"TODA MULHER TEM A CABEÇA CHEIA DE HISTORIAS" CON TÂMARA BEZERRA - FESTIVAL ATLÁNTICA 2018

Estréase a participación do Concello de Pazos de Borbén no Festival Atlántica, para a que temos preparado duas estupendas actividades para os escolares do municipio.

A primeira sesión terá lugar o martes 13 de marzo, a cargo da narradora

Tâmara Bezerra

que vai agasallar aos escolares co espectáculo

‘Toda mulher tem a cabeça cheia de historias’

Trátase dunha función que inclúe tanto contos da tradición como contos de autor. En todos os enredos está presente a figura forte dunha narradora de historias e, ademais, os contos posúen a estrutura dunha matriz tradicional herdada da oralidade.

13-14 h | Auditorio do Concello [Pazos, 52]
Espectáculo para escolares (3º - 6º primaria) e usuarios da asociación ASPAVI | Infantil | Brasileiro

A narradora e escritora Tâmara Bezerra natural de Orós, estado de Ceará (Brasil) é graduada social especializada en Arte-Educación. Posúe un mestrado en Educación Intercultural pola Universidade de Lisboa, con investigación en contos de tradición do deserto brasileiro. Ten unha ampla traxectoria nas narrativas literarias dentro e fóra do Brasil, cunha forte influencia da poética da tradición oral. Tamén desenvolve habitualmente unha intensa actividade como buscadora de contos populares e formadora de narradores e mediadores de lectura. No eido literario, alén de títulos infantís, ten publicacións sobre narración de historias e mediación de lectura. É, ademais, membro do ‘Grupo de Estudos, Pesquisas e Partilhas com narrativas: Costureiras de Histórias’ de Fortaleza, Brasil. 

Se desexas máis información sobre Atlántica, Festival Internacional de Narración Oral, o seu programa e os artistas convidados podes consultala na web http://festivalatlantica.com.

Esperámosvos en Pazos de Borbén no
FESTIVAL ATLÁNTICA 2018