Continuamos coas actividades de Animación á Lectura e nesta ocasión imos homenaxear ao autor CARLOS CASARES ao que se lle adica este ano o DIA DAS LETRAS GALEGAS.
Para elo o Venres 12 de maio, na Sala de Lectura da Biblioteca ás 11:00 horas teremos con nos a CRIS DE CALDAS co seu espectáculo de narración oral "A galiña azul e compañía" no que fará unha explicación amena do autor Carlos Casares e do que significan as Letras Galegas.
A galiña azul virá moi ben acompañada, de xeito que coñeceremos outras obras de Casares e algúns contos tradicionais.
Despois da sesión de contos, desenvolverase un obradoiro cos asistentes á actividade.
Temos invitado a esta actividade aos alumnos de 1º e 2º de Primaria de CPI "Curros Enríquez" de Pazos.
Esta actividade forma parte do programa LER CONTA MOITO promovido pola Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coas entidades locais.
ANIMÁDEVOS A PARTICIPAR!
Ningún comentario:
Publicar un comentario
Grazas polo teu comentario e por compartir a túa experiencia.
A túa participación axúdanos a mellorar.