Rematamos as actividades do ano 2017 cunha última contada para todos os alumnos de Infantil e Primaria do Colexio Público Integrado “Curros Enríquez” de Pazos e da EEI "A Galeriña" de Nespereira.
Esta contada "CONTA CONMIGO" será levada a cabo pola actriz, directora, contacontos e moitas cousas máis SABELA GAGO e está patrocinada polas Editoriais Santillana – Obradoiro nunha nova campaña de colaboración de BiblioPazos coas editoriais galegas.
Así que xa sabedes, o martes 19 de
decembro terá lugar na Sala de Lectura da Biblioteca Pública Municipal do
Concello de Pazos de Borbén o espectáculo de narración oral “CONTA CONMIGO”,
unha contada onde os rapaces e rapazas participarán activamente, serán
protagonistas das historias que se van sucedendo para facer dos contos unha
sesión dinámica de goce e coñecemento. Unha viaxe en avión ou nave espacial,
según elixan os protagonistas, un galiñeiro cheo de ovos únicos ou un camaleón
en apuros, son algunas das historias que os alumnos e alumnas poderán vivenciar
entre coreografías grupais e personaxes fantásticos. A clave estará en espertar
a imaxinación.
Sabela Gago é licenciada en Pedagoxía e Diplomada en Maxisterio, reside en Ourense onde compaxina a súa actividade como actirz, produtora e docente teatral na Compañía Sarabela Teatro, co traballo de Especialista en temas de Animación á lectura no Concello de Ourense, Centros de Formación, Bibliotecas, Editoriais e Centros Educativos de Galicia.
ESPERÁMOSVOS EN BIBLIOPAZOS!
NON FALTEDES!
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.