"SOMOS UNHA GRAN FAMILIA" - OS BOLECHAS DE NOVO EN PAZOS DE BORBÉN

AUDITORIO DO CONCELLO

DE

PAZOS DE BORBÉN

DOMINGO 30 DE XUÑO

ÁS 20:00 HORAS

Ven pasalo en grande coa familia!

A familia animada máis famosa de Galicia estará presente de novo no programa de dinamización lingüística FalaRedes, organizado pola Consellería de Cultura e Turismo, por medio da Secretaría Xeral de Política Lingüística, en colaboración coas entidades que forman parte da Rede de Dinamización Lingüística (RDL) da Xunta de Galicia.

Toda a proposta transcorre nun suposto programa de televisión. Un rexedor dá as indicacións ao público antes de comezar é... comeza "A Gran Familia". Ui! Pero hai un problema: falta alguén que presente o programa. Haberá que buscalo entre o público. E tamén os concursantes!

DIVERSIÓN PARA TODA A FAMILIA

Os Bolechas presentan unha proposta divertida na que a familia non só é destinataria senón protagonista. Un proxecto para pasalo en grande cos Bolechas desde os 3 ata os 100 anos!

DIDÁCTICA

Coma sempre, ademais de diversión a proposta ten un compoñente didáctico no que se bota man do tema principal, a familia, para desenvolver diversas cuestións, unhas máis teóricas, como coñecer os parentescos, e outras máis prácticas, relacionadas con xogos populares e de habilidade. De xeito transversal, como é habitual, tocaranse temas de como o traballo en equipo, a colaboración, o fomento de práctica saúdables e, por suposto, habilidades lingüísticas en galego, de forma que o idioma sexa o eixo a través do que se configura todo o universo de diversión que levan aparelladas as iniciativas dos Bolechas.

PARTICIPATIVA

O espectáculo mistura o formato de monicreques manipulados por actores á vista con actores reais. Aínda que o verdadeiro protagonista da historia é o público, especialmente estudantes de educación infantil e primaria que poderán aprender e pór a proba os seus coñecementos e habilidades xunto aos seus personaxes favoritos.

A duración da función está arredor de 50 minutos.

Toda a información sobre esta actividade podedes vela na seguinte páxina web: http://osbolechas.gal/familia/ e na mesma poderedes atopar diversos xogos para seguir divertíndovos cos Bolechas e tamén participar no Sorteo a Gran Familia.

Coma sempre a ENTRADA É LIBRE E DE BALDE ata completar o aforo do auditorio.

ESPERÁMOSVOS!!!

NON VOS ESQUEZADES!!!