañá e xuntarse para falar ao cabo do día eran os fitos que marcaban o calendario. Falar. Comunicar. Transmitir. Compartir.

Os radiadores, a calefacción, quentaron os corpos e arrefriaron os corazóns.

Claro que os lobos seguen a existir. Non son tan doados de ver. Ocúltanse no monte e baixan silandeiros, en forma de sombras, ruídos, bicos traizoeiros, treboadas, badaladas… Transformáronse co paso do tempo, mais os lobos habitan o mundo e acoden a nós...   cando cae a luz.

ISBN: 978-84-15699-97-2

Nº de páxinas: 121

Formato: 13,3 x 21 cm

INVENTARIO ILUSTRADO DE ANIMAIS CON COLA

INVENTARIO ILUSTRADO DE ANIMAIS CON COLA 

Dirección: Virginie Aladjidi 

Ilustracións: Emmanuelle Tchoukriel 

Textos: Lucile Guittienne e Pierre-Antoine Gérard 

Tradución: Fernando Moreiras 

Factoría K de Libros, 2014 

Kalandraka Editora

Xénero: Libros infantís - Ciencia - Zooloxía

Idade recomendada: +6 anos

Para non perder o equilibrio, desprazarse, comunicarse, atacar ou defenderse...

A cola destes animais é máis importante do que parece e este álbum descúbrenos as formas, cores e funcións deste curioso apéndice en especies de todo o mundo.

ISBN: 978-84-15250-76-0 

Nº de páxinas:48 

Formato: 21,5 x 30 cm. 

Encadernación: Tapa dura