CONTACONTOS "ZAMPULLADAS, COME DE TODO MENOS TRAPALLADAS"

Seguindo coa programación prevista e para finalizar as actividades de Animación á Lectura deste ano 2016 teremos en BIBLIOPAZOS o Día 19 de Decembro, Luns, a partir das 13:00 horas, a GENMA PARDO (Gema gemola, a contadora de contos que máis mola) que nos ofrecerá o seu espectáculo de contacontos “Zampulladas: come de todo menos trapalladas”.

 

Con esta actividade celebraremos a declaración pola Asemblea Xeral da ONU do ano 2016 como “Ano internacional das legumes”, e na que se designou á Organización das Nacións Unidas para a Alimentación e a Agricultura (FAO) para que facilite a celebración deste evento co que se propón sensibilizar á opinión pública sobre as vantaxes nutricionais dos legumes como parte dunha produción de alimentos sustentable encamiñada a lograr a seguridade alimentaria e a nutrición.

 

Temos prevista a asistencia duns 60 nenos e nenas de 3º e 4º curso de primaria do CPI “Curros Enríquez” de Pazos e da EEI "A Galeriña" de Nespereira.

 

Agradecer desde a Biblioteca Pública Municipal do Concello de Pazos de Borbén -BiblioPazos- á Fundación Filomena Rivero Alonso o patrocinio destas actividades e tamén o desexo de continuar colaborando en anos vindeiros co obxectivo principal de seguir desenrolando actividades de carácter formativo, educativo, culturais e sociais dirixidas a tódolos públicos entre ámbalas dúas institucións.