GALA DE ENTREGA DE PREMIOS DO "V CERTAME DE RELATO CURTO" DO CONCELLO DE PAZOS DE BORBÉN - (7) CATEGORÍA G: ALUMNADO DE 3º e 4º DE ESO

E chegamos ao final das informacions da Gala de entrega de premios do V CERTAME DE RELATO CURTO de Pazos de Borbén do martes 19 de decembro de 2023 no Auditorio do Concello de Pazos de Borbén, na que participaron os presentados ao Certame; os mestres do CPI "Curros Enríquez" de Pazos; monitores e usuarios da Asociación ASPAVI; e tamén algúns veciños e veciñas.

O Alcalde do Concello de Pazos de Borbén D. Xosé Luciano Otero Camiña presidiu o acto acompañado dos concelleiros Dª Mª Victoria Couñago Corujeira e D. Ivan Martínez Ventín; da Deputada provincial Dª Mª Sandra Bastos Míguez; e dos membros do xurado do Certame Dª Uxía Porrit Lueiro, Dª Andrea Barreira Freije; D. Miguel Anxo Alonso Diz; Dª Mª Isabel Lorenzo Castro, D. Manuel González Pastoriza e D. José Manuel Soto Virulegio.

Participantes da Categoría G: Alumnado de 3º e 4º de ESO coas autoridades e membros do xurado

E, por fin, toca informar da entrega de premios á CATEGORÍA G: ALUMNADO DE 3º e 4º DE ESO coa que rematamos as publicacións da estupendísima Gala de entrega de Premios do "V CERTAME DE RELATO CURTO" do Concello de Pazos de Borbén. Os premiados nesta categoría foron:

Primeiro premio ao traballo presentado baixo o título “O TESOURO DA XACIA” e o pseudónimo de “DIEGO”. Aberta a plica correspondeu a autoría de DIEGO DOMÍNGUEZ COSTAS, de 15 anos, estudante de 4º de ESO.

Para ver o traballo fai CLIC no título

Diego Domínguez Costas recibe o premio de Dª Uxía Porritt Lueiro

Segundo premio ao traballo presentado baixo o título “QUE TE DEFINE?” e o pseudónimo de “ANA CONDA”. Aberta a plica correspondeu a autoría de PAULA RIVAS RODRÍGUEZ, de 14 anos, estudante de 3º de ESO.

Para ver o traballo fai CLIC no título

Paula Rivas Rodríguez recibe o seu premio de mans do Sr. Alcalde D. Xosé Luciano Otero Camiña

O xurado considerou premiar con accésit nesta categoría ao traballo seguinte:

Traballo presentado baixo o título “VINGANZA NO RÍO” e o pseudónimo de “EREA”. Aberta a plica correspondeu a autoría de ALOIA DOMINGUEZ ÁLVAREZ, de 14 anos, estudante de 3º de ESO.

 Para ver o traballo fai CLIC no título

A escritora Dª Andrea Barreira Freije entrégalle o premio a Aloia Domínguez Älvarez

Finalizada a lectura dos premiados chamouse un por un ao resto de participantes non premiados nesta categoría para entregarlles o Diploma acreditativo da súa participación no certame e un libro de agasallo; así como uns lotes de libros para as aulas de 3º e 4º de ESO.

O escritor D. Miguel Anxo Alonso Diz entrégalles os lotes de libros para as aulas de 3º e 4º de ESO ao mestre D. Manuel González Pastoriza

Esta actividade forma parte do programa de actividades de dinamización da Lingua Galega do ano 2023 "OBRADOIROS E CERTAME DE CREACIÓN LITERARIA" organizado pola Biblioteca Pública Municipal do Concello de Pazos de Borbén e que conta coa axuda e patrocinio o Departamento de Lingua da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA