ENTREGA DE PREMIOS "VI CERTAME DE RELATO CURTO DE PAZOS DE BORBÉN" - CATEGORÍA C: ALUMNADO DE 1º E 2º DE PRIMARIA (3)

Xa estamos de volta outra vez para seguir informando da gala de entrega de premios do VI CERTAME DE RELATO CURTO DE PAZOS DE BORBEN que tivo lugar o pasado Xoves 19 de Decembro de 2024 no Auditorio do Concello.

Nesta 6ª Edición do Certame presentáronse 164 traballos pertencentes ao alumnado de Educación Infantil, Primaria e Secundaria do CPI "Curros Enríquez" de Pazos, ao alumnado de Educación Infantil da EEI "A Galeriña" de Nespereira; e aos usuarios da Asociación ASPAVI.

O acto estivo presidido polo Alcalde de Pazos de Borbén Xosé Luciano Otero Camiña acompañado dos concelleiros Iván Martínez Vedntín e Mª Victoria Couñago Corujeira, así como dos membros do xurado do certame e discurriu de forma moi amena e animada.

Agora pasamos a informar da entrega de premios aos participantes da seguinte categoría:

CATEGORÍA C: ALUMNADO DE 1º E 2º DE PRIMARIA

Participantes e gañadores da Categoría C: Alumnado de 1º e 2º de
Primaria cos membros do xurado, mestras e autoridades

O PRIMEIRO premio correspondeu ao traballo titulado "O CRUCEIRO DA LEDICIA" e o pseudónimo "MURIQUI", presentado por LUCA DA SILVA JUAN, de 7 anos, estudante de 21 de Educación Primaria.

Para ver o debuxo premiado facer CLIC no título.

Entregou o 1º Premio a Luca Da Silva Juan
o escritor Miguel Anxo Alonso Diz

O SEGUNDO premio correspondeu ao traballo titulado "A NENA QUE QUERÍA ADOPTAR UN CARACOL" e o pseudónimo "MICKEY", presentado por MARA DOMÍNGUEZ ADEGA, de 6 anos, estudante de 1º de Educación Primaria.

Para ver o debuxo premiado facer CLIC no título.

O Alcalde Xosé Luciano Otero Camiña entrega o
seu premio a Mara Domínguez Adega

E nesta categoría o xurado considerou premiar con Accésits os seguintes traballos:

Traballo titulado "A HISTORIA DE 3 AMIGOS DIFERENTES" e o pseudónimo de "LUCÍA", presentado por LEYRE GONZÁLEZ SIMÓN, de 6 anos, estudante de 1º de Educación Primaria.

Para ver o debuxo premiado facer CLIC no título.

Leyre González Simón recibe o seu premio de mans
da escritora Andrea Barreira Freije

Traballo titulado "A CASIÑA DA PRAIA" e o pseudónimo de "HARLEY QUEEN", presentado por AINARA RAMÍREZ PÉREZ, de 6 anos, estudante de 1º de Primaria.

Para ver o debuxo premiado facer CLIC no título.

O Concelleiro Iván Martínez Pérez entrega o
premio a Ainara Ramírez Pérez

Traballo titulado "CANASTROS" e o pseudónimo de "FPF", presentado por FABIO PAZOS FERNÁNDEZ, de 7 anos, estudante de 2º de Educación Primaria.

Para ver o debuxo premiado facer CLIC no título.

Fabio Pazos Fernández recibindo o seu premio que lle entrega
o mestre do CPI "Curros Enríquez" Manuel González Pastoriza

Unha vez finalizada a lectura dos premiados chamouse un por un ao resto de participantes non premiados desta categoría aos que se lles entregou un diploma acreditativo da súa participación no certame e un libro de agasallo. Entregouse tamén ás mestras destes cursos uns lotes de libros para as aulas.

As mestras de 1º e 2º de Primaria recollen os
lotes de libros para as súas aulas

Nos próximos días seguiremos informando dos premiados das restantes categorías que participaron neste certame que forma parte do programa de actividades de dinamización da Lingua Galega do ano 2024 "OBRADOIROS E CERTAME DE CREACIÓN LITERARIA" organizado pola Biblioteca Pública Municipal e que conta coa axuda e patrocinio do Concello de Pazos de Borbén e da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA