O Concello de Pazos de Borbén organiza un obradoiro para facilitar a busca de emprego entre a xuventude.
A Oficina de Información Xuvenil (OMIX) do Concello de Pazos de Borbén convoca un obradoiro relacionado co autoemprego e a busca activa de traballo. Trátase do obradoiro práctico "ACTIVANDO O TEU FUTURO" e está dirixido aos xóvenes do concello que desexen incorporarse ao mercado laboral.
O obradoiro está incluido no programa "Activa 2014" da Dirección Xeral de Xuventude e Voluntariado e será impartido por técnicos da Consellería de Traballo e Benestar.
É totalmente gratuíto, de dúas horas de duración, e terá lugar o próximo día 13 de outubro de 15:45 horas ata as 17:50 horas, no salón de actos do Concello.
A temática do obradoiro será a seguinte:
- Define o teu obxectivo.
- Simplifica o teu curriculum.
- A proba das redes sociais.
- Adquire formación.
- A importancia da educación non formal e o voluntariado.
- Empresas especialistas nas redes sociais.
- Descubre a túa vocación e activa a túa creatividade.
- Creación de rede de contactos Emprego.
As PRAZAS son LIMITADAS, polo tanto será necesario que os interesados que desexen asistir realicen a súa INSCRICIÓN no Rexistro Xeral do Concello de Pazos de borbén ata o día 8 de outubro de 2014.
Para máis información podes dirixirte á Oficina Municipal de Información á Xuventude do Concello en horario de 9:00h a 14:00 horas, de luns a venres ou tamén chamando aos teléfonos: 986 498 934 / 986 497 035 e preguntar por Isabel.
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.