OS BALBINOS. RUTA DA PRATA

 

OS BALBINOS. RUTA DA PRATA

Autores: Toño Núñez e Xoán Carlos García Porral

Ilustrador: Gabriel Iglesias Sanmartín

Edita: Edicións Fervenza

Xénero: Literatura Infantil en Galego - Narrativa

Idade recomendada: +8 anos

Libro con ilustración a toda cor e encadernado en tapa dura. En tres idiomas: Galego, castelán e inglés.

Somos a familia dos Balbinos, Lúa e Bal e os nosos pais Lena e Lino, e estamos percorrendo as distintas Rutas do Camiño ata Santiago de Compostela nos tramos que corresponden a Galicia, e todas as nosas aventuras contámolas nos nosos libros. De momento conseguimos rematar o Camiño Francés e a Ruta da Prata.

Primeiro fixemos o Camiño Francés, e despois desa fermosa experiencia, a familia dos Balbinos decidimos facer unha nova peregrinaxe a Compostela, desta vez pola Ruta da Prata, na variante do Camiño Sanabrés.

Ollamos elementos fermosos do noso patrimonio, escoitamos historias e lendas engaiolantes, e coñecemos persoas que desbordaban amabilidade en cada un dos concellos polos que pasamos: A Mezquita, A Gudiña, Castrelo de Val, Laza, Vilar do Barrio, Xunqueira de Ambía, Taboadela, San Cibrao das Viñas, Ourense, Vilamarín, Cea, Piñor, Dozón, Lalín, Silleda, Vedra, Boqueixón e Santiago de Compostela.

O traxecto foi duro, pero pagou a pena xa que chegamos cargados de anécdotas e de experiencias enriquecedoras. Tanto é así que, quen sabe... Igual para o ano, aos Balbinos se nos dá por facer outra das rutas cara a Santiago.

ISBN: 978-84-18136-08-5

Nº de páxinas: 100

Formato: 22 cm x 24 cm

Encadernación: Tapa dura